Daannatu Maxaafaa 21:19 - Wolaytta Bible

¹⁹ Hegaappe guyyiyan, maabaraa kaalettiya cimati, “Be7ite, laittan laittan Seelon GODAA bonchchiyo baalai matiis” yaagidosona. Seeloi Beeteeleppe huuphessa baggaara, Laboonappe tohossa baggaara, Beeteeleppe Sekeema efiya ogiyaappe arshsho baggaara de7ees.

Daannatu Maxaafaa 21:19 ပူးပေါင်းရင်းမြစ်များ

Mazamure Maxaafaa 81:3

Aginai xeeriyo wode, goobanaa uttiyo wodenne ayyaana gallassan malkkataa punnite.

Wogaabaa 23:10

“Israa7eela asaayyo hagaadan yaagada yoota; 'Taani intteyyo immiyo biittaa gelidi, intte kattaa cakkiyo wode, he kattau koiro aifiyaa mirqqiyaa qeesiyaakko ekki yiite.

Wogaabaa 23:2

“Israa7eela asaayyo hagaadan yaagada yoota; 'Geeshsha yaa7a gi awaajjidi, intte bonchchanau bessiya keerettida GODAA baalati hageeta.

Wogaabaa 23:34

“Israa7eela asaayyo hagaadan yaagada yoota; 'Ha laappuntta aginan tammanne ichchashantta gallassaappe doommidi, laappun gallassai GODAAYYO Daase Baala.

Wogaabaa 23:4

“'Eta wodiyan wodiyan geeshsha yaa7a ootti awaajjidi intte bonchchanau bessiya GODAA baalati hageeta.

Wogaabaa 23:6

“'Qassi he aginankka tammanne ichchashantto gallassai GODAA Oittaa Baalaa gallassa; hegaa gishshau laappun gallassatun irshshoi gelibeenna oittaa miite.

Qoodaabaa 10:10

Hegaadankka, qassi intte ufaittiyo gallassi, baalaa bonchchanau intte keerido gallassinne aginai xeeriyo baalan, intte xuuggiyo yarshshiyo wodenne intte issippetettaa yarshshuwaa yarshshiyo wode he xurumbbata punnite; hegee Xoossaa sinttan inttena hassayissiyaagaa gidana. Taani GODAA, intte Xoossaa” yaagiis.

Qoodaabaa 28:16

“'Koiro aginan tammanne oiddantta gallassai GODAA Paasikaa bonchchiyo gallassa gido.

Qoodaabaa 28:26

“'Saaminttatu Baalaa gallassan intte GODAAYYO ooratta kattaa shiishshiyo wode, geeshsha yaa7aa shiiqite; daafurssiya ooso aibanne oottoppite.

Qoodaabaa 29:12

“'Laappuntta aginan tammanne ichchashantta gallassan, geeshsha yaa7aa shiiqite; daafurssiya ooso aibanne oottoppite. GODAAYYO Daase Baalaa laappun gallassaa bonchchite.

Yohaannisa 5:1

Hegaappe guyyiyan, Yesuusi Aihudati bonchchiyo baalaayyo Yerusalaame biis.

Yohaannisa 7:2

Aihudati bonchchiyo Daase Baalai gakki uttiis.

Zaarettido Wogaa 16:1

“Abiiba aginan GODAA intte Xoossaa Paasikaa Baalaa bonchchite; aissi giikko, GODAI intte Xoossai inttena Abiiba aginan qammi Gibxxeppe kessiis.

Zaarettido Wogaa 16:10

Yaatidi GODAI intte Xoossai inttena anjjidoogaa keenaa intte intte dosan coo immiyo imuwaa ehiidi, GODAAYYO, intte Xoossaayyo, Saaminttatu Baalaa bonchchite.

Zaarettido Wogaa 16:13

“Intte audiyaappe intte kattaa, qassi woiniyaa yedhdhiyoosaappekka intte woiniyaa shiishshidoogaappe guyyiyan, laappun gallassaa Daase Baalaa bonchchite.

Yaasu Maxaafaa 18:1

Biittaa xoonidi oiqqidoogaappe guyyiyan, Israa7eela maabara ubbai Seelon shiiqiis; shiiqidi GODAASSI goinniyo Dunkkaaniyaa yan essiis.

Daannatu Maxaafaa 18:31

Hegaadan hanidi, Xoossaa Dunkkaanee Seelon de7ido laittatun ubban Miiki masissido misileti yan gam77idosona.

Daannatu Maxaafaa 21:20

He maabaraa kaalettiya cimati Biniyaama asata hagaadan yaagidi azazidosona; “Biite; biidi woiniyaa turaa giddon zuggidi,

Sameela Maxaafaa Koiruwaa 1:3

Ubbaappe Wolqqaama GODAASSI goinnanaunne yarshshanau Elqqaani laittan laittan ba katamaappe Seelo bees. Eela naati naa77ai, Hofiniininne Piinihaasi yan GODAA qeeseta.