Ermmaasa 3:17 - Wolaytta Bible

¹⁷ He wodiyan eti Yerusalaame GODAA Kawotaa Araataa giidi xeesana. Kawotetta ubbaappe asai GODAA sunttaa bonchchanau Yerusalaame shiiqana. Hegaappe sinttan eti ixxisi giidi, bantta iita qofaa kaallokkona.

Ermmaasa 3:17 ပူးပေါင်းရင်းမြစ်များ

Doomettaabaa 8:21

Yaatin GODAI yarshshuwaa peenuwaa sawiyaagaa singgidi, ba wozanan hagaadan yaagiis; “Naatettaasappe doommin, asi wozanan qoppiyoobai ubbai iita gidikkokka, taani asa gishshau gaada naa77antto mulekka ha sa7aa qanggikke. Qassi taani ha77i oottidoogaadan paxa de7iya mereta ubbaa naa77antto mulekka xaissikke.

Kawotu Maxaafaa Koiruwaa 8:41

“Hegaadankka, ne asaa Israa7eela gidenna kare biittaa asi ne gita sunttaabaanne neeni ne asaayyo oottido maalaalissiya oosotubaa siyidi, haaho biittaappe yiidi, ha Beeta Maqidasiyaakko simmidi, nena woossikko,

Mazamure Maxaafaa 102:23

I taani yelagatettan de7ishin, ta wolqqaa ixissiis; ta bariyaa qanttiis.

Mazamure Maxaafaa 78:8

Eti kase bantta aawatudan wozana muumenne makkalanchcha asa gidennan agganaassanne Xoossan eqqennanne ammanettenna yeleta gidennan agganaassa.

Mazamure Maxaafaa 87:3

Nenoo Xoossaa katamau, neeni bonchchettana mala, Xoossai hagaadan yaagees;

Isiyaasa 26:8

Ee GODAU, ne higgiyaa ogiyan hemettiiddi, nuuni nena naagoos. Nu wozanaa amoi ne sunttaa bonchchanaagaa xalaala.

Isiyaasa 56:6

GODAASSI oottanau, GODAA sunttaa dosanaunne a ashkkara gidanau, banttana akko shiishshiya beteta, qassi Sambbataa tunissennan bonchchiyaageetanne ta maachchaa minttidi naagiyaageeta ubbata

Isiyaasa 59:19

Hegaa gishshau, arggo baggaara de7iyaageeti GODAA sunttaayyo yayyana; arshsho baggaara de7iyaageetikka a bonchchuwaayyo yayyana. Aissi giikko, GODAA carkkoi gagantti yeddin, goggiya di7uwaadan i yaana.

Isiyaasa 6:1

Kawoi Ooziyaani haiqqido laitti Godai bollaaninne xoqqa araatan uttidaagaa be7aas; a maayoi Beeta Maqidasiyaa kumiis.

Isiyaasa 66:1

GODAI hagaadan yaagees; “Saloi ta kawotaa araata; sa7aikka ta tohoi yedhdhiyo soho. Yaatin intte taayyo keexxana keettai ai mala keettee? Taani shemppana sohoinne awaanee?

Isiyaasa 66:18

“Taani eta oosuwaanne eta qofaa eriyo gishshau, kawotettata ubbaanne dumma dumma qaalan haasayiyaageeta issippe shiishshanau yais; eti shiiqidi, ta bonchchuwaa be7ana.

Isiyaasa 66:20

Israa7eela asai kattaa yarshshuwaa geeshsha miishshan wottidi, GODAA Beeta Maqidasiyaa ehiyoogaadan, eti intte ishantta ubbaa kawotettatu ubbaa giddoppe paratun, paraa gaaretun, gaameelatun, baqulotuuninne miishshata caaniyo gaaretun utissidi, taayyo imo gidanaadan, ta geeshsha deriyaa Yerusalaame ehaana.

Ermmaasa 11:8

SHin eti ta qaalaa siyibookkona woikko ezggibookkona. Hegaa aggidi, eti bantta iita wozanaa muumetettaa kaallidosona. Taani ta maachchaa qaalaa eti naagana mala azazaas; shin eti ixxidosona. Hegaa gishshau, he maachcha giddon xaafettida qanggettaa ubbaa eta bolli ehaas' yaaga” yaagiis.

Ermmaasa 12:15

SHin eta biittaappe xoqollidoogaappe guyyiyan, zaarettada taani etayyo qarettana; taani eta huuphiyan huuphiyan eta laata gade, eta kawotettaa biitti zaarada ehaana.

Ermmaasa 12:16

Kase ta asaa Ba7aala sunttan caaqqanaadan tamaarissidoogaadan, eti ta asaa ogiyaa loitti tamaarikkonne ta sunttan, 'GODAI ero!' yaagidi caaqqikko, eti ta asaa giddon minnidi de7ana.

Ermmaasa 14:21

Nuna ne sunttaa gishshau karoppa; ne bonchcho araatai de7iyo Yerusalaame kaushshoppa. Neeni nunaara maacettido maachchaa hassaya; ne maachchaa kanttoppa.

Ermmaasa 16:12

intte kase intte aawatuppekka aadhdhi iitido gishshaassa. Be7ite, intte huuphiyan huuphiyan intte iita wozanaa muumetettaa kaallideta; taayyo azazettennan ixxideta.

Ermmaasa 16:19

Abeet GODAU, ta wolqqau, ta wolqqaama miixau, metuwaa gallassan taani baqata attiyo sohuwau, kawotettati sa7aa gaxaappe neekko yaana. Yiidi hagaadan yaagana; “Nu aawati pattennanne maaddenna worddo xoossatu xalaalaa laattidosona.

Ermmaasa 17:12

Nu Beeta Maqidasee koiroppe doommidi, bonchcho kawotaa araataadan, xoqqa deriyaa huuphiyan beettees.

Ermmaasa 18:12

SHin eti, 'Hegee ainne maaddenna! Nuuni nu halchchidoogaadan hanana; nuuni huuphiyan huuphiyan nu iita wozanaa muumetettaadan oottana' yaagana” yaagiis.

Ermmaasa 3:19

GODAI hagaadan yaagees; “Taani inttena attuma naatudan waata wottanaakkonne, payya biittaa, kawotetta ubbaappe aadhdhidi, lo77iya biittaa waata laatissanaakkonne qoppaas. Qassi tana, 'Ta aawau' giidi xeesananne tana kaalliyoosaappe guyye simmokkona gaada qoppaas. SHin Israa7eela asatoo, intte ba azinaayyo ammanettenna maccaaseedan taayyo ammanettibeekketa” yaagees.

Ermmaasa 31:23

Ubbaappe Wolqqaama GODAI, Israa7eela Xoossai, hagaadan yaagees; “Taani Israa7eela asaa omooduwaappe zaarada ishalissiyo wode, Yihudaa biittaaninne a katamatun eti naa77anttuwaa, 'Nenoo xillotettai de7iyo sohuwau, nenoo geeshsha deriyau, GODAI nena anjjo' yaagana.

Ermmaasa 33:9

Hegaappe guyyiyan, Yerusalaame katamai taayyo ufaissaa, bonchchuwaanne galataa sa7an de7iya kawotettatu ubbaa sinttan ehaana. Taani Yerusalaame asaassi oottiyo lo77obaanne he katamaassi ehiyo duretettaanne sarotettaa siyidi, kawotettati ubbai yashshan kokkorana” yaagees.

Ermmaasa 4:2

intte tuman, suuretettaaninne xillotettan, 'GODAI ero!' giidi caaqqikko, he wode kawotettati an anjjettananne an ceeqqana” yaagees.

Ermmaasa 7:24

SHin eti taayyo siyennan woikko ezggennan ixxidosona. Eti bantta iita wozanaa muumetettaadan hemettidosona; eti sinttau biyoogaa aggidi, guyye biidosona.

Ermmaasa 9:14

Hegaa aggidi, eti bantta wozanaa muumetettaa kaallidosona; eti bantta aawati tamaarissidoogaadankka Ba7aala giyo eeqatuyyo goinnidosona” yaagiis.

Hizqqeela 1:26

He gufantto milatiyaagaappe bolla baggaara sampperiyaa giyo inqquwaappe merettida kawotaa araata milatiyaagee de7ees; he kawotaa araataa milatiyaagaa bolli asa milatiyaagee uttiis.

Hizqqeela 43:7

I hagaadan yaagiis; “Laa asa na7au, hagee ta araataa sohonne ta gedee yedhdhiyo soho. Taani Israa7eela asaa giddon merinau de7ana. Hagaappe sinttau Israa7eela asaa gidin, eta kawota gidin, hara xoossatussi goinniyoogan, woikko bantta kawotu ahan ta geeshsha sunttaa tunissokkona.

Hizqqeela 48:35

“Katamaa yuushoi muleera likkin, 18,000 wara gidana. He wodeppe doommidi he katamai, 'GODAI Hegan De7ees' yaagetettidi xeesettana” yaagees.

Zakkaariyaasa 2:11

He wode daro Aihuda gidenna kawotettati GODAARA gaittidi, a asa gidana; ikka eta giddon de7ana. Qassi inttekka Ubbaappe Wolqqaama GODAI tana inttekko kiittidoogaa he wode erana.

Zakkaariyaasa 8:8

Ashshada eti Yerusalaame giddon de7anaadan ehaana. Eti ta asa gidana; taanikka eta Xoossaa, ammanettiyaanne xillo Xoossaa gidana' yaagees” yaagiiddi yiis.

Qoodaabaa 15:39

He macaraa intte be7iyo wode ubban ta azazota hassayidi polite; yaatikko, intte intte aifiyaanne intte wozanaa amuwaa kaallidi, taappe wora simmekketa.

Roome 1:21

Aissi giikko, eti Xoossaa erikkokka, au bessiya bonchchuwaa immibookkona; qassi a galatokkona; shin eti allaalle kessennabaa qoppoosona; qassi eta akeekenna wozanai xumiis.

Roome 6:14

aissi giikko, nagarai inttena haaranau bessenna; intte Xoossaa aaro kehatettaappe garssaara de7eetappe attin, higgiyaappe garssan de7ekketa.

Galaatiyaa 4:26

SHin saluwan de7iya Yerusalaama ailletettan de7ukku; a nuussi aayyiyo.

Zaarettido Wogaa 29:29

“Xuura yohoti GODAA nu Xoossaassa; shin nuuni ha higgiyaa qaalaa oottanaadan, qonccida yohoti merinau nuussanne nu naatussa.

Daannatu Maxaafaa 2:19

SHin pirddiya daannai haiqqidoogaappe guyyiyan, asai guyye simmidi, kase eta aawati oottido iitaappe aadhdhida iitaa oottidosona; eti hara xoossatukko simmidi, etassi goinnidosona; bantta iita oosuwaanne geella ogiyaa aggennan ixxidosona.