Daannatu Maxaafaa 11:14 - Wolaytta Bible

¹⁴ Yofttaahee naa77anttuwaakka Amoonatu kawuwaakko asaa kiittiis.

Daannatu Maxaafaa 11:14 ပူးပေါင်းရင်းမြစ်များ

Mazamure Maxaafaa 120:7

Taani saro asa; shin taani sarotettaabaa haasayiyo wode, eti olaabaa haasayoosona!

Roome 12:18

Asa ubbaara sarotettan de7anau, intte baggaara, intteyyo danddayettidabaa ubbaa oottite.

Ibraawe 12:14

Asa ubbaara saro de7anau minnite; qassi geeshsha de7uwaa de7ite. Aissi giikko, hegee bainnan ooninne Godaa be7anau danddayenna.

Koiro PHeexiroosa 3:11

Iitabaa oottiyoogaa aggidi, lo77obaa ootto; sarotettaakka keehi koyonne a kaallo.

Daannatu Maxaafaa 11:13

Yofttaahee kiittido asatuyyo Amoonatu biittaa kawoi zaaridi, “Israa7eela asai Gibxxe biittaappe kiyido wode, Arnnoona SHaafaappe doommidi, Yaabooqa SHaafaa gakkanaashin, qassi Yorddaanoosa SHaafaa gakkanaashin de7iya ta biittaa ekkiis. Ha77i ta biittaa saruwan zaarite” yaagiis.

Daannatu Maxaafaa 11:15

Kiittiiddi hagaadan yaagiis; “Israa7eela asai Moo7aaba biittaa woikko Amoona biittaa ekkibeenna.