Ermmaasa Zilaassaa 1:11 - Wolaytta Bible

¹¹ I asati namisettidi, qumaa demmanau ooloosona. Eti paxa de7ana gishshau giidi, bantta bonchcho buquraa ubbaa quman laammoosona. Yerusalaama hagaadan yaagausu; “Abeet GODAU, xeella; taani karettidoogaa be7a!

Ermmaasa Zilaassaa 1:11 ပူးပေါင်းရင်းမြစ်များ

Kawotu Maxaafaa Naa77anttuwaa 6:25

Eti dooddido gaasuwan Samaariyaa kataman hanttaara koshai geliis; gelin issi hariyaa huuphee hosppun tammu xaqara biran, naa77u xeetu giraame gidiya haraphphiyaa shiyai ichchashu xaqara biran baizettiis.

Iyyooba Maxaafaa 40:4

“Abeet GODAU, taani pattenna laafa asa; taani neeyyo waata zaaranau danddayiyaanaa? Taani ta doonan ta kushiyaa wottaas.

Mazamure Maxaafaa 79:4

Nu shoorotuyyo nuuni cayiyoobaa gidida; nu heeran de7iyaageetuyyo miicciyoobaanne qiriyoobaa gidida.

Ermmaasa 15:19

Hegaa gishshau, GODAI hagaadan yaagees; “Neeni taakko simmikko, taani zaarada nena ekkana; neeni taayyo oottana. Hada yohuwaa aggada, bonchcho qaala xalaala yootikko, neeni ta doona gidana. Hageeti asati neekko simmana; shin neeni etakko simmakka.

Ermmaasa 19:9

Eti bantta macca naatunne attuma naatu ashuwaa maanaadan taani oottana. Eta woranau koyiya morkketi eta waissiyo waayiyaaninne dooddiyo doodan, eti ubbai issoi issuwaa ashuwaa maana” yaagees' yaaga.

Ermmaasa 38:9

“Ta godau kawuwau, ha asati gita iitabaa oottidosona; hegeekka aibee giikko, hananabaa yootiya Ermmaasa haatta ollan yeggidosona. Qassi kataman qumi bainna gishshau, i hegan namisan haiqqees” yaagiis.

Ermmaasa 52:6

Hegaa gaasuwan biittan koshai suullin, he laitti oiddantto aginan, uddufuntta gallassan, he biittaa asaayyo miyoobi xayiis.

Ermmaasa Zilaassaa 1:8

Yerusalaama gita nagaraa oottaasu; hegaa gishshau, a tunabaa gidausu. Kase o bonchchida ubbai ha77i i kalluwaa be7ido gishshau, o karees. Akka oolausunne guyye simmausu.

Ermmaasa Zilaassaa 1:9

I tunatettai i afalaa xeeraa baqqi oiqqiis. Sinttappe ba bolli hananabaa a qoppabeikku. Hegaa gishshau, i kunddettai daganttiyaagaa. A, “Abeet GODAU, ta tuggaa be7a! Ta morkketi tana xoonidosona” ginkka, o minttettiyaabi issoinne baawa.

Ermmaasa Zilaassaa 2:11

Ta aifee afuxxii afuxxidi galjjiis; ta wozanaikka azzanuwan shabbirettiis. Aissi giikko, ta asai xayiis; guutta naatinne yiira naati katamaa ogiyan labbanidi kunddidosona.

Ermmaasa Zilaassaa 2:12

Eti bantta aayeta, “Qumaa imma! Woine eessaa imma!” yaagidi waassoosona. Katamaa ogiyan deshettidi labbaniya asatudan eti labbanin, eta aayetu kiyuwan eta shemppoi kiyees.

Ermmaasa Zilaassaa 2:20

Abeet GODAU, be7a! Neeni o bolli kase hagaadan oottidaakko, ane qoppa. Aayeti bantta kiyuwan ishalissidi dichchido bantta naata moona gai? Qassi qeesetinne hananabaa yootiyaageeti Godaa Beeta Maqidasiyaa giddon haiqqona gai?

Ermmaasa Zilaassaa 5:1

Abeet GODAU, nu bolli gakkidabaa ubbaa hassaya; nuna xeella; nu kaushshaakka be7a!