Doomettaabaa 3:17 - Wolaytta Bible

¹⁷ Bitaniyaakka GODAI Xoossai hagaadan yaagiis; “Neeni ne keettaayee oduwaa siyido gishshaunne taani nena, 'He mittaa teeraa mooppa' gaada azazido mittaa aifiyaappe neeni miido gishshau, biittai ne gaasuwan qanggettidaagaa gido! Neeni ne de7o laitta ubban gita daafuran biittaa oottada maana.

Doomettaabaa 3:17 ပူးပေါင်းရင်းမြစ်များ

Doomettaabaa 3:11

GODAI Xoossai a, “'Neeni kallo de7aasa' giidi neeyyo odidai oonee? Taani nena, 'Mooppa' gaada azazido mittaa teeraappe maadiiyye?” yaagidi oichchiis.

Doomettaabaa 3:18

Biittai neeyyo agunttanne kinddiichchuwaa mokkana; neeni bazzon mokkidabaa maana.

Doomettaabaa 3:6

Maccaasiyaa he mittaa teerai maanau mal77iyaagaa, xeellanau lo77iyaagaa, qassi asi aadhdhida eratettaa demmanau amoyiyaagaa gidiyoogaa be7aasu; be7ada he mittaa teeraappe ekkada maasu; qassi banaara de7iya ba azinaayyookka hegaappe immin, ikka miis.

Doomettaabaa 5:29

Yelidi, “Ha na7ai GODAI qanggido biittaa bollan nuna nu kushiyaa oosuwaa daafuraappe shemppissana” giidi Noha sunttiis.

Doomettaabaa 8:21

Yaatin GODAI yarshshuwaa peenuwaa sawiyaagaa singgidi, ba wozanan hagaadan yaagiis; “Naatettaasappe doommin, asi wozanan qoppiyoobai ubbai iita gidikkokka, taani asa gishshau gaada naa77antto mulekka ha sa7aa qanggikke. Qassi taani ha77i oottidoogaadan paxa de7iya mereta ubbaa naa77antto mulekka xaissikke.

Iyyooba Maxaafaa 14:1

“Maccaasappe yelettida asa baree qantta; hegaa keesaikka metuwan kumi uttiis.

Iyyooba Maxaafaa 21:17

“Iita asatu de7uwaa xomppee to7i erii? Eta bolli bashshai wodhdhi erii? Xoossai ba hanqquwan eta qaxxayi erii?

Mazamure Maxaafaa 127:2

Neeni maallado guuran denddiyoogee, omarssi qamissada zin77iyoogee, qumassi hirggada tuggatiyoogee coo mela; aissi giikko, GODAI ba siiqiyoogeetau qumaa immees.

Eranchchaa Maxaafaa 2:11

Gido shin, hegaa ubbaa ootta simmada taani akeekiyo wode, keehi taani ayyo daafuridobai ubbaikka hada gidiyoogaa be7aas. Salo gufantton go77iyaabi aibinne baawa; ubbaikka carkkuwaa oiqqanau yedettiyoogaa mala.

Eranchchaa Maxaafaa 2:17

Metoppe attin, go77iyaabi bainna gishshau, ha sa7aa de7oi tana iitiis. Hegeekka hada; carkkuwaa oiqqanau yedettiyoogaa mala.

Eranchchaa Maxaafaa 5:17

I ba laittaa ubbaa xuma de7uwan, azzanuwan, yiillotiyoogan, harggiyaaninne hanqquwan wurssees.

Maatiyoosa 22:12

‘Ta jaalau, bullachchaa maayuwaa maayennan waanada hagaa geladii?’ yaagin bitanee co77u giis.

Maatiyoosa 25:45

“He wode taani kawoi zaarada eta, ‘Taani intteyyo tumaa odais; intte ha ubbaappe laafiya issuwaa maaddennan ixxidoogee, tana maaddennan ixxidoogaa’ yaagana.

Luqaasa 19:22

“Yaagin, ‘Neeni iita ashkkara; ne doonai haasayidoban nena taani pirddana. Taani tabaa gidennabaa ekkiyaagaa, qassi zerabeennabaa cakkiya meqetti bainna asa gidiyoogaa eradasa.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Roome 3:19

Asa ubbaa haasayaa diggana malanne kumetta sa7aa Xoossaa pirddaappe garssau aattana mala, higgiyaa giddon odettida ubbabai higgiyaappe garssan de7iya asau haasayiyoogaa nuuni eroos.

Ibraawe 6:8

SHin buluwaa buuzuwaa mokkikko, ainne go77enna; qanggettau shiiqi eqqiis. Qassi wurssettan xuugettana.