Daannatu Maxaafaa 9:28 - Wolaytta Bible

²⁸ Ebeeda na7ai Ga7aali, “Nuuni Sekeema asai haarettanau Abimeleki oonee? I Geedoona na7aa gidennee? Zabuulikka ha katamaa haaranaadan Abimeleki sunttidoogaa gidennee? Hegaappe nu maizza aawaa Hamoora zaretussi ane haarettoos.

Daannatu Maxaafaa 9:28 ပူးပေါင်းရင်းမြစ်များ

Doomettaabaa 33:19

Ba dunkkaaniyaa tolido gadiyaa SHekeema aawaa Hamoora naatuppe xeetu xaqara biran shammiis.

Doomettaabaa 34:2

He biittaa haariya Hiiwiyaa Hamoora na7aa SHekeemi o be7idi, o dafi efiidi mooriis.

Doomettaabaa 34:6

Hegaappe guyyiyan, SHekeema aawaa Hamoori Yaaqoobaara haasayanau yiis.

Sameela Maxaafaa Naa77anttuwaa 20:1

Biniyaama zare gidiya Biikira na7ai SHebaa7a giyo issi shori bainna bitanee yan de7ees. He bitanee malkkataa punnidi, “Nuuni Daawitaara ekkiyo saami baawa! Isseya na7aara nuuni laattanabai baawa! Israa7eela asatoo, ubbaikka intte soo intte soo gelite!” yaagiis.

Kawotu Maxaafaa Koiruwaa 12:16

Israa7eela asai ubbai kawoi eti giyoogaa siyennan ixxidoogaa be7idi, kawuwaa hagaadan yaagidosona; “Daawitabaappe nuna gakkiyaabi aibee? Isseya na7aappe nuuni laattanabi baawa! Israa7eela asau, intte soo intte soo simmite! Ha77i simmi Robi7aami bau naagetto!” yaagidosona. Yaagidi Israa7eela asai ubbai bantta soo bantta soo simmidosona.

Daannatu Maxaafaa 9:26

Hegaappe guyyiyan, Ebeeda na7ai Ga7aali ba ishanttuura Sekeema yiis; yin Sekeema asai an ammanettiis.

Daannatu Maxaafaa 9:41

Abimeleki Aruuman de7in, Zabuuli Ga7aalanne a ishantta Sekeemappe yedettidi kessiis.

Sameela Maxaafaa Koiruwaa 25:10

Naabaali Daawita ashkkarata, “Daawiti oonee? Isseya na7ai oonee? Ha wodiyan daro ashkkarati bantta godatuppe baqatoosona.