Doomettaabaa 39:6 - Wolaytta Bible

⁶ Hegaa gishshau baayyo de7iya ubbabaa Yooseefau sheedhdhiis; i ba miyo qumaappe attin, ainne qoppenna. Yooseefi yallisanne puulanchcha asa.

Doomettaabaa 39:6 ပူးပေါင်းရင်းမြစ်များ

Doomettaabaa 29:17

Liya aifiyaara cuca; shin Raaheela yallisanne puulanchcha.

Doomettaabaa 39:23

Qasho keettaa halaqai Yooseefa kushiyan de7iyaabau aibaunne hirggenna; aissi giikko, GODAI aara de7ees; i oottiyoobaakka ubbaa ayyo injjeyiis.

Doomettaabaa 39:4

Yooseefi a sinttan nashettiis; i ayyo kiitettiis. PHoxiifaari a ba keettaa asaa bolli sunttiis; bau de7iyaabaa ubbaa a kushiyan wottiis.

Doomettaabaa 39:8

SHin i ixxiis. Ba godaa keettaayyiyo, “Be7a; ta godai tau sheedhdhidi ba son de7iyaabau aibaunne hirggenna; baayyo de7iyaabaa ubbaa ta kushiyan wottiis.

Doomettaabaa 43:32

Eti ayyo dumma, he ishanttayyo dumma, hegan aara miya Gibxxe asatuyyo dumma aattidosona; aissi giikko, Gibxxe asati Ibraawe asatuura issippe mookkona. Hegee Gibxxe biittaa asata sheneyiyaabaa.

Leemiso Maxaafaa 31:11

I keettaawai o ubbabankka ammanees; ayyo de7anau bessiyaabaappe aibinne paccenna.

Luqaasa 16:10

Daro guuttaban ammanettiya urai qassi gitaban ammanettees. Daro guuttaban ammanettenna urai gitabankka ammanettenna.

Luqaasa 19:17

“A godai a, ‘Hayyanaashsho! Neeni lo77o ashkkara; neeni ha qii guuttaban ammanettidaagaa gidido gishshau, taani nena tammu katamatuyyo alaafe oottana’ yaagiis.

Yesuusi Kiittidoogeetu Oosuwaa 7:20

“Muusee yelettidoi he wode; Xoossaa sinttan i daro lo77o na7a gidiis; ba aawaa keettan heezzu agina gakkanaas dicciis.

Sameela Maxaafaa Koiruwaa 16:12

Yaagin Isseyi kiittidi, na7aa ehiissiis; he na7ai arssa; aifiyaara lo77iya puulanchcha. GODAI Sameela, “Dendda eqqada tiya; hagee a” yaagiis.

Sameela Maxaafaa Koiruwaa 17:42

I Daawita tishshi ootti xeellidi, Daawiti na7a gididoogaanne meraa lo77onne arssa gididoogaa be7idi kariis.