Ermmaasa 2:21 - Wolaytta Bible

²¹ Taani nena muruta zerettaappe ekkada, lo77o woine turadan tokkaas. Yaatin, waana guyye simmada, woran mokkida, moorettida woine tura gidadii?” yaagees.

Ermmaasa 2:21 ပူးပေါင်းရင်းမြစ်များ

Doomettaabaa 18:19

Aissi giikko, xillotettaanne pirddaa oottidi, GODAA ogiyaa naaganaadan ba naatanne baappe guyyiyan, ba so asaa i zorana mala, taani a dooraas; hegeenne GODAI Abrahaamayyo immana giidoogaa ubbaa polanaassa” yaagiis.

Doomettaabaa 32:28

Yaagin bitanee a, “Hagaappe sinttau ne sunttai Israa7eela geetettoppe attin, Yaaqooba geetettoppo; aissi giikko, neeni Xoossaaranne asaara baaxetada xoonadasa” yaagiis.

Mazamure Maxaafaa 44:2

Kawotettata neeni ne kushiyan laaggada kessadasa; nu aawata eta biittan tokkadasa; hara kawotettaa qaxxayadasa; shin ne dereta dureyadasa.

Mazamure Maxaafaa 80:8

Neeni Gibxxeppe woiniyaa anuwaa ehaadasa; ehaada dere asata yedettada, eta biittan a tokkadasa.

Mazamure Maxaafaa 80:9

Neeni lanqqiyaa qeexadasa; yaatin, xaphuwaa yeddidi, daayidi, biitta ubbaa gakkiis.

Kessaabaa 15:17

Neeni eta ehaada, ne buzo gaden de7iya deriyaa huuphiyan tokkana. Abeet Godau, he sohoi neeni neeyyo de7anau oottido soho. Abeet Godau, he geeshsha sohoi neeni ne kushiyan minttada essido soho.

Isiyaasa 1:21

Ammanettida gita katamiyaa waanada shaaramuxa gidadee! A kase suure pirddai kumidooro; xillotettai kase i giddon de7iis; shin ha77i asa woriyaageeti i giddon de7oosona.

Isiyaasa 27:2

He gallassi hagaadan geetettana; “Hagee dosettida woiniyaa turaa soho; abaa yexxite!

Isiyaasa 41:8

GODAI hagaadan yaagees, “SHin nenoo Israa7eelaa, ta ashkkarau, taani doorido Yaaqoobaa, ta dabbuwaa Abrahaama zariyau,

Isiyaasa 5:4

Taani ta woiniyaa turaa sohuwaassi oottidoogaappe haraa ai oottanaagee attidee? Lo77o aifiyaa aifees yaagada naagishin, aissi caaliya aifiyaa aifidee?

Isiyaasa 60:21

Ne asai ubbai xillo gidana; eti biittiyookka merinau laattana. Eti taani ta bonchchuwaa qonccissanau tokkido puuteta; eti ta kushe oosota.

Isiyaasa 61:3

Hegaadankka qassi, Xiyoonen kayyottiyaageetussi, bidinttaa gishshaa akiliiliyaa, azzanuwaa gishshaa ufaissaa zaitiyaa, daafura ayyaanaa gishshaa galataa qumaashshaa immana mala, tana kiittiis. Eti GODAI ba bonchchuwau tokkido xillo mitta geetettidi xeesettana.

Ermmaasa 11:16

GODAI nena, Dicciya, Lo77o Aifiyaa Aifiya Wogara yaagidi sunttiis. SHin i ha wogaraa wolqqaama dadaa gunttan, taman xuuggana; a tashetikka meqerettana.

Ermmaasa 11:17

Taani, inttena tokkida Ubbaappe Wolqqaama GODAI intte bolli iitabaa ehaanau awaajjaas. Aissi giikko, Israa7eela asatinne Yihudaa asati Ba7aalayyo ixaanaa cuwayidi, tana yiilloyidosona.

Ermmaasa 5:10

Qassikka GODAI hagaadan yaagees; “I woiniyaa turaa maaraa giddoora biiddi bashshite; shin wurssi xaissoppite. I tasheta kari olite; aissi giikko, eti GODAASSA gidokkona. Israa7eela asatinne Yihudaa asati mulekka ammanettibookkona” yaagees.

Ermmaasa Zilaassaa 4:1

PHooliya worqqai ba meraa laammidi tasiis. Beeta Maqidasee keexettido shuchchai katamatu oge ubbaa doonan laaletti uttiis.

Hizqqeela 15:2

“Laa asa na7au, woiniyaa turai bazzon de7iya hara mittaappe aibin kehii?

Maatiyoosa 21:33

Qassikka Yesuusi hagaadan yaagiis; “Hara leemisuwaakka siyite; woiniyaa giyo turaa tokkida issi bitanee de7ees; woiniyaa turaa yuushshi aattidi diriis; qassi he woiniyaa gum77iyo ollaakka bookkiis; hegaa naagiya asaayyo adussa shuchchaa gimbbiis. Hegaappe guyyiyan, kottaa oottiya asau immidi, hara dere biis.

Marqqoosa 12:1

Yesuusi etayyo oduwaa leemisuwan yaagidi doommiis; “Issi bitanee woiniyaa giyo turaa tokkidi, dirssaa yuushshi aattidi diriis; qassi he woiniyaa gum77iyo ollaakka bookkiis; hegaa naagiya asaayyo adussa shuchchaa gimbbiis; hegaappe guyyiyan, kottaa oottiya asau immidi, hara dere biis.

Luqaasa 20:9

Yaagidi asaassi ha leemisuwaa yootiis; “Asa issoi woiniyaa turaanne tokkido sohuwaa kottau immidi, haaho dere biidi, daro gam77iis.

Yohaannisa 15:1

“Taani woine giyo turaayyo tumu ano; goshshanchchai ta Aawaa.

Zaarettido Wogaa 32:32

Eta woinee Sadooma woiniyaappenne, Gamoora shooqaappe yiidaagaa. Eta teerai marzze; eta wurccoikka cammiyaagaa.

Zaarettido Wogaa 4:37

I hegaa oottidoogee intte aawata siiqidoogaappe denddidaagan, etappe guyyiyan yelettiya eta zareta doorido gishshaassa. Qassi inttenakka Gibxxeppe ba gita wolqqan kessido gishshaassa.

Yaasu Maxaafaa 24:31

Yaasu paxa de7ido wode ubbaaninne Yaasuppe simmin de7idi, Xoossai Israa7eelatussi oottido ooso ubbaa erida cimatu wode ubban Israa7eelati GODAASSI goinnidosona.