Ermmaasa 33:21 - Wolaytta Bible

²¹ taani a zariyaappe kawotaa araatan uttana asi mulekka xayennaadan, ta ashkkaraa Daawitaara maacettido maachchaa laammana; qassi ubbatoo taayyo oottiya, Leewa zare gidiya qeesetuura maacettido maachchaakka laammana.

Ermmaasa 33:21 ပူးပေါင်းရင်းမြစ်များ

Sameela Maxaafaa Naa77anttuwaa 23:5

“Tumu ta keettaa asai Xoossaa sinttan suure. I tanaara merinaa maachchaa maacettiis; ubbabaikka ha maachchaa giddon giigidinne minnidi uttiis. Xoossai taayyo xoonuwaa immana; qassi taani amottidobaa ubbaa i tumuppe polana.

Hanidabaa Odiya Naa77antto Maxaafaa 21:7

Gidikkonne, GODAI kase Daawitaara maacettido maachchaa gishshau, Daawita zerettaa xaissanau koyibeenna. Daawita zerettai merinau kawotanau GODAI ufaissaa immi wottiis.

Hanidabaa Odiya Naa77antto Maxaafaa 7:18

taani ne aawaa Daawitaara, 'Israa7eela haariya asa neeni mulekka xayakka' yaagada maacettidoogaadan, ne kawotaa araataa mintta essana.

Mazamure Maxaafaa 132:17

“Ha sohuwan Daawita zerettaappe issuwaa kawoyana; taani doorido kawuwaa kawotettaa gam77issana.

Mazamure Maxaafaa 89:34

Taani etaara maacettido maachchaa birshshikke; ta doonaappe kiyida qaalaa laammikke.

Mazamure Maxaafaa 89:36

Hegeenne, a zerettai merinaassi daana; a kawotaa araataikka ta sinttan awaadan gam77ana.

Isiyaasa 55:3

“Ta asau, siyite; taakko haa yiite. SHemppoora paxa de7ana giikko, taani yootiyoogaa siyite. Taani inttenaara merinaa maachchaa maacettana. Taani anjjana gaada Daawita anjjidoogaadan, inttenakka anjjana.

Isiyaasa 66:22

Qassikka GODAI hagaadan yaagees; “Taani medhdhiyo ooratta salotinne ooratta sa7ai ta sinttan minnidi de7iyoogaadan, hegaadankka, intte zerettainne intte sunttai minnidi de7ana.

Daaneela 7:14

Asai ubbai, kawotettati ubbainne dumma dumma qaalan haasayiya zareti ubbai ayyo haarettana mala, maatai, bonchchoinne kawotettai ayyo imettiis. A maatai merinau shaarettenna maataa; a kawotettai mulekka xayennaagaa.

Maatiyoosa 24:35

Saloinne sa7ai aadhdhana; shin ta qaalai mulekka aadhdhenna.

Ajjuutaa 5:10

Nu Xoossaayyo oottana mala, eta neeni kawotettanne qeeseta oottadasa. Qassi eti sa7an haarana” yaagidi ooratta mazamuriyaa yexxoosona.