Ermmaasa 12:13 - Wolaytta Bible

¹³ Eti gisttiyaa zeridi, agunttaa cakkidosona. Eti daro daafuridosona; shin ainne worissibookkona. GODAA hanqquwaa teegaa gaasuwan eta kattai xayiis” yaagiis.

Ermmaasa 12:13 ပူးပေါင်းရင်းမြစ်များ

Mazamure Maxaafaa 78:62

I ba asaayyo hanqqettiis; i eta bisuwaayyo aattidi immiis.

Isiyaasa 55:2

Intte miishshaa quma gidennabau aibissi kesseetii? Kalissennaban intte wolqqaa aibissi wursseetii? Ane loittidi, taani odiyoogaa ezggite; lo77obaa miite; qassi modhdhuwan intte asatettaa ufaissite.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Ermmaasa 4:26

Taani xeellaas; xeellada aradda biittai qa77e gididoogaa be7aas; GODAA sinttan, a suulo hanqquwaa sinttan he biittaa katamatikka yoodettidosona.

Ermmaasa 9:5

SHooroi shooruwaa cimmees; issoinne tumaa haasayenna. Eti bantta inxxarssaa wordduwaa haasayanau tamaarissi wottidosona. Eti nagaraa oottidi daafuroosona.

Hoose7a 8:7

“Eti carkkuwaa zeroosona; zeridi gotiyaa cakkoosona. Equwan de7iya eta kattau aifee baawa; hegaa gishshau, xiillee baawa; xiillee de7iyaakkokka allagati maana.

Wogaabaa 26:16

he wode taani intte bolli hagaa oottana: Intte akeekennan de7ishin yashshaa, gilqqatettaa, intte aifiyaa jallettiyaanne inttena keehippe harggissiya mishuwaa intte bolli ehaana. Intte zerettaa zerana; shin i hada; aissi giikko, hegaa intte morkketi maana.

Wogaabaa 26:20

Intte wolqqai hadasan wurana; aissi giikko, intte biittai kattaa mokkenna; biittan de7iya mittatikka aifiyaa aifokkona.

Mikiyaasa 6:15

Intte kattaa zerana, shin gakkin cakkekketa; wogaraa teeraa gum77ana, shin he zaitiyaa tiyettekketa; woiniyaa teeraakka intte gum77ana, shin a eessaa uyekketa.

Imbbaaqooma 2:13

Ubbaappe Wolqqaama GODAI asai oottiyoobai ubbai tama kaho gidanaadan, qassi kawotettati ubbai daafuriyoobai coo mela gidanaadan, qofaa qachchi wottiis.

Hagge 1:6

Intte daruwaa zerideta; shin guuttaa shiishshideta. Meeta, shin kallekketa; uyeeta, shin alekketa. Maayeeta, shin inttena ho77enna; damoozaa ekkiyaagee daassa qarcciitan yegganau ekkees” yaagees.

Hagge 1:9

Qassikka Ubbaappe Wolqqaama GODAI hagaadan yaagees; “Intte daro kattaa shiishshanau halchchideta; shin guutta gidiis; akka intte soo gelissido wode, taani punniyoorin xayi aggiis. Hagee aibissi hanidee? Taani hagaa oottidoogee, intte ubbaikka intte keettaa keettaa keexxishin, ta keettai qolettidi attido gishshaassa.

Roome 6:21

Inttena ha77i yeellayiya yohota he wode oottidoogaappe ai go77aa demmidetii? Aissi giikko, he yohotu wurssettai haiqo;

Zaarettido Wogaa 28:38

“Neeni daro kattaa ne shooqan zerana; shin boolee mirggin, guutta kattaa shiishshana.