Ermmaasa 30:17 - Wolaytta Bible

¹⁷ Taani intteyyo kehissana; intte masunttaakka pattana. Aissi giikko, eti inttena, 'Hageeti olettidaageeta; Xiyoone asaabaa wudiyaabi baawa' yaagoosona. Taani GODAI hagaa odais” yaagees.

Ermmaasa 30:17 ပူးပေါင်းရင်းမြစ်များ

Iyyooba Maxaafaa 5:18

I masunxxissees, shin masunttaa qachchees. I dechchees, shin a kushee xallees.

Mazamure Maxaafaa 103:3

I ta nagaraa ubbaa atto gees; i ta harggiyaa ubbaappe tana pattees.

Mazamure Maxaafaa 107:20

I ba qaalaa kiittidi, eta pattiis; duufuwan geliyoosaappe ashshiis.

Mazamure Maxaafaa 12:5

GODAI, “Hiyyeesati un77ettido gishshaunne, metootanchchatu ooliyaa gishshau, ha77i taani denddana. Taani eti amottiyo sarotettan eta wottana” yaagees.

Mazamure Maxaafaa 142:4

Taani ushachchi simmada xeelliyo wode, tana maaddiyaabi issoinne baawa; taani qosetta attiyoosi baawa; tana naagiyaabi mulekka baawa.

Mazamure Maxaafaa 23:3

Ta de7uwaa ooraxissees. Ba sunttaa gishshau, tana xillotettaa ogiyan kaalettees.

Kessaabaa 15:26

I eta hagaadan yaagiis; “GODAI intte Xoossai odiyoobaa minttidi siyikkonne a aifiyaa sinttan likkebaa oottikko, intte a azazuwaa ezggikkonne a awaajuwaa ubbaa naagikko, taani Gibxxetu bolli ehiido harggiyaappe issuwaanne intte bolli ehiikke; aissi giikko, taani inttena pattiya GODAATTENNE” yaagiis.

Isiyaasa 11:12

Kawotettatussi malaataa i xoqqu oottidi denttana; Israa7eelappe laalettidaageeta issippe gattana; Yihudaappe piskki giidaageetakka sa7aa oiddu zooziyaappe i shiishshana.

Isiyaasa 30:26

He gallassi aginee poo7oi awaa poo7uwaadan hanana; awaa poo7oikka kaseegaappe laappun kushe darana; laappun gallassa poo7uwaa keenaa poo7ana. He gallassi GODAI meqqida ba asaa koolana; i dechchin masunxxida masunttaakka pattana.

Isiyaasa 33:24

Xiyoonen de7iya ooninne, “Taani harggais” yaagenna; yan de7iya asaa nagarai atto geetettana.

Isiyaasa 54:6

Ne Xoossai hagaadan yaagees; “Azinai muleera aggi bayin, dogettada azzaniya maccaaseedaaninne yelagatettan azinaa sooppe kiyida maccaaseedan neeni hana uttidaashin, taani GODAI nena xeesaas.

Isiyaasa 56:8

Israa7eelappe laalettidaageeta shiishshiya, Ubbaa Haariya GODAI, “SHiiqidaageetu bolli gujjada, taani haratakka shiishshana” yaagees.

Isiyaasa 57:18

Taani eta ogeta be7aas; shin taani eta pattana, kaalettananne yeekkiyaageeta minttettana.

Isiyaasa 57:19

Israa7eela biittan yeekkiyaageetu menttershshan galataa wottana. Haahuwaaninne matan de7iyaageetussi saroi gido. Taani eta pattana” yaagees.

Isiyaasa 58:8

“Yaatikko, intte poo7oi maallado xalqqiyaadan poo7ana; intte paxatettaikka eesuwan yaana. Intte xillotettai intteppe sinttaara baana; GODAA bonchchoikka intteppe guyyeera gididi, inttena naagana.

Isiyaasa 60:15

“Ooninne ne giddoora kanttennaagaa keenaa neeni kase olettadasanne ixettadasa. SHin ha77i taani nena merinau gita oottana; qassi yeleta ubbai ufaittiyo soho oottana.

Ermmaasa 10:20

Ta dunkkaanee qoletti xayiis; a wodoroi ubbai duuxerettiis. Ta naati ubbai taappe shaahettidi biichchidosona; eti baawa. Ta dunkkaaniyaa zaaridi tolanau woikko ta magalashuwaa kaqqanau ha77i issi asinne attibeenna.

Ermmaasa 17:14

Abeet GODAU, tana patta; taani paxana. Tana ashsha; taani attana. Aissi giikko, neeni taani galatiyoogaa.

Ermmaasa 3:22

GODAI eta, “Inttenoo, ammanoi bainna asatoo, taakko simmite. Intte ammanettana mala, taani inttena pattana” yaagiis. Yaagin eti, “Eeno, nuuni neekko simmana. Aissi giikko, neeni GODAA nu Xoossaa.

Ermmaasa 30:13

Intte yohuwan inttena maaddiyaabi baawa; intte masunttaukka xalee baawa; intteyyo paxoi baawa.

Ermmaasa 33:24

“Ha asai, 'GODAI ba doorido naa77u kawotettata, Israa7eelanne Yihudaa aggi bayiis' yaagidi haasayiyoogaa neeni akeekabeikkii? Eti ta asaa karidi, bana danddayida kawotetta kiyokkona giidi qoppoosona.

Ermmaasa 33:6

“Gidikkonne, taani ha katamaanne an de7iya asaa zaarada pattana; eta payyatettaakka zaarana; keehi daro saruwaanne woppa de7uwaa taani etayyo immana.

Ermmaasa 8:22

Gala7aaden tiyiyo xalee baaweeyye? Yan aakimee de7ennee? Yaatin, ta asaa meqoi aissi paxennee?

Ermmaasa Zilaassaa 2:15

Ne mataara aadhdhiya ubbai ba biradhdhiyaa ne bollan dukkees. Qassi, “Biittan sa7an ubbaappe aadhdhada lo77iya katamiyaa hannii? Kumetta biittau ufaissa geetettida katamiyaa hannii?” yaagidi nena baceessees; ba huuphiyaakka qaattees.

Hizqqeela 34:16

Taani bayidaageeta koyana; wora biidaageetakka zaarana; meqqidaageeta koolana; harggidaageetakka pattana. SHin modhdhidaageetanne minnidaageeta xaissana; aissi giikko, taani suure pirddiya henttanchcha” yaagees.

Hizqqeela 35:12

Qassi intte, 'Israa7eela dereti baisa attidosona; nuuni mi xaissana mala, nuussi imettidosona' giidi, haasayido cashshaa ubbaa taani GODAI siyidoogaa intte he wode erana.

Hizqqeela 36:20

Eti biido soho ubban asai eta, 'Hageeti GODAA asata; shin eti a biittaappe wolqqan kiyidaageeta' yaagees; hegan eti ta geeshsha sunttaa tunissidosona.

Hoose7a 11:3

Efireema asaa haraqiyaa oiqqada hemetaa tamaarissidai tana; shin eta pattidaagee tana gidiyoogaa eti erokkona.

Hoose7a 6:1

Israa7eela asai hagaadan yaagees; “Haayite! Ane GODAAKKO simmoos. I nuna mentterettiis, shin i nuna pattana; i nuna masunxxissiis, shin i nu masunttaa qachchana.

Milkkiyaasa 4:2

SHin intteyyo, ta sunttaassi yayyiyaageetuyyo a qefiyaa giddon pattiyaabai de7iyo xillotettaa awai mokkana. Inttekka qashuwaappe yedettida anqqara galuwaadan buraaqana.

Koiro PHeexiroosa 2:24

Nuuni nagarau haiqqidi, xillotettau de7ana mala, Kiristtoosi ba huuphen ba ashuwan nu nagaraa masqqaliyan tookkiis; intte a masunttan paxideta.

Ajjuutaa 22:2

He shaafai katamaa ogiyaa gidduwaara duge goggees. SHaafaappe hefintta baggaaranne hafintta baggaara aginan issitoonne laittan tammanne naa77utoo aifiya de7o mittai de7ees. He mittaa bonccoi de7iyoogee, zare ubbaa harggiyaappe pattanaassa.