Ermmaasa 46:23 - Wolaytta Bible

²³ Yiidi asai sixima woraa qeexidi xaissiyoogaadan, Gibxxe asaa siifi wurssana. Taani GODAI hagaa odais. Morkketu qoodai booliyaappekka corattees; eta qoodanau danddayettenna.

Ermmaasa 46:23 ပူးပေါင်းရင်းမြစ်များ

Isiyaasa 10:18

GODAI ba woraa mittaa bonchchuwaanne ba aradda gadiyaa bonchchuwaa xaissana; simmi hegee harggiya asi siliyoogaadan silana.

Ermmaasa 21:14

shin taani GODAI nena ne oosuwaadan qaxxayana. Taani ne kawo keettan tamaa oittana; oittin ne yuushuwan de7iyaabaa ubbaa mi xaissana” yaagees.

Ermmaasa 46:22

“Morkketi wolqqan woraajjiyo wode, Gibxxe asai baqatiya shooshshaadan solddana; he morkketi mittaa qanxxiya asatudan, kalttaa ekkidi, a bolli yaana.

Hizqqeela 20:46

“Laa asa na7au, tohossa baggi simmada xeella; tohossa baggau oda; Neegeeba Woraa bolli hananabaa yoota.

Yuu7eela 2:25

GODAI hagaadan yaagees; “Kase taani intte giddo yeddido, ta wolqqaama wudeti, gonddoti, booleti, gumbburotinne ukkubboti miido laittatu acuwaa taani intteyyo qanxxana.

Daannatu Maxaafaa 6:5

Bantta mehiyaanne bantta dunkkaaniyaa ekkidi, boolee yiyoogaadan corattidi yoosona; etanne eta gaameelata qoodanau danddayettenna; eti yiiddi biittaa bashshoosona.

Daannatu Maxaafaa 7:12

He wode booledan corattida Midiyaama asai, Amaaleeqa asainne arshsho baggaara de7iya asai ubbai wombbaa giddon dunkkaanidi uttidosona. Eta gaameelati abbaa doonan de7iya shafiyaadan qoodanau danddayettennaageeta.