Ermmaasa 16:5 - Wolaytta Bible

⁵ GODAI taayyo hagaadan yaagiis; “Yeeho keettaa geloppa; yeekkanau woikko qarettanau booppa. Aissi giikko, taani GODAI ha asaa bollappe ta sarotettaa, aggenna ta siiquwaanne ta maarotaa diggaichchaas.

Ermmaasa 16:5 ပူးပေါင်းရင်းမြစ်များ

Mazamure Maxaafaa 25:6

Abeet GODAU, beniisappe de7iya ne maarotaanne aggenna ne siiquwaa hassaya.

Isiyaasa 27:11

Mittaa tasheti meliyo wode meqerettoosona; maccaasaikka yiidi, eta eettanau efees. Ha asai akeeki bainna asa gidiyo gishshau, eta Medhdhidaagee etau qarettennanne maarenna.

Ermmaasa 12:12

Bazzuwan de7iya aibinne bainna xoqqa deretu ubbaa kanttidi, bonqqiyaageeti yiidosona; aissi giikko, GODAA bisoi biittaa ha gaxaappe hini gaxaa gakkanaassi miis. Hegaa gishshau, ooninne saro attanau danddayenna.

Ermmaasa 13:14

Taani eta, asaa asaara, aawaa na7aara dom77issana. Taani eta xaissanappe attin, etau kehikke, qarettikkenne maarikke” yaagees' yaaga” yaagiis.

Ermmaasa 16:13

Hegaa gishshau, taani inttena ha biittaappe denttada, intte woikko intte aawati erenna biitti olana. Yan intte hara xoossatussi gallassinne qammi goinnana. Taani mulekka intteyyo qarettikke” yaagees' yaaga” yaagiis.

Ermmaasa Zilaassaa 3:17

Saroi taappe haakkiis; ufaissaakka taani dogaas.

Zakkaariyaasa 8:10

Aissi giikko, he gallassatuppe kase baggan asaassi damoozi baawa; mehiyaassikka kera qanxxoi baawa; qassi taani asa ubbaa issuwaa issuwaa bolli morkketettan dentta wottido gishshau, geliyaagaunne kiyiyaagau saroi baawa.

Zaarettido Wogaa 31:17

Hegee haniyo wode, ta hanqqoi eta bolli eexxi kiyana. Taanikka eta aggaagana; ta som77uwaa etappe wora zaarana. Yaatin, eti xayana; iita metoinne bashshai eta bolli yaana. He wodiyan eti, 'Tumu ha metoi gakkidoi nu Xoossai nu giddon bainnaagaa gishshaassa gidennee?' yaagidi oichchana.

Ajjuutaa 6:4

Qassi hara daama parai kiyiis. Asai issoi issuwaara shuhettana mala, he paraa toggidaagaayyo sa7an olaa denttiyo wolqqai imettiis. Wogga bisoikka ayyo imettiis.