Ermmaasa 46:19 - Wolaytta Bible

¹⁹ Inttenoo, Gibxxe biittan de7iyaageetoo, omooduwan baanau giigite. Aissi giikko, Memppisa katamai kolettidi, ooninne de7enna bazzo gidana.

Ermmaasa 46:19 ပူးပေါင်းရင်းမြစ်များ

Isiyaasa 19:13

Xo7aane katamaa haariyaageeti eeyyidosona; Memppisa katamaa haariyaageetikka cimettidosona. Gibxxe asaa zariyaa giddoppe asaa kaalettiyaageeta giidi wottidoogeeti Gibxxe balettidosona.

Isiyaasa 20:4

Hegaadan Asoore kawoi, Gibxxeppe omoodettidaageetanne Toophphiyaappe betidi kiyidaageeta kallo xiirenne mela tohuwaara, dulleekka kallo de7ishin laaggidi, Gibxxe yeellau efaana.

Ermmaasa 26:9

Neeni, 'Ha Beeta Maqidasee Seelodan hanana; qassi ha katamaikka baisanne ona gidana' yaagada, GODAA sunttan aissi hananabaa yootadii?” yaagidosona. Yaagidi GODAA Beeta Maqidasiyan shiiqida asati ubbai Ermmaasa dooddidosona.

Ermmaasa 34:22

Taani GODAI Baabiloone olanchchata azazana; azazin eti ha katamaa simmana. Simmidi eti ha katamaa olana, omooddananne taman xuuggana. Yihudan de7iya katamatakka asi de7enna baisa soho oottana” yaagees.

Ermmaasa 44:1

Gibxxe biittan Migidoola, Xaafinaasanne Memppisa geetettiya katamatuuninne tohossa baggaara de7iya Patiroosa biittan de7iya Aihudata xeelliyaagan GODAA qaalai Ermmaasakko hagaadan yaagiiddi yiis;

Ermmaasa 46:14

“Hagaa Gibxxen yoota; qassi Gibxxe katamatun Migidoolan, Memppisaaninne Xaafinaasan awaajja. 'Olai intte yuushuwan de7iya asaa ubbaa wurssiiddi de7iyo gishshau, denddi eqqidi giigettite!' yaaga.

Ermmaasa 48:18

“Inttenoo, Diboona kataman de7iyaageetoo, intte bonchcho sohuwaappe wodhdhidi, mela biittan uttite. Aissi giikko, Moo7aaba xaissiyaagee intte bollankka yaana; intte qatuwaa ubbaakka laalana.

Hizqqeela 29:11

Asa gidin mehe gidin, hegaara kanttenna; oitamu laittai wurana gakkanaashin, aibinne hegan de7enna.

Hizqqeela 29:12

Taani Gibxxe biittaa biitta ubbaappe aadhdhida baisa biitta oottana; a katamatikka oitamu laittai wuranaashin, hara kolettida katama ubbaappe aaruwaa kolettidi de7ana. Gibxxe asaa taani kawotettatu giddooninne hara asaa giddon laalana” yaagees.

Hizqqeela 30:13

“'Ubbaa Haariya GODAI hagaadan yaagees; “Memppiisa kataman de7iya eeqatanne misileta ubbaa taani xaissana; Gibxxe biittan naa77antto halaqi de7enna; biitta ubbaa taani yashissana.

Hoose7a 9:6

Eti bashshaappe kessi ekkikkokka, Gibxxee eta shiishshana; shiishshin Memppisa giyo katamai eta moogana. Eti shiishshido bira miishsha ubbai dooyee maayin attana; eta dunkkaaniyaa giddonkka buloi buuzoi mokkana.

Sofonaasa 2:5

Inttenoo, abbaa doonan de7iya Pilisxxeema asatoo, intteyyo aayye7ana! Nenoo, Pilisxxeemati de7iyo Kanaane biittau, GODAA pirddai ne bollan yees. Taani nena xaissana; nenan issi asinne attenna.