Daaneela 6:18 - Wolaytta Bible

¹⁸ Hegaappe guyyiyan, kawoi ba keettaa simmidi, quma meennaaninne pashkkissiyaabaa aibakka baakko shiishshennan, xiskkuwaara xayidi aqiis.

Daaneela 6:18 ပူးပေါင်းရင်းမြစ်များ

Sameela Maxaafaa Naa77anttuwaa 19:24

Qassi Saa7oola na7ai Mafibosheeti kawuwaa mokkanau duge wodhdhiis. Kawoi biido gallassaappe doommidi, i sarotettan guyye simmiyo gallassi gakkanaassikka, Mafibosheeti ba tohuwaa meeccibeenna; ba buuchchaa qanxxibeenna; qassi ba maayuwaakka meeccibeenna.

Kawotu Maxaafaa Koiruwaa 21:27

Akaabi ha haasayaa siyido wode, ba maayuwaa pooshshidi, waaruwaa maayiis; yaatidi xoomiis. Waaruwaa maayosaara zin77iis; azzaniiddi hemettiis.

Asttiri Maxaafaa 6:1

He gallassi qammi kawuwaa xiskkoi efeennan ixxiis. Hegaa gishshau, kawoi Kawo Taarikiyaa Xaafiyo Maxaafaa ehiidi, hegan xaafettida, kase hanida taariketa ayyo nabbabana mala azaziis.

Iyyooba Maxaafaa 21:12

Karaabiyaa baqqiiddinne diittaa diixxiiddi, yettaa yexxoosona; pulaaliyaa punniiddikka ufaittoosona.

Mazamure Maxaafaa 137:2

He sohuwan nuuni nu diittaa mittaa bolli kaqqida.

Mazamure Maxaafaa 77:4

Neeni qamma ubbaa tana xiskkuwaa diggada aissaasa. Taani keehi hirggiyo gishshau, haasayanau danddayikke.

Eranchchaa Maxaafaa 2:8

Taani haariyo dumma dumma biittatuppe bonchchettida kawo keettaa buquraa ehiissada, daro worqqaanne biraa taayyo dagayaas. Qassi, tana sabbidi yexxiya attumanne macca yettanchchata qaxaraas; hegaa bollikka, asassi ufaissaa immiya keehi daro macca asaakka shiishshaas.

Ermmaasa Zilaassaa 3:53

Eti tana paxa de7ishin ollan yeggidi, ollaa doonaa shuchchan gorddidosona.

Daaneela 10:3

Lo77o quma mabeikke; ashoi woikko woine eessi ta doonakko shiiqibeenna. Heezzu saaminttai wurana gakkanaashin aibanne tiyettabeikke.

Daaneela 2:1

Naabukadanaxoori ba kawotido naa77antto laitti aimuwaa aimottiis. He aimoi a keehin shabbirin, xiskkoi a efeennan ixxiis.

Daaneela 6:19

Maallado guuran kawoi denddidi, eesotiiddi gaammotu ollaakko biis.

Ajjuutaa 18:22

Diittaa diixxiyaageetunne mazamuriyaa yexxiyaageetu, pulaaliyaanne malkkataa punniyaageetu cenggurssai hannippe hini baggan ne giddon mulekka siyettenna. Kushe hiilla eriya ooninne naa77antto mulekka de7enna. Woxa cenggurssaikka hagaappe sinttanau ne giddon siyettenna.