Ermmaasa 11:14 - Wolaytta Bible

¹⁴ “Ermmaasaa, ha asatuyyo tana ainne woossoppa; eta gishshaa gaannatoppa woikko oichchoppa. Aissi giikko, eti bantta metuwaa gallassi tana xeesiyo wode taani etau siyikke.

Ermmaasa 11:14 ပူးပေါင်းရင်းမြစ်များ

Mazamure Maxaafaa 66:18

Taani ta wozanan nagaraa genttidaakko, Godai taayyo siyenna.

Kessaabaa 32:10

Ha77i ta hanqqoi eta bolli eexxi kiyin, taani eta xaissanaagaa neeni tana diggoppa. Yaatada taani nena gita kawotetta oottana” yaagiis.

Ermmaasa 11:11

Hegaa gishshau, GODAI eta hagaadan yaagees; 'Eti baqatidi attanau danddayenna metuwaa taani eta bolli ehaana. Eti taayyo waassinkka, taani etau siyikke.

Ermmaasa 14:11

Hegaappe guyyiyan, GODAI tana; “Ha asatu sarotettau tana woossoppa.

Ermmaasa 14:12

Eti xoomikkokka, taani eta waasuwaa siyikke. Xuuggiyo yarshshuwaanne kattaa yarshshuwaa eti yarshshikkokka, taani eta yarshshuwaa ekkikke. Taani eta olan, koshaaninne boshan xaissana” yaagiis.

Ermmaasa 15:1

Hegaappe guyyiyan, GODAI taayyo hagaadan yaagiis; “Harai atto Muuseenne Sameeli ta sinttan eqqiyaakkonne, ta wozanai ha asatukko simmenna. Eta ta sinttappe digga; eti boona.

Ermmaasa 7:16

GODAI hagaadan yaagees; “Ermmaasaa, hegaa gishshau, ha asatuyyo woossoppa; eta gishshataa oichchoppa woikko waassoppa; neeni etabaa gaannatoppa. Aissi giikko, taani neeyyo siyikke.

Hoose7a 5:6

Eti GODAASSI yarshshanau bantta dorssatu wudiyaanne mehiyaa wudiyaa laaggi ekkidi baana; shin eti a demmokkona. Aissi giikko, i etappe shaahettiichchiis.

Zakkaariyaasa 7:13

Ubbaappe Wolqqaama GODAI hagaadan yaagees; “Taani xeesido wode, eti siyennan ixxidoogaadan, eti xeesido wode, taanikka siyikke.

Milkkiyaasa 2:13

Qassi intte oottiyo harabai aibee giikko, GODAI intte yarshshuwaakko xeellenna gishshau, woi a ekkenna gishshau, yarshshiyo sohuwaa yeehuwan, afuttaaninne zilaassan kuntteeta.

Koiro Yohaannisa 5:16

Ooninne haiqoi bessenna nagara ba ishai oottishin be7ikko, Xoossaa woossanau bessees; haiqoi bessenna nagara oottidaageetuyyo Xoossai de7o immana. Haiqoi bessiyo nagari de7ees; taani inttena hegau Xoossaa woossite giikke.