Daaneela 2:20 - Wolaytta Bible

²⁰ “Aadhdhida eratettainne wolqqai Xoossaassa gidiyo gishshau, a sunttai merinaappe merinaa gakkanaassi galatettidaagaa gido.

Daaneela 2:20 ပူးပေါင်းရင်းမြစ်များ

Doomettaabaa 14:20

qassi Ubbaappe Xoqqiya Xoossai, ne morkketa ne kushiyan aatti immidaagee galatetto” yaagiis. Yaagin Abraami ubbabaappe asirataa kessidi, Malkki-Xedeqayyo immiis.

Kawotu Maxaafaa Koiruwaa 8:56

“I kase haasayido ba qaalaadan ba asaa Israa7eela shemppissida GODAI galatetto; i ba ashkkaraa Muuse baggaara immido lo77o ufaissai ubbai polettiis.

Hanidabaa Odiya Koiro Maxaafaa 29:20

Hegaappe guyyiyan, Daawiti yaa7au ubbau, “GODAA intte Xoossaa galatite” yaagiis. Yaagin yaa7ai ubbai GODAA bantta aawatu Xoossaa galatidosona. Galatidi GODAAYYO gufannidi goinnidosonanne kawuwaayyookka lichchi giidi gufannidosona.

Hanidabaa Odiya Naa77antto Maxaafaa 20:21

Yoosaafixi asaara zorettidoogaappe guyyiyan, mazamuriyaa yexxiyaageetanne GODAA galatiyaageeta sunttiis. Sunttin eti ba7aala gallassa maayuwaa maayidi, olanchchatu sinttaara kanttiiddi, “GODAA galatite! Aggenna a siiqoi merinaagaa” yaagi yaagidi yexxanaadan azaziis.

Nahimiyaa Maxaafaa 9:5

Leewatuppe Yaasu, Qaadimi7eeli, Baani, Hashaabanee, SHerebee Hodee, SHabaaneenne Pataahee Israa7eela asaa hagaadan yaagidosona; “Denddi eqqidi, merinaappe merinau de7iya GODAA intte Xoossaa galatite! Galata ubbaappenne saba ubbaappe bollaara xoqqu xoqqu giidanne bonchchettida Xoossaa sunttaa sabbite” yaagidosona.

Iyyooba Maxaafaa 12:13

Xoossaassi aadhdhida eratettainne wolqqai de7ees; zoreenne akeekai an beettees.

Mazamure Maxaafaa 113:1

GODAA galatite! Inttenoo GODAA ashkkaratoo, GODAA sunttaa galatite!

Mazamure Maxaafaa 113:2

GODAA sunttai hachchippe merinaa gakkanaassi galatetto!

Mazamure Maxaafaa 115:18

SHin nuuni, paxa de7iyaageeti, hachchippe doommidi merinaa gakkanaassi GODAA galatoos. GODAA galatite!

Mazamure Maxaafaa 147:5

Nu Godai gita; a wolqqai daro; a akeekai likkiyaappe aadhdhiyaagaa.

Mazamure Maxaafaa 41:13

GODAI, Israa7eela Xoossai, merinaappe merinaa gakkanau galatetto. Amin77i. Amin77i.

Mazamure Maxaafaa 50:23

Taayyo galataa immiya asi tana bonchchees. Ba ogiyaa sittissiya asa taani Xoossaa atotettaa bessana” yaagees.

Mazamure Maxaafaa 62:11

Xoossai hagaadan giyoogaa taani zaara zaarada siyaas; “Wolqqai Xoossaassa.

Leemiso Maxaafaa 8:14

Zoreenne lo77o erai taageeta; akeekainne wolqqainne taassi de7oosona.

Ermmaasa 32:19

Ne zoree gita; ne oottiyo oosoikka wolqqaama. Asaa ogiyaa ubbaa neeni be7aasa; asau ubbaukka a ogiyaadaaninne a oosuwaadan zaaraasa.

Hizqqeela 28:3

Neeni Daaneelappekka aadhdhida eranchchee? Ai xuurikka neeppe geemmennee?

Maatiyoosa 6:13

Nuna iitabaappe ashshanaappe attin, paacen gelissoppa. Kawotettai, wolqqainne bonchchoi merinaukka neessa. Amin77i’ yaagite.

Yihudaa 1:24

Intte kunddennaadan, inttena naaganaunne borettennaageeta oottidi, ba bonchchuwaa sintti gita ufaissaara shiishshanau danddayiya nuna ashshiya issi Xoossau, nu Godaa Yesuus Kiristtoosa baggaara bonchchoi, gitatettai, wolqqainne maatai, aadhdhida wode ubbaappenne ha77inne merinaa gakkanaassinne gido. Amin77i.

Ajjuutaa 5:12

He kiitanchchati bantta qaalaa xoqqu oottidi, “SHuhettida Dorssai wolqqaa, duretettaa, aadhdhida eratettaa, minotettaa, bonchchuwaa, sabaa, galataa ekkanau bessees!” yaagidosona.