Ermmaasa 20:11 - Wolaytta Bible

¹¹ SHin GODAI yashissiya toora qaraadan tanaara de7ees. Hegaa gishshau, tana yedettiyaageeti xubettana; eti tana xoonokkona. Etau giigenna gishshau, eti gita yeellaa yeellatana. Eta kaushshai mulekka dogettenna.

Ermmaasa 20:11 ပူးပေါင်းရင်းမြစ်များ

Mazamure Maxaafaa 129:2

Ee, eti ta yelagatettaasappe doommidi, tana huqqunnidosona; shin eti tana xaissibookkona.

Mazamure Maxaafaa 35:26

Ta waayiyan ufaittiyaageeti mule yeellatonanne kauyyona. Ta bollan otorettiyaageeti yeellaanne kaushshaa maayona.

Mazamure Maxaafaa 40:14

Tana woranau koyiyaageeti mulekka yeellatonanne kauyyona. Taani qohettanaagaa amottiyaageeti kauyyidi guyye simmona.

Mazamure Maxaafaa 47:2

Ubbaappe Xoqqiya GODAI yayettanau bessees; sa7a ubbaa bollan i gita kawo.

Mazamure Maxaafaa 6:10

Ta morkke ubbati yeellatonanne tuggatona. Eti issi kuttan yeellatidi, guyye simmona.

Mazamure Maxaafaa 65:5

Abeet nuna ashshiya Xoossau, garamissiya ne xillo oosuwan neeni nuuyyo allaasa. Sa7aa gaxaappe gaxaa gakkanaassi, haaho abbatuppekka hefinttan de7iya asa ubbau ammanettiyaagee nena.

Mazamure Maxaafaa 66:5

Haayite; Xoossai oottidobaa be7ite; i asaa giddon garamissiya oosuwaa oottiis.

Isiyaasa 41:10

Taani nenaara de7iyo gishshau yayyoppa; taani ne Xoossaa gidiyo gishshau dagammoppa. Taani nena minttana; qassi taani nena maaddana. Taani nena ta xooniya ushachcha kushiyan kaafada oiqqana.

Isiyaasa 41:14

Nenoo guxuniyau, Yaaqoobaa, inttenoo Israa7eela asau, yayyoppite; taani inttena maaddana. Taani, inttena woziyaagee, Israa7eela Geeshshaa' yaagais.

Isiyaasa 45:16

Eeqaa medhdhiyaageeti ubbaikka yeellatananne kauyyana. Eeqa misiliyaa medhdhiyaageeti ubbai issippe kaushshau baana.

Ermmaasa 1:18

Hachchi taani nena ha biittaa ubbaa bolli, Yihudaa kawotu bolli, halaqatu bolli, qeesetu bollinne ha biittaa asaa bolli gimbbettida katamadan, birata tuussadaaninne nahaase biratan dirido dirssadan oottada minttaas.

Ermmaasa 1:19

Eti nenaara olettana. SHin taani ashshanau nenaara issippe de7iyo gishshau, nena xoonokkona. Taani GODAI hagaa odaas” yaagiis.

Ermmaasa 1:8

Etau yayyoppa. Aissi giikko, taani nena ashshanau nenaara issippe de7ana. Taani GODAI hagaa odaas” yaagiis.

Ermmaasa 15:15

Abeet GODAU, neeni eraasa. Tana hassayada maadda; tana yedettiyaageetu bolli ta haluwaa kessa. Neeni etabaa danddayada, tana wora yeggoppa. Taani ne gishshau cayettiyoogaa qoppa.

Ermmaasa 15:20

Taani nena ha asaayyo nahaasiyaa giyo birataara gimbbettida gimbbe oottana. Eti nenaara olettana; shin nena xoonokkona. Aissi giikko, taani GODAI nena ashshanaunne wotta ekkanau nenaara de7ais.

Ermmaasa 17:18

Tana yedettiyaageeta yeellaya; shin tana yeellayoppa. Eta dagantta; shin tana daganttoppa. Eta bolli meto gallassaa eha; eta naa77u kushe qixaatiyaa qaxxaya.

Ermmaasa 22:22

Ne henttanchchata ubbaa carkkoi efaana; olau nenaara zuppetiyaageetikka omoodettidi baana. He wode ne iitatettaa ubbaa gishshau, yeellatananne kauyyana.

Ermmaasa 23:40

Taani intte bolli merinaa kaushshaanne merinau dogettenna yeellaa ehaana' yaagees” yaagiis.

Ermmaasa 32:18

Neeni sha7atuyyo aggenna siiquwaa bessaasa; shin aawatu mooruwaa eta naatu bolli zaaraasa. Abeet gitanne wolqqaama Xoossau, ne sunttai Ubbaappe Wolqqaama GODAA geetettees.

Daaneela 12:2

Kase haiqqidi moogettida asaappe daroti denddana. Etappe baggati merinaa de7uwau, baggati qassi yeellaunne merinaa kaushshau denddana.

Roome 8:31

Yaatin, nuuni hagaa ubbaa woiganee? Xoossai nu bagga gidikko, nuna oonee qohanai?

Naa77antto Ximootiyoosa 4:17

SHin taani kumetta kiitaa Aihuda gidenna asai ubbai siyanau yootana mala, Godai ta matan eqqidi, taayyo wolqqaa immiis. Qassi gaammuwaa doonaappekka tana ashshiis.