Ermmaasa 51:55 - Wolaytta Bible

⁵⁵ Aissi giikko, GODAI Baabiloone bashshana; a wolqqaama cenggurssaakka co77u oottana. Abbaa beetaadan guummiya morkketi woraajjiiddi garmmaamana.

Ermmaasa 51:55 ပူးပေါင်းရင်းမြစ်များ

Mazamure Maxaafaa 124:2

“GODAI nu bagga gidennaakko, nu bollan asai denddido wode,

Mazamure Maxaafaa 124:4

Di7oi nuna meeccana shin; shaafaa haattai nuna muukkana shin;

Mazamure Maxaafaa 18:4

Haiquwaa hirggai wodorodan tana phuphphuriis; bashshai di7odan tana muukkiis.

Mazamure Maxaafaa 65:7

Neeni abbaa wocamaanne beetaa gunttaa sirphphi oottaasa; qassi deree denddiyo denttaa irxxissaasa.

Mazamure Maxaafaa 69:2

Tohoi eqqiyoosi bainna liqimisiyan muukettais; ciimma haattaa giddo gelaas; haattaa zulee ta bolli zin77ana hanees.

Isiyaasa 15:1

Moo7aaba biittaabaa GODAI odido qaalai hagaa: Moo7aaban de7iya Eera giyo katamai issi qammi qolettidi xayiis; qassi Moo7aaban de7iya Qiira giyo katamaikka issi qammi qolettidi xayiis.

Isiyaasa 17:13

Kawotettati daro haattatu gunttaadan guummoosona; shin GODAI eta seerana; seerin eti deriyaa huuphiyan de7iya suullai carkkuwan denddiyoogaadaaninne gotee denttiyo baanaadan, yedetettidi, haahosaa baqatana.

Isiyaasa 47:5

GODAI hagaadan yaagees; “Bii Kaladaawetu na7ee, ba; baada xuman co77u gaada uttaaga. Aissi giikko, hagaappe sinttau neeni kawotettatu kawiyo geetettakka.

Ermmaasa 25:10

Taani etappe ililssaanne ufaissaa cenggurssaa, bullachchiyaagaanne bullashettiyaari cenggurssaa, woxan gaacciyo cenggurssaanne xomppiyaa poo7uwaa xaissana.

Ermmaasa 51:42

Baabiloone morkketi abbaa beetai denddiyoogaadan denddidi, kataman eellidosona.

Hizqqeela 26:3

Hegaa gishshau, Ubbaa Haariya GODAI hagaadan yaagees; 'Nenoo, Xiiroosa katamau, taani neeyyo morkke. Abbaa beetai yiyoogaadan, taani daro kawotettata ne bollan ehaana.

Luqaasa 21:25

“Awa aifiyaaninne aginan xoolinttiyan malaatai beettana; sa7an de7iya issi issi dere asai abbainne beetai guummiyoogaa siyidi, hananabai etassi erettennan ixxin metootana.

Ajjuutaa 17:15

Kiitanchchai qassikka tana hagaadan yaagiis; “SHaaramuxiyaa uttido he neeni be7ido haattati yarata, daro asaa, asa zaretanne dumma dumma biitta qaala.