Daannatu Maxaafaa 19:30 - Wolaytta Bible

³⁰ Hegaa be7ida ubbai, “Israa7eela asai Gibxxe biittaappe kiyoosappe hachchi gakkanaashin, hagaa milatiyaabi mulekka hanibeenna; nuunikka be7ibookko. Ane hagaa issippe akeeki zorettidi, issibaa oottoos” yaagidosona.

Daannatu Maxaafaa 19:30 ပူးပေါင်းရင်းမြစ်များ

Leemiso Maxaafaa 11:14

Kaalettiyaabi xayikko, kawotettai kunddees; shin daro zoriyaageeti de7ikko, saroi de7ees.

Leemiso Maxaafaa 13:10

Otoroi ooshshaa yelees; shin zoriyaa ekkiyaageeti aadhdhida eranchcha.

Leemiso Maxaafaa 15:22

Zoretai xayikko, halchchidobai halettees; daro zoriyaageeti de7iyoosan halchchidobai polettees.

Leemiso Maxaafaa 20:18

Zoriyaa ekkada ne halchchiyoobaa halchcha; zore ekkennan de7aidda olau booppa.

Leemiso Maxaafaa 24:6

Neeni olau kiyanaappe kasetada halchchuwaa halchchana koshshees; daro zoriyaageetu zoriyan xoonoi beettees.

Hoose7a 9:9

Beni Gib77a kataman hanidoogaadan, eti keehi tunidosona. Xoossai eta mooruwaa hassayana; hassayidi eta nagaraa qaxxayana.

Daannatu Maxaafaa 20:7

Be7ite, intte ubbai Israa7eela asa; zorettidi intte pirdda immite” yaagiis.