Eranchchaa Maxaafaa 12:2 - Wolaytta Bible

² awainne poo7oi, aginainne xoolinttee xumennan de7ishin, irai bukki aadhdhinkka shaarai haa simmennan de7ishin, nena Medhdhidaagaa qoppa.

Eranchchaa Maxaafaa 12:2 ပူးပေါင်းရင်းမြစ်များ

Doomettaabaa 27:1

Yisaaqi cimin, a aifee xeelaa ixxido wode, ba bairatiya na7aa Eesawa xeesidi a, “Ta na7au” yaagiis. Yaagin i, “Yee” giidi koyiis.

Doomettaabaa 48:10

Israa7eeli cimin a aifee daafurido gishshau, xeellanau danddayenna. Hegaa gishshau Yooseefi ba attuma naata akko shiishshin, a aawai eta idimmidi yeriis.

Mazamure Maxaafaa 42:7

Ne soossuwaa gunttan ciimmai ciimmau alaahees; qassi ne beetainne ne hobbee ubbai ta bollaara goggiis.

Mazamure Maxaafaa 71:20

Neeni ta bolli daro metuwaa ehaadasa; gidikkonne, neeni ta de7uwaa zaarada ooraxissana; neeni tana duufuwan gelennaadan naagana.

Mazamure Maxaafaa 77:16

Abeet Xoossau, haattati nena be7idosona; haattati nena be7idi yayyidosona. Abbaa ciimmatikka kokkoridosona.

Mazamure Maxaafaa 90:10

Nu de7uwaa laittai laappun tamma; woi minnikko, hosppun tamma; hegeekka metonne tugga. Nu laittai eesuwan aadhdhees; nuunikka eesuwan kichchoos.

Isiyaasa 13:10

Saluwaa xoolinttetinne xoolinttetu citati bantta poo7uwaa immennan ixxana; awa aifee mokkiiddi xumana; aginaikka poo7ennan aggana.

Isiyaasa 5:30

He gallassi eti gita abbaa gunttaadan, Israa7eela bolli guummana; issi asi he biittaa xeellikko, xumaanne waayiyaa be7ana; poo7oikka shaaran mitettana.

Yuu7eela 3:15

He gallassi awainne aginai xumana; xoolinttetikka bantta poo7uwaa genttana.

Maatiyoosa 24:29

“He wode waayiyaappe guyyiyan, sohuwaara awai xumana; aginai poo7iyoogaa aggi bayana; xoolintteti saluwaappe kunddana; qassi saluwan de7iya wolqqatikka qaaxettana.

Sameela Maxaafaa Koiruwaa 3:2

Aifee xeellanau leppin, waayetti xeelliya Eeli issi gallassi qammi ba sohuwan zin77iis.

Sameela Maxaafaa Koiruwaa 4:15

Eeli uddufun tammanne hosppun laitta cima gidida, aifeekka xeelaa aggidi galjjido asa.

Sameela Maxaafaa Koiruwaa 4:18

Bitanee Xoossaa Taabootaabaa yootido wode, penggiyaa matan de7iya ba oidiyaappe Eeli guyye kunddiis; kunddidi garbballee meqqin haiqqiis; aissi giikko, i ceeganne ordde. Eeli Israa7eela biittan oitamu laittaa daannatiis.