Daaneela 4:36 - Wolaytta Bible

³⁶ “Ta wozanai simmaanne, ta kawotettaa bonchchuwaa gishshau, ta anggainne ta puulai taayyo simmi aggiis. Kase tana zoriyaageetinne ta oosanchchati tana koyidosona. Taani ta kawotettan minnaas; kaseegaappekka aadhdhiya gitatettai taayyo gujettiis.

Daaneela 4:36 ပူးပေါင်းရင်းမြစ်များ

Iyyooba Maxaafaa 13:12

Intte odiyo leemisoti bidintta mala pattennaageeta; intte shiishshiyo palamai urqqaappe merettida gonddalliyaa mala.

Leemiso Maxaafaa 22:4

Neeni ashkke gidikkonne GODAASSI yayyikko, duretettaa, bonchchuwaanne de7uwaa demmana.

Daaneela 2:31

“Kawuwau, neeni keehi gita, phooliyaanne xeellanau yashshiya misilee ne sinttan eqqidaagaa be7adasa.

Daaneela 4:22

kawuwau, he mittai nena! Neeni gitatadasanne minnadasa; ne gitatettai diccidi, saluwaa gakkiis; ne kawotaa maataikka sa7aa gaxaa gakkiis.

Daaneela 4:32

Neeni asaa giddoppe goodettada, bazzo do7aara daana; neeni booradan maataa maana. Ubbaappe Xoqqiya Xoossai asaa naatu kawotetta ubbaa haariyoogaanne kawotettaa i ba koyido uraassi immiyoogaa neeni erana gakkanaashin, laappun laittai ne bolli aadhdhana' yaagiis.

Daaneela 4:34

“He laappun laittai wurido wode, taani Naabukadanaxoori xoqqu gaada saluwaa xeellaas; ta wozanai kahaikka simmiis. Simmin Ubbaappe Xoqqiya Xoossaa galataas; merinau de7iyaagaakka bonchchaasinne sabbaas. “A maatai merinaa maataa; a kawotettaikka yeletaappe yeletaa gakkanaashiina.

Maatiyoosa 6:33

SHin kasetidi, Xoossaa kawotettaanne a xillotettaa koyite; i intteyyo he ubbabaa immana.

Naa77antto Qoronttoosa 4:17

Aissi giikko, ha77issau nuuni waayettiyo ha guutta waayee, ubbaappe keehi gitatiya merinaa bonchchuwaa nuuyyo beetissana.

Sameela Maxaafaa Koiruwaa 2:30

“Hegaa gishshau, Israa7eela Xoossai hagaadan yaagees; '“Ne zareenne ne aawaa zaree merinau taayyo oottana” gaas; shin ha77i, hegee taappe haakko! Tana bonchchiyaageeta taani bonchchana; tana kariyaageeta taani kaushshana.