Ajjuutaa 20:15 - Wolaytta Bible

¹⁵ De7o maxaafan ba sunttai xaafettibeenna asi ooninne tama abban yegettiis.

Ajjuutaa 20:15 ပူးပေါင်းရင်းမြစ်များ

Mazamure Maxaafaa 69:28

Eti de7o maxaafaappe qucettona; xillo asaara mazggafettoppona.

Maatiyoosa 13:42

SHiishshidi to77enna taman olana; hegan eti yeekkana; qassi achchaa garccana.

Maatiyoosa 13:50

to77enna taman olana; hegan eti yeekkana; qassi achchaa garccana.

Maatiyoosa 25:41

“He wode, taappe haddirssa baggaara de7iyaageeta taani yaagana; ‘Ha qanggettidaageetoo, ta matappe kichchite; biidi xalahe halaqaayyoonne a kiitanchchatuyyo giigida merinaa taman gelite.

Marqqoosa 16:16

Ammaniyaageenne xammaqettidaagee attana; shin ammanennaagaa bolli Xoossai pirddana.

Luqaasa 10:20

Tuna ayyaanai inttessi azazettiyo gishshau ufaittoppite; shin intte sunttai saluwan xaafettido gishshau ufaittite” yaagiis.

Yohaannisa 14:6

Yesuusi zaaridi, “Ogee, tumainne de7oi tana; ta baggaarappe attin, ooninne ta Aawaakko baanau danddayenna.

Yohaannisa 3:36

Na7aa ammaniya urau merinaa de7oi de7ees; shin Na7aa ammanennaagaa bolli Xoossaa hanqqoi de7anaagaappe attin, i de7o be7enna.

Yesuusi Kiittidoogeetu Oosuwaa 4:12

Asi atotettaa Yesuusa baggaara demmanaappe attin, hara o baggaaranne demmenna; nuuni a sunttan attanau bessees; aissi giikko, Xoossai saluwaappe garssan asassi immido hara suntti baawa” yaagiis.

Ibraawe 12:25

Intteyyo yootiya uraa yohuwaa ezggiyoogaa intte ixxenna mala, inttena naagite. Xoossaa kiitaa sa7an banttau yootiyaagee yootiyoogaa ezggennan ixxidaageeti kessi ekkana xayikko, saluwan, “Inttena naagite” giya Xoossaappe nuuni waanidi kessi ekkanee?

Ibraawe 2:3

yaatin, nuuni ha gita atotettaa wudennaageeta gidikko, waanidi kessi ekkanee? Godai koiro ba huuphen ha atotettaa yootiis; qassi i yootidoogaa siyidaageeti nuuyyo geeshshidi yootidosona.

Ajjuutaa 19:20

He do7ai a sinttan Xoossai oottiyo malaataa oottida wordduwaa hananabaa yootiyaagaara issippe ohettiis. Do7aa malaatai de7iyoogeetanne do7aa misiliyau goinnidaageeta i balettidoogee he oottiyo malaatatuuna. Do7ainne wordduwaa hananabaa yootiyaagee naa77aikka dinniyaara eexxiya tama abban paxa yegettidosona.

Ajjuutaa 20:10

Do7ainne wordduwaa hananabaa yootiyaagee yegettido dinneenne tama abban xalahe halaqai, asa zareta balettidaagee, yegettiis. Eti qamminne gallassi meri merinau paxa kaa7ettana.

Ajjuutaa 20:12

Haiqqidaageeti, gitatinne guuttati araataa sinttan eqqidaageeta taani be7aas. Maxaafati dooyettidosona; hara maxaafai, de7o maxaafaikka dooyettiis. Haiqqidaageeti bantta oosuwaadan, maxaafatun xaafetti uttidaagaadankka pirddettidosona.

Ajjuutaa 20:14

Hegaappe guyyiyan, haiqoinne Si7oolee tama abban yegettidosona. He tama abbai naa77antto haiquwaa.

Ajjuutaa 3:5

Xoonidaagee hegaadankka bootta maayuwaa maayana. Taani a sunttaa de7o maxaafaappe quccikke; taani ta Aawaa sinttaaninne a kiitanchchatu sinttan i tabaa gidiyoogaa markkattana.