Daannatu Maxaafaa 17:2 - Wolaytta Bible

² Issi gallassi Miiki ba aayyiyo, “Neeppe issi asi issi sha7anne issi xeetu xaqara biraa wuuqqido wode, neeni he wuuqqida bitaniyaa qanggishin taani siyaas. Be7a, he miishshai ta achchan de7ees; taani ekkaas” yaagiis. Yaagin a aayyiyaa, “Ta na7au, nena GODAI anjjo” yaagaasu.

Daannatu Maxaafaa 17:2 ပူးပေါင်းရင်းမြစ်များ

Doomettaabaa 14:19

I Abraama hagaadan yaagidi anjjiis; “Ubbaappe Xoqqiya Xoossai, saluwaanne sa7aa medhdhidaagee Abraama anjjo;

Nahimiyaa Maxaafaa 13:25

Taani etaara ooyettaasinne eta qanggaas; qassi etappe issoota issoota dechchada, eta huuphiyaa binnaanaa shoddaas. Hegaa xalla gidennan eti naa77antto bantta macca naata eta attuma naatussi immennaadaaninne eta macca naatakka banttassinne bantta attuma naatussi ekkennaadan Xoossaa sunttan caaqettaas.

Mazamure Maxaafaa 10:3

He iitai ba wozanaa iita amuwan ceeqettees; yorai GODAA qanggeesinne kaddees.

Kessaabaa 20:7

“Xoossaa ne GODAA sunttaa hadan denttoppa; aissi giikko, GODAI ba sunttaa hadan denttiyaagaa qaxxayana.

Leemiso Maxaafaa 28:24

Ba aawaappenne ba aayeeppe wuuqqidi, “Taani ainne nagara oottabeikke” yaagiya urainne bashshiya urai issi mala.

Ermmaasa 48:10

“GODAA oosuwaa shenehoo giidi oottiya urai qanggettidaagaa gido! GODAI azazi wottin, suuttaa gussennaadan ba bisuwaa teqqiya uraikka qanggettidaagaa gido!

Maatiyoosa 26:74

Hegaappe guyyiyan PHeexiroosi, “Taani hegaa bitaniyaa erikke!” yaagidi, bana qanggettaanne caaquwaa doommiis. He wode sohuwaarakka kuttoi waassi aggiis.

Roome 9:3

Aissi giikko, taani ta huuphen eta gishshau, Xoossaa qanggettaappe garssan de7arkkinaashsha! Qassi Kiristtoosappekka shaahettarkkinaashsha!

Koiro Qoronttoosa 16:22

Godaa Yesuus Kiristtoosa siiqenna asi de7ikko, i qanggettidaagaa gido. Nu Godau, haaya.

Zaarettido Wogaa 27:16

“'Ba aawaa woikko ba aayyiyo kaushshiya asi qanggettidaagaa gido' yaagin, asai ubbai, 'Amin77i!' yaago.

Naa77antto Yohaannisa 1:11

Aissi giikko, a saro giya urai a iita oosuwaa aara shaakkees.

Daannatu Maxaafaa 17:1

Efireema gezziyan Miika giyo issi bitanee de7ees.

Daannatu Maxaafaa 17:3

Yaagin na7ai issi sha7anne issi xeetu xaqara biraa ba aayeessi zaariis; zaarin a aayyiyaa, “Qanggettai ta na7aa gakkennaadan, taani ha miishshaa ta GODAAYYO dummayana. Yaatobare biraa seerissidi, mittaappe masettidi giigida eeqaa misiliyaa an sheeshshanau go7ettana. Hegaa gishshau, biraa taani neessi zaarana” yaagaasu.

Daannatu Maxaafaa 5:23

“GODAA kiitanchchai, 'Merooza qanggite! Yan de7iya asaa iissidi qanggite! Aissi giikko, eti GODAA maaddanau yibookkona. A wolqqaama morkketuura olettanau kiyibookkona' yaagiis.

Uruti Maxaafaa 3:10

Boo7eezi zaaridi, “Ta na7ee, GODAI nena anjjo! Hagee ne oishai neeni kase ne bolloteessi oottido kehatettaappekka aadhdhees; neeni manqqo woikko dure gidiya yelaga attuma asata koyabaakka.

Sameela Maxaafaa Koiruwaa 14:24

He gallassi Israa7eela asati namisan labbanidosona; aissi giikko, Saa7ooli asaa, “Sa7ai qammennan de7ishiininne taani ta morkketuyyo halo kessennan de7ishin, quma miya urai qanggettidaagaa gido” yaagidi asaa caaquwan qachchiis. Hegaa gishshau, olanchchatuppe quma doonaakko shiishshida asi ooninne baawa.

Sameela Maxaafaa Koiruwaa 14:28

Hegaappe guyyiyan, olanchchatuppe issoi a, “Ne aawai olanchchata ubbaa, 'Hachchi quma miya urai qanggettidaagaa gido' yaagidi, caaquwan qachchi wottiis; asai ubbai labbanidoi hegaassa” yaagiis.

Sameela Maxaafaa Koiruwaa 15:13

Yootin Sameeli Saa7oolakko gakkiis; gakkin Saa7ooli Sameela, “GODAI nena anjjo; taani GODAA azazuwaa oottaas” yaagiis.

Sameela Maxaafaa Koiruwaa 23:21

Yaagin Saa7ooli eta, “Intte taayyo qarettido gishshau, inttena GODAI anjjo.

Sameela Maxaafaa Koiruwaa 26:19

Ha77ikka ta godau, kawuwau, neeni ta qaalaa, ne ashkkaraa qaalaa siyanaadan taani nena woossais; GODAI nena ta bolli denttidobaa gidikko, yarshshuwaa i ekko; shin asati nena denttidobaa gidikko, eti GODAA sinttan qanggettidaageeta gidona! Aissi giikko, 'Ba; hara xoossatussi goinna' yaagidi, GODAA biittan taayyo de7iya saamaappe eti tana ha77i kessidosona.