Doomettaabaa 18:2 - Wolaytta Bible

² Abrahaami xoqqu giidi xeellidi heezzu asati a matan eqqidaageeta be7iis; be7idi etaara gaittanau ba dunkkaaniyaa penggeppe denddidi woxxiis; woxxi gakkidi, biittan hokkidi, eta sinttan ziggiis.

Doomettaabaa 18:2 ပူးပေါင်းရင်းမြစ်များ

Doomettaabaa 17:3

Yaagin Abraami ba som77uwan duge gufanniis; gufannin Xoossai ayyo hagaadan yaagiis;

Doomettaabaa 18:16

Hegaappe guyyiyan asati denddidi biidi, Sadooma katamaa duge zaari xeellidosona; Abrahaaminne eta moissiiddi etaara biis.

Doomettaabaa 18:22

Hegaappe guyyiyan, naa77u asati Sadoomakko simmidi biidosona; shin Abrahaami GODAA sinttan eqqidosankka de7ees.

Doomettaabaa 18:3

Ziggi simmidi i, “Abeet ta godau, taani ne sinttan nashettidabaa gidikko, tana ne ashkkaraa aggada aadhdhoppa.

Doomettaabaa 19:1

He naa77u kiitanchchati omarssi Sadooma katamaa gakkidosona; he wode Looxee he katamaa penggen uttiis. Looxee eta be7innee etaara gaittanau eqqidi biis; biidi, ba som77uwaa sa7aa gattidi ziggiis;

Doomettaabaa 23:12

Yaagin Abrahaami he biittaa asaa sinttan zaaretti ziggidi,

Doomettaabaa 23:7

Yaagin Abrahaami denddi eqqidi, Hiitetu sinttan ziggiis.

Doomettaabaa 24:63

Issi gallassi omarssi Yisaaqi ba wozanan qoppiiddi dembbaa kiyidi yuuyees; yuuyiiddi i xoqqu giidi xeelliyo wode, gaameelati yiyaageeta be7iis.

Doomettaabaa 32:24

shin Yaaqoobi barkka attiis. He wode issi asi sa7ai wonttana gakkanaassi aara baaxetiis.

Doomettaabaa 42:6

He wode Yooseefi he biittaa aissiyaagaanne biittan de7iya asau ubbau kattaa baizziyaagaa; hegaa gishshau Yooseefa ishantti gakkido wode, bantta som77uwaa sa7aa gattidi ayyo ziggidosona.

Doomettaabaa 43:26

Yooseefi ba soo gelido wode, eti soo ehiido bantta immiyoobaa son ayyo immidosona; eti a sinttan sa7aa gakkidi ziggidosona.

Doomettaabaa 43:28

Yaagin eti, “Ee, ne ashkkarai, nu aawai ha77ikka paxa de7ees; i lo77o” yaagidi hokkidi ayyo ziggidosona.

Doomettaabaa 44:14

Yihudai ba ishanttuura Yooseefakko geliyo wode, Yooseefi son de7ees; eti a sinttan sa7an gufannidosona.

Doomettaabaa 48:12

Yooseefi eta a gulbbataappe denttidi, ba som77uwaa sa7aa gattidi ziggiis.

Kawotu Maxaafaa Naa77anttuwaa 2:15

Yarkkoppe yiida hananabaa yootiyaageetu citai Elssaa7a be7ido wode, “Eelaasa ayyaanai Elssaa7a bolli shemppiis” yaagidosona. Eti aara gaittanau yiidi, a sinttan sa7an gufannidosona.

Roome 12:13

geeshshata koshshiyaaban maaddite; imattaa mokkite.

Ibraawe 13:2

Imatta mokkiyoogaakka dogoppite. Aissi giikko, yaatiyoogan issi issi asai erennan kiitanchchata mokkiis.

Yaasu Maxaafaa 5:13

Yaasu Yarkko matan de7iyo wode, xoqqu giidi xeellidi, issi bitanee bisuwaa shoddi oiqqidi, ba sinttan eqqidaagaa be7iis. Yaasu akko shiiqidi, “Neeni nu bagga aseeyye nu morkketu bagga asee?” yaagiis.

Koiro PHeexiroosa 4:9

Zuuzummennan issoi issuwaa imattatettan mokkite.

Daannatu Maxaafaa 13:3

Issi gallassi GODAA kiitanchchai he maccaaseessi qonccidi, hagaadan yaagiis; “Be7a, neeni na7a yelabeenna maine; shin neeyyo ixetai attana; attin neeni attuma na7a yelana.

Uruti Maxaafaa 2:10

Uruta som77oi sa7aa gakkin hokkada ziggaasu; ziggada, “Taani imatta asa gidikkinaa? Neeni hagaa keenaa taayyo qarettidoogee aibi gishshataassee?” yaagaasu.