9 Oichchin Yaaqoobi kawuwaa, “Taani yuuyaidda de7ido laittai xeetanne hasttama; ta laittai beni ta aawati yuuyiiddi de7ido laittatuppe guuttanne metoi daridoogaa” yaagiis.
Seemi Arifaakisaada yelidoogaappe guyyiyan, ichchashu xeetu laittaa de7iis; hara attuma naatakka macca naatakka yeliis.
Yisaaqi xeetanne hosppun tammu laittaa de7iis;
Yaaqoobi Gibxxe biittan tammanne laappun laitta de7iis. Yaaqoobi de7ido laittai xeetanne oitamanne laappuna.
kawoi Yaaqooba, “Neeyyo woisu laittee?” yaagidi oichchiis.
Maatusaali muleera 969 laittaa de7idi haiqqiis.
Yooseefi xeetanne tammu laittaa de7idi haiqqiis; haiqqin, eti shittuwan a ahaa tiyidi melissidoogaappe guyyiyan, Gibxxe biittan saaxiniyan yeggidosona.
Kase nu aawatu ubbaadan nuunikka ne sinttan betenne imatta. Ha sa7aa bollan nu de7o laittai kuwaadan aadhdhiyaagaa; nuuni haiqoppe attanau danddayokko.
“Maccaasappe yelettida asa baree qantta; hegaa keesaikka metuwan kumi uttiis.
Taani ha sa7an imatta; ne azazota taappe genttoppa.
Taani de7iyo allaga biittan ne awaajjoi taayyo yexxiyoobaa gidiis.
“Abeet GODAU, ta woosaa siya; tana maaddanau ta waasuwaa ezgga. Ta afuttaa co77u gooppa; aissi giikko, taani ta aawatu ubbaadan betenne imatta gidada, nenaara de7ais.
Taani shaahettanaappenne xayanaappe kasetada ufaittana mala, hai tana agga” yaagaas.
Neeni ta laittaa qii takkaaro kessadasa. Ta baree ne sinttan bainnabaa mala; tumaappe asi ubbi issiton shemppiyo carkko mala.
Qassi taani etayyo eti bete gididi de7ido Kanaane biittaa immanau ta maachchaa etaara maacettaas.
Eti kawuwaayyo yootiyo wode, Muusee hosppun tammu laitta asa; Aarooni qassi hosppun tammanne heezzu laitta asa.
Hegaa gishshau, nuuni ubba wode ammanettoos; qassi nuuni nu sooni ha asatettan de7ido keenan, Godaappe shaahettidi de7iyoogaakka eroos.
Muusee haiqqiyo wode, a laittai xeetanne laatama; shin au aifee ixxibeenna; a wolqqaikka ixxibeenna.
Aissi giikko, nuuyyo hagan merinau de7iya katami baawa; shin nuuni yaana katamaa naagoos.
Wontto intte de7oi ai hananaakkonne erekketa; guutta wodiyau intte beettidi, guyyeppe xayiya cuwa mala.
Hegaappe guyyiyan GODAA ashkkarai, Nawe na7ai Yaasu, laittai xeetanne tammaa gidin haiqqiis.
Ta dabbotoo, intte ha sa7an imattanne yedettin asasan de7iyaageeta gididoogaadan, ubba wode intte shemppuwaara olettiya asatettaa amuwaappe intte haakkana mala, taani inttena woossais.