Daaneela 4:35 - Wolaytta Bible

³⁵ Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Daaneela 4:35 ပူးပေါင်းရင်းမြစ်များ

Iyyooba Maxaafaa 23:13

“Xoossai laamettenna. Aara eqettana, woikko ba koyidobaa i oottennaadan a teqqana asi baawa.

Iyyooba Maxaafaa 34:29

Xoossai co77u giikko, a pirddanai oonee? I ba som77uwaa wora zaarikko, asa maaddiyaabi baawa.

Iyyooba Maxaafaa 40:2

“Iyyoobaa, asi Ubbaa Danddayiya Xoossaara mootettidi, shatimmi erii? Ane Xoossaara mootettiya uri ayyo zaaro” yaagiis.

Iyyooba Maxaafaa 42:2

“Neeni ubbabaa oottanau danddayiyoogaanne ne halchchuwaakka halissanau danddayiyaabi bainnaagaa taani erais.

Iyyooba Maxaafaa 9:4

Xoossai ba wozanan aadhdhida eranchcha; ba abbiyankka daro wolqqaama. Aara eqettanau danddayiya ooninne baawa.

Mazamure Maxaafaa 115:3

Nu Xoossai saluwaana; i ba dosidobaa aiba gidikkokka oottees.

Mazamure Maxaafaa 135:6

Saluwankka sa7ankka, abbatunkka ciimma ubbaa giddonkka i ba dosidobaa ubbaa oottees.

Mazamure Maxaafaa 33:14

GODAI ba de7iyoosaappe sa7an de7iya ubbaa xeellees.

Mazamure Maxaafaa 39:5

Neeni ta laittaa qii takkaaro kessadasa. Ta baree ne sinttan bainnabaa mala; tumaappe asi ubbi issiton shemppiyo carkko mala.

Mazamure Maxaafaa 49:1

Inttenoo, asatoo, ubbatikka hagaa siyite. Inttenoo, sa7an de7iyaageetoo, ubbatikka hagaa ezggite.

Leemiso Maxaafaa 21:30

Asi ba aadhdhida eratettan, akeekaaninne zoriyan GODAARA eqettanau danddayenna.

Eranchchaa Maxaafaa 8:4

Mulebaa oottanau kawuwaassi maatai de7ees; yaatin, “Aissi hagaa oottadii?” yaagidi a oichchanau danddayiyai oonee?

Isiyaasa 19:17

Yihudaa biittai Gibxxe biittaa asaa yashshiyaagaa gidana; Ubbaappe Wolqqaama GODAI eta bollan oottanau qoppido qofaa gishshau, Yihudaabaa siyiya ubbai yayyana.

Isiyaasa 26:9

Qamman taani nena laamotais; ta giddon de7iya ta ayyaanai tumuppe nena minttidi koyees. Aissi giikko, ne pirddai sa7an de7iyo wode, sa7an de7iya asai xillotettaa tamaarees.

Isiyaasa 43:13

Taani Xoossaa; xaphoppe doommadakka taani tanattennee. Ta kushiyaappe ooninne ashshenna; taani oottidoogaa laammanau danddayiyaabi baawa” yaagees.

Daaneela 6:27

I ashsheesinne metuwaappe kessi ekkees. Saluwankka sa7ankka malaataanne oorattabaa oottees. Daaneela gaammotu doonaappe ashshidaagee a!” yaagiis.

Yoonaasa 1:14

Hegaa gishshau, eti hagaadan yaagidi, GODAAKKO waassidosona; “Abeet GODAU, ha bitaniyaa shemppuwaa gishshau, neeni nuna xaissennaadaaninne ha geeshsha suuttaa acuwaakka neeni nuuppe achchennaadan, nuuni nena minttidi woossoos. Aissi giikko, GODAU, neeni ne koyiyoogaadan oottadasa” yaagidosona.

Yesuusi Kiittidoogeetu Oosuwaa 11:17

Xoossai nuussi Godaa Yesuus Kiristtoosa ammanidaageetussi immido imuwaa malaa Aihuda gidennaageetussikka qassi immikko, simmi Xoossaa digganau taani oonee?” yaagiis.

Yesuusi Kiittidoogeetu Oosuwaa 4:28

Qassi neeni ne wolqqaaninne ne sheniyan hanana gaada qoppa uttidobaa ubbaa oottanau shiiqidosona.

Yesuusi Kiittidoogeetu Oosuwaa 5:39

SHin ha qofainne ha oosoi Xoossaappe yiidabaa gidikko, intte eta xaissanau danddayekketa; geelladan yaaniiddi Xoossaara intte iitettananne” yaagiis.

Yesuusi Kiittidoogeetu Oosuwaa 9:5

Saa7ooli, “Ta Godau, neeni oonee?” yaagidi oichchiis. Oichchin, “Taani neeni waissiyo Yesuusa. Boorai bana caddiya xam77aa qakkiyoogaadan, neeni qakkikko, nena qohaasa” yaagiis.

Koiro Qoronttoosa 10:22

Woikko nuuni Godaa qanaatissanau koyiyoo? Nuuni appe minniyoonii?

Koiro Qoronttoosa 2:16

Aissi giikko, Xoossaa maxaafai, “Godaa wozanaa eriyai oonee? A zoranau danddayiyai oonee?” yaagees. SHin nuussi Kiristtoosa wozanai de7ees.

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.

Yaasu Maxaafaa 2:2

Gelin Yarkko kawoi, “Israa7eela asaappe kiitettidaageeti ha biittaa xomoosanau qammi yiidosona” giyo oduwaa siyiis.

Sameela Maxaafaa Koiruwaa 3:18

Yaagin Sameeli ainne qosennan ubbabaa Eelayyo yootiis. Eeli, “I GODAA; i bana lo77aa ootto” yaagiis.