Ermmaasa 34:14 - Wolaytta Bible

¹⁴ He maachchaa maaran, 'Ibraawe aillee de7iyo asai ubbai, ailleta usuppun laittaa ootissi simmidi, laappuntta laitti ailletettaappe kessi yeddite' yaagada azazaas. SHin intte maizza aawati taani odiyoogaa siyennan ixxidosonanne taayyo azazettibookkona.

Ermmaasa 34:14 ပူးပေါင်းရင်းမြစ်များ

Kawotu Maxaafaa Koiruwaa 21:25

Ba maccaasiyaa Elzzaabeela denttettin, GODAA sinttan iitabaa oottanau ba huuphiyaa nagaraassi baizzida, Akaaba mala asi mulekka baawa.

Kawotu Maxaafaa Koiruwaa 9:22

SHin Solomoni Israa7eela asatuppe oonanne ailleyibeenna; eti ayyo oosanchchata, olanchchata, olanchchatu halaqatanne gadaawata, paraa gaareta laaggiyaageetu halaqatanne paraasata gididi oottidosona.

Hanidabaa Odiya Naa77antto Maxaafaa 28:10

Ha77ikka Yihudaa asainne Yerusalaame asai intteyyo maccanne attuma aille gididi, haarettanaadan qoppeeta. Inttekka etaagaadan hanidi, GODAA intte Xoossaa naaqqideta gidekketii?

Hanidabaa Odiya Naa77antto Maxaafaa 36:16

SHin GODAA hanqqoi eta bolli wodhdhana gakkanaashiininne etayyo kessi ekkiyoosai xayana gakkanaashin, eti GODAI kiittidoogeetu bolli qilliiccidosona, a qaalaa karidosonanne hananabaa yootiyaageetu bolli miiccidosona.

Nahimiyaa Maxaafaa 9:30

Gidikkonne, daro laittaa eta danddayadasa; hananabaa yootiyaageetu baggaara ne Ayyaanan etau minttada yootadasa; shin eti siyibookkona. Hegaappe denddidaagan Aihuda gidenna kawotettati eta haarana mala, eta kushiyan aatta immadasa.

Isiyaasa 50:1

GODAI hagaadan yaagees; “Taani intte aayyiyo yeddido paramai awan de7ii? Woikko oossi inttena taani baizzidanaa? Be7ite, intte nagaraa gishshau, intte baizettideta; intte mooruwaa gishshau, intte aayyiyaa yedettaasu.

Isiyaasa 58:6

“Taani doorido xoomaa hagaa be7ite: pirddan naaqqidi qachchidoogeetu sanssalataa lefettiyoogaa, qambbaraa gonniyaa birshshiyoogaa, huqqunnettidaageeta huqqunnuwaappe kessiyoogaanne qambbara ubbaa menttiyoogaa.

Ermmaasa 11:7

Kase intte aawata taani Gibxxe biittaappe kessoosappe hachchi gakkanaashin, zaara zaarada, “Taayyo azazettite!” gaada seeraas.

Ermmaasa 32:30

“Israa7eela asainne Yihudaa asai bantta yelagatettaappe doommidi, ta sinttan iitabaa oottidosonappe attin, harabaa oottibookkona; eti bantta kushiyan oottido oosuwan tana hanqqetissidosona.

Ermmaasa 35:15

Qassi taani zaara zaarada hananabaa yootiya ta ashkkarata ubbaa inttekko yeddaas; yeddin eti, “Intte ubbaikka intte iita ogiyaappe ha77i simmite; intte oosuwaakka loittite; hara xoossatussi goinnoppitenne oottoppite. Yaatikko, taani GODAI intteyyoonne intte maizza aawatuyyo immido biittan intte de7ana” yaagidosona. SHin intte taani odiyoogaa siyanau intte haittaa taakko yeggekketa.

Hizqqeela 20:4

“Eta bolli pirdduutee? Laa asa na7au, tumu eta bolli pirdduutee? Hegaa gidikko, eta maizza aawatu tuna oosuwaa eta erissa.

Hizqqeela 20:8

“'“SHin eti taayyo makkalidi, ta odiyoogaa siyennan ixxidosona. Eti bantta amottido tuna eeqata diggibookkona; Gibxxe eeqaukka goinniyoogaa aggibookkona. Hegaa gishshau, eti Gibxxen de7ishin, ta hanqquwaa eta bolli gussanau, ta yiilluwaakka eta bolli wurssanau qoppaas.

Wogaabaa 25:10

Ishatamantto laittaa dummayidi, he biittan de7iya ubbaassi birshshettaa awaajjite. Hegee intteyyo Ishatamantto Laittaa Baalaa. He wodiyan intte ubbaikka intte gadiyaunne intte yarau yarau simmite.

Amoxa 2:6

GODAI hagaadan yaagees; “Israa7eela asai zaari zaaridi oottido nagaraa gishshau, taani eta qaxxayennan aggikke. Aissi giikko, eti miishshaa ekkana gishshau, xilluwaa baizzoosona; qassi caammaa acuwaa ekkana gishshaukka hiyyeesaa baizzoosona.

Amoxa 8:6

Nuuni hiyyeesaa biran, metootanchchaakka mexi naa77u tohuwaa caamman shammana; qassi gisttiyaa harqquwaa muruta gisttiyaa waagan baizzana” yaageeta.

Roome 7:24

Taani aiba ufaissi bainna asee! Tana haiquwau efiya ha asatettaappe ashshanai oonee?

Zaarettido Wogaa 15:1

“Laappuntta laittaa laittaa wurssettan intteppe tal77idaageetuyyo eta acuwaa maarite.

Zaarettido Wogaa 15:12

“Neeni attuma gidin macca gidin, ne dabbo Israa7eela asa aille oottada shammikko, i neeyyo usuppun laittaa ootto; laappuntta laittan ailletettaappe kessa yedda.

Zaarettido Wogaa 15:9

'Acuwaa maariyo laappuntta laittai matiis' gaada, hiyyeesa Israa7eelaa iita aifiyan xeellada, ayyo aibanne tal77iyoogaa digganau iita qofai ne wozanan gelennaadan naagetta. Hegee xayikko, i neeppe GODAU waassana; hegee neeyyo nagara gidana.