Ermmaasa 50:46 - Wolaytta Bible

⁴⁶ Baabiloone kunddettaa giirettai biittaa qaattana; Baabiloonetu waasoikka kawotettatu ubban siyettana” yaagees.

Ermmaasa 50:46 ပူးပေါင်းရင်းမြစ်များ

Isiyaasa 15:5

Taani Moo7aabassi wozanaappe yeekkaas; an de7iya asai Xoo7aaronne Egilaati-SHaliishiyaa giyo katamatau baqatiis. Eti Luhiita ogiyan yeekkiiddi boosona; baggati qassi Horonaima biyo ogiyan, bantta bashshaa gishshau, waasuwaa xulluusoosona.

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Ermmaasa 46:12

Intte yeellaa kawotettati siyidosona; intte yeekkiyo yeehuwaa biittai sa7ai siyiis. Aissi giikko, intte olanchchati issoi issuwan xubettidi, mulee issippe kunddidosona.

Ermmaasa 49:19

“Yorddaanoosa SHaafaa lanqqiyan de7iya woraappe lo77o qooroi de7iyoosaa qoppennan kiyiya gaammuwaadan, taani yaada, Eedooma asata qoppennan eta biittaappe yedettana. Hegaappe guyyiyan, ta doorido asa a bollan sunttana. Ta malai baawa; taani oottana giidobaakka teqqanau danddayiya asi baawa. Ai henttanchchi tanaara eqettanau danddayii?

Ermmaasa 49:21

Eedooma kunddettaa giirettai biittaa qaattana; Eedoomatu waasoikka Zo7o Abbaa gakkanaashin siyettana.

Ermmaasa 51:29

“Baabiloone ooninne de7enna bazzo oottanau GODAI halchchido halchchuwaa poliyo gishshau, biittai ubbai kokkoreesinne porqqattees.

Ermmaasa 51:54

“Baabilooneppe asaa waasuwaa cenggurssai, Baabiloone biittaappe gita bashshaa kooshinchchai siyettana!

Hizqqeela 26:18

Neeni kunddiyo gallassi haruuroti kokkoridosona. Abbaa giddon de7iya haruuroti ne wulettan dagammidosona” yaagana' yaagees.

Hizqqeela 27:28

Muukettiyaageeti waassiyo cenggurssai abbaa gaxaa gakkanaashin siyettees.

Hizqqeela 31:16

Taani he mittaa Si7ooliyan oliyo wode, a kunddettaa cenggurssan kawotettai ubbai qaaxxana. Kunddidi Si7ooliyan gelida Edene mittatinne haattaa uyiya doorettidanne lo77o Liibaanoosa mittati ubbai a kunddettan minettana.

Hizqqeela 32:10

Taani ne bolli gattiyoobai kawotettata ubbaa daganttana. Taani ta bisuwaa eta sinttan leelleesiyo wode, kawotettati yashshan kokkorana; neeni kunddiyo gallassi eti ubbaikka bantta shemppuwau shemppuwau yayyana” yaagees.