Ermmaasa Zilaassaa 1:22 - Wolaytta Bible

²² Eta iitatettai ubbai ne sintti gakko; ta nagaraa ubbaa gishshau, neeni tana qaxxayidoogaadan, etakka qaxxaya! Aissi giikko, ta zilaassai dariis; ta wozanaikka meqqiis” yaagausu.

Ermmaasa Zilaassaa 1:22 ပူးပေါင်းရင်းမြစ်များ

Mazamure Maxaafaa 143:7

Abeet GODAU, taayyo zaaruwaa immanau ellella! Taani hitaas. Taani duge duufuwan geliya asatu mala gidennaadan, ne som77uwaa taappe genttoppa.

Mazamure Maxaafaa 79:10

Dereti aibissi, “Eta Xoossai awan de7ii?” yaaganee? Ne ashkkaratu suuttaa eti gussidoogaa haluwaa neeni kessiyoogaa nuuni xeellishin, eta gidduwan qonccissa.

Isiyaasa 13:7

Hegaa gishshau, kushe ubbai hilssi gaana; asa ubbaa wozanaikka seerana.

Ermmaasa 10:25

Ne hanqquwaa nena erenna kawotettatu bollinne ne sunttaa xeesenna asatu bolli tiga. Aissi giikko, eti Yaaqooba asaa miidosona; eti eta ashshennan mi bayidosonanne eta aawaa biittaa xaissidosona.

Ermmaasa 18:23

SHin abeet GODAU, eti tana woranau maqettidoogaa ubbaa neeni eraasa. Neeni eta iitatettaa atto gooppa, woikko eta nagaraa ne sinttappe quccoppa. Eti ne sinttan xoonettidi kunddona. Ne hanqquwaa wode neeni eta hagaadan ootta.

Ermmaasa 30:16

“SHin inttena biittaa kessi miida ubbati meetettana; intte morkketi ubbatikka omooduwau baana. Inttena bonqqidaageeti bonqqettana; inttebaa olan ekkidaageetubaakka olan ekkana.

Ermmaasa 8:18

Paxanau danddayenna keenaa taani azzanaas; ta wozanaikka ta giddon seerees.

Ermmaasa Zilaassaa 1:13

GODAI bolla xoqqaappe tamaa duge yeddiis; he tamai ta meqettaa giddo geliis. Ta gediyaa oiqqanau piriyaa wottiis; tana guyye zaariis. I tana gallassa ubban labbanttidi, yeggi bayiis.

Ermmaasa Zilaassaa 5:17

Hegaa gishshau, nu wozanai daafuriis; nu aifeekka galjjiis.

Luqaasa 23:31

Aissi giikko, eti qayye mittaa hagaadan oottiyaageeta gidikko, mela mittaa waataneeshsha?” yaagiis.

Efisoona 3:13

Hegaa gishshau, taani intteban metootiyoogan intte hirggenna mala, inttena woossais; aissi giikko, taani intte bonchchuwau metootais.

Ajjuutaa 6:10

Eti bantta qaalaa xoqqu oottidi, “Ubbaa Haariya Godau, geeshshau, tumanchchau, sa7an de7iya asaa bolli aude pirdduutee? Qassi nu suuttaa aude achchuutee?” yaagidosona.