Ermmaasa 4:20 - Wolaytta Bible

²⁰ Iitabai iitabaa kaallees; mule biittai moorettiis. Ta dunkkaanetinne magalashoti eesuwan xayidosona.

Ermmaasa 4:20 ပူးပေါင်းရင်းမြစ်များ

Mazamure Maxaafaa 42:7

Ne soossuwaa gunttan ciimmai ciimmau alaahees; qassi ne beetainne ne hobbee ubbai ta bollaara goggiis.

Mazamure Maxaafaa 72:19

A bonchcho sunttai merinaayyo galatetto; a bonchchoi sa7aa ubbaa kumo.

Kessaabaa 33:5

Aissi giikko, GODAI Muusa hagaadan yaagi wottiis; “Israa7eela hagaadan yaaga; 'Intte morggee zozzido asa. Taani inttenaara harai atto guutta wodiyaa biyaakkokka, taani inttena xaissarggana. Ha77i simmi intte alleequwaa kessirggite; yaatobare taani inttena oottanabaa qachchana' yaaga” yaagiis.

Isiyaasa 13:6

GODAA gallassai matido gishshau yeekkite! He gallassai Ubbaappe Wolqqaama Xoossaa matappe bashshadan yaana.

Isiyaasa 15:5

Taani Moo7aabassi wozanaappe yeekkaas; an de7iya asai Xoo7aaronne Egilaati-SHaliishiyaa giyo katamatau baqatiis. Eti Luhiita ogiyan yeekkiiddi boosona; baggati qassi Horonaima biyo ogiyan, bantta bashshaa gishshau, waasuwaa xulluusoosona.

Isiyaasa 33:20

Nuuni nu baalaa bonchchiyo Xiyoone katamaa be7ite! Woppu giidi de7iyoosaa, a xishee shodettenna, a wodoroikka duuxxennanne qaaxxenna dunkkaane malaa, Yerusalaame katamaa intte intte aifiyan be7ana.

Isiyaasa 47:9

Ha naa77u yohoti issi gallassi aifee liphanaashin, ne bolli yaana. Ne bitai daro, ne murunnoikka gita wolqqaama gidikkonne, neeni ne naatuppe mela attiyoogeenne am77etettai ne bolli kumettan yiyoogee attenna.

Isiyaasa 54:2

Ne dunkkaaniyaa sohuwaa aassa; qassi neeni de7iyo sohuwan magalashotakka piddi oottada micca. Guyye gooppa; wodoruwaakka adussa; xishiyaakka mintta.

Ermmaasa 12:11

He biittai moorettidi oxxiis; ta sinttan melanne baisa gidiis. Qarettiyaabai bainna gishshau, mule biittaikka moorettiis.

Ermmaasa 17:18

Tana yedettiyaageeta yeellaya; shin tana yeellayoppa. Eta dagantta; shin tana daganttoppa. Eta bolli meto gallassaa eha; eta naa77u kushe qixaatiyaa qaxxaya.

Ermmaasa 4:21

Taani aude gakkanau olaa malaataa xeellaneenne malkkataa punettaa siyanee?

Ermmaasa 4:27

GODAI hagaadan yaagees; “Mule biittai moorettana; shin taani a wurssa xaissikke.

Ermmaasa 4:6

Asai Xiyoone baana mala malaatite! Intteyyo saro attanau baqatite! Gam77oppite! Aissi giikko, taani huuphessa bagga biittaappe iitabaanne gita bashshaa ehais.

Ermmaasa 9:18

Eti eesuwan yiidi, nu aifee afuttaa siluwaa xoohana gakkanaassinne nu aifiyaa ciroi haattaa pulttana gakkanaassi nu bolli zilaalona.

Ermmaasa Zilaassaa 3:47

Nuuni dagammidanne gitiyan gelida; bayidanne xayida” yaagoos.

Hizqqeela 14:21

Ubbaa Haariya GODAI hagaadan yaagees; “Taani asaanne mehiyaa woranau Yerusalaame bolli ta oiddu hanttaara pirddata, bisuwaa, koshaa, bazzo do7aanne boshaa yeddiyo wode, i ai keena aaro iitabaa gidanddeeshsha!

Yuu7eela 1:15

GODAA gallassai matees; he gallassau aayye7ana! He gallassai Ubbaa Danddayiya Xoossaappe bashsha gallassa gididi yees.

Wogaabaa 26:18

“Hagaa ubbaa oottinkka intte tana siyennan ixxikko, taani intte nagaraa gishshau intte qixaatiyaa laappun dakko gujjana.

Wogaabaa 26:21

“Intte taayyo ixxis giikkonne taani giyoobaakka siyennan ixxikko, intte nagaraa keena laappun dakko boshaa taani intte bollan ehaana.

Wogaabaa 26:24

he wode tankka intteyyo ixxis gaana; qassi intte nagaraa gishshau taani ta huuphen inttena laappun dakkuwaa qaxxayana.

Wogaabaa 26:28

he wode tankka intte bolli hanqquwan denddana; intte nagaraa gishshau taani ta huuphen inttena laappun dakkuwaa qaxxayana.

Imbbaaqooma 3:7

Taani Toophphiyaa asai tuggatishin be7aas; Midiyaama biittaa asaikka kokkorishin be7aas.

Qoodaabaa 16:21

“Taani issi kuttan ha maabaraa xaissana haniyo gishshau, etappe shaahettite” yaagiis.

Qoodaabaa 16:45

“Ha asaa gidduwaappe kichchite; taani eta issi kuttan xaissa bayana” yaagiis. Yaagin eti sa7an gufannidosona.

Maatiyoosa 10:28

Ashuwaa woriyaageetuyyo yayyoppite; eti shemppuwaa woranau danddayokkona. SHin shemppuwaanne ashuwaa gaannabiyan xaissanau danddayiya Xoossaassi yayyite.

Naa77antto Tasalonqqe 1:9

He gallassi, i ba geeshshatu ubban bonchchettanaunne qassi bana ammaniya ubbatun sabettanau yiyo wode, eti Godaa sinttappenne a wolqqaa bonchchuwaappe shaahettidi, merinaa bashshan qaxxayettana. Nuuni intteyyo yootido kiitaa intte ammanido gishshau, intte a bonchchiyaageetu giddooninne sabbiyaageetu giddon de7ana.