Ermmaasa 44:24 - Wolaytta Bible

²⁴ Hegaappe guyyiyan, Ermmaasi asau ubbau, maccaunne attumau hagaadan yaagiis; “Inttenoo, Yihudaappe yiidi, Gibxxe biittan de7iya asatoo, ubbaikka GODAI giyoobaa siyite!

Ermmaasa 44:24 ပူးပေါင်းရင်းမြစ်များ

Kawotu Maxaafaa Koiruwaa 22:19

Mikaayi gujjidikka hagaadan yaagiis; “Simmi GODAI giyoobaa siya! GODAI ba kawotaa araatan uttin, saluwaa olanchchati ubbai a ushachchaaranne haddirssaara eqqidaageeta taani be7aas.

Isiyaasa 1:10

Inttenoo, Sadooma haariyaageetu malatoo, GODAA qaalaa siyite! Inttenoo, Gamoora asaa malatoo, nu Xoossaa higgiyaa ezggite!

Isiyaasa 28:14

Hegaa gishshau, inttenoo, Yerusalaamen de7iya asaa haariya qilliicciyaageetoo, GODAA qaalaa siyite.

Ermmaasa 42:15

inttenoo Yihudan attidaageetoo, GODAI inttena giyoobaa siyite. Ubbaappe Wolqqaama GODAI, Israa7eela Xoossai hagaadan yaagees; 'Intte Gibxxe biidi, yan de7anau qofaa qachchikko,

Ermmaasa 43:7

Hegaadan hanidi, GODAI azazidoogaa ixxidi, Gibxxe biitti gelidi, Xaafinaasa giyo katamaa gakkanaashin biidosona.

Ermmaasa 44:26

“Gidikkonne, inttenoo, Gibxxe biittan de7iya Yihudaa asatoo, GODAI giyoobaa siyite! GODAI hagaadan yaagees; 'Hagaappe hini baggan Gibxxe biittan de7iya Yihudaa asaappe issoinne ta sunttan, “Ubbaa Haariya GODAI ero!” giidi caaqqenna mala, taani ta gita sunttan caaqqaas.

Hizqqeela 2:7

Eti makkalanchcha zare gidiyo gishshau, siyin ixxin, ta qaalaa etau yoota.

Amoxa 7:16

Ha77i simmi GODAI giyoobaa siya! Neeni, 'Israa7eela bolli hananabaa yootoppa; Yisaaqa zaretu bollikka markkattoppa' yaagadasa.

Maatiyoosa 11:15

Simmi siyiya haitti de7iyoogee siyo!