Daaneela 6:27 - Wolaytta Bible

²⁷ I ashsheesinne metuwaappe kessi ekkees. Saluwankka sa7ankka malaataanne oorattabaa oottees. Daaneela gaammotu doonaappe ashshidaagee a!” yaagiis.

Daaneela 6:27 ပူးပေါင်းရင်းမြစ်များ

Iyyooba Maxaafaa 36:15

Xoossai tuggatiyaageeta eta tuggan tamaarissees; i eta metuwaa baggaara eta sissees.

Mazamure Maxaafaa 145:13

Ne kawotettai merinaa kawotettaa; ne maatai yeleta ubbaa gakkanaassa. GODAI ba giido qaalau ubbau ammanettiyaagaa; i ba ooso ubban qarettiyaagaa.

Mazamure Maxaafaa 18:48

ta morkketuppe tana ashshiyaagaa. Abeet GODAU, neeni tanaara gaaddetiyaageetu bollan tana xoqqu xoqqu oottaasa; makkalanchcha asatuppe neeni tana ashshaasa.

Mazamure Maxaafaa 18:50

Xoossai ba kawuwaassi xoonuwaa bollan xoonuwaa immees. Ba tiyidoogaassi, Daawitassinne a zerettaassi, aggenna siiquwaa merinau bessees.

Mazamure Maxaafaa 32:7

Neeni taayyo qosettiyo soho; neeni tana metuwaappe naagana. Atotettaa yettaa yexxiyaageeta ta yuushuwan wottadasa.

Mazamure Maxaafaa 35:17

Abeet Godau, neeni aude gakkanaassi co77u gaada xeelluutee? Eta iita oosuwaappe tana ashsha; ha gaammotu mala asatuppe tana wotta ekka.

Mazamure Maxaafaa 97:10

GODAI iitaa ixxiyaageeta siiqees. I Xoossaa asata naagees; qassi eta iitatu kushiyaappe ashshees.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Daaneela 2:44

“He kawotu laittan, saluwaa Xoossai mulekka kunddenna, hara asaukka imettenna kawotettaa essana. He eqqida kawotettai he kawotettata ubbaa gaaceretti xaissana; shin i merinau eqqidi daana.

Daaneela 4:31

“I haasayidi wurssennan de7ishin, saluwaappe hagaadan giya qaalai puttu giis; puttu giidi, 'Kawuwaa Naabukadanaxooraa, ne bollan pirddettida pirddai hagaa: ne kawotettai neeppe ekettiis.

Daaneela 4:34

“He laappun laittai wurido wode, taani Naabukadanaxoori xoqqu gaada saluwaa xeellaas; ta wozanai kahaikka simmiis. Simmin Ubbaappe Xoqqiya Xoossaa galataas; merinau de7iyaagaakka bonchchaasinne sabbaas. “A maatai merinaa maataa; a kawotettaikka yeletaappe yeletaa gakkanaashiina.

Daaneela 4:35

Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Daaneela 6:20

Ollaakko bi gakkidi hirggiiddi, “De7o Xoossaa ashkkarau Daaneelaa, neeni ubbaton goinniyo ne Xoossai nena gaammotuppe ashshanau danddayidee?” yaagidi xeesiis.

Yohaannisa 4:48

Yesuusi halaqaa, “Xoossai oottiyo malaataanne garamissiyaabaa be7ennan de7iiddi, intte mulekka ammanekketa” yaagiis.

Yesuusi Kiittidoogeetu Oosuwaa 4:30

Pattanau ne wolqqaa bessa; qassi ne geeshsha Na7aa Yesuusa sunttan oorattabaanne malaataa ootissa” giidi woossidosona.

Ibraawe 2:4

He siyidaageeti markkattidoogaa bolli Xoossaikka malaataa, oorattabaanne Xoossai oottiyo dumma dumma malaataa oottiyoogan gujji markkattiis; qassi Geeshsha Ayyaanaa imuwaakka ba koyidoogaadan, gishi gattiis.

Sameela Maxaafaa Koiruwaa 17:26

Yaagin Daawiti ba matan eqqida asaa, “Ha Pilisxxeemiyaa woridi, ha yeellaa Israa7eelappe qucciya uraassi aibi oosettanee? Ha qaxxarettibeenna Pilisxxeemee, de7o Xoossaa olanchchata naassiyaagee i oonee?” yaagidi oichchiis.