Sameela Maxaafaa Naa77anttuwaa 18:14 - Wolaytta Bible

¹⁴ Yaagin Yoo7aabi a, “Taani nenaara hagaadan gam77ikke” yaagiis; yaagidi heezzu tooraa ba kushiyan ekkidi, Abeseloomi wolan kaqettidi paxa de7iyaagaa wozana aifiyan caddiis.

Sameela Maxaafaa Naa77anttuwaa 18:14 ပူးပေါင်းရင်းမြစ်များ

Sameela Maxaafaa Naa77anttuwaa 12:10

Neeni tana karada, Hiitiyaa Ooriyoona keettaayyiyo neeyyo ekkido gishshau, ne zariyaappe bisoi mulekka shaahettenna' yaagees.

Sameela Maxaafaa Naa77anttuwaa 14:30

Hegaappe guyyiyan, Abeseloomi ba ashkkarata, “Siyite! Ta goshshaa matan Yoo7aabayyo goshshai de7ees; ayyo hegan banggai de7ees. Biite; biidi tamaa oittite” yaagiis. Yaagin Abeselooma ashkkarati Yoo7aaba banggaa tamaa oittidosona.

Sameela Maxaafaa Naa77anttuwaa 18:15

Caddin Yoo7aaba ola miishshaa tookkiya tammati Abeselooma dooddidi, shoci woridosona.

Sameela Maxaafaa Naa77anttuwaa 18:5

Yaatin, kawoi Yoo7aaba Abishaayanne Ittaaya, “Ta gishshau giidi, he yelaga bitaniyaa Abeselooma qohoppite” yaagidi azaziis. Kawoi Abeseloomabaa gadaawatu ubbaayyo odiyo wode, olanchchati ubbai siyidosona.

Sameela Maxaafaa Naa77anttuwaa 19:1

“Abeseloomayyo kawoi yeekkeesinne zilaalees” yaagidi Yoo7aabayyo yootidosona.

Sameela Maxaafaa Naa77anttuwaa 19:11

Kawoi Daawiti qeesetuyyo Xaadooqayyoonne Abiyaataarayyo kiitaa yeddidi, “Yihudaa cimata hagaadan yaagite; 'Daawiti hagaadan yaagees; “Israa7eela asai ubbai haasayiyoogee kawuwaa gakkiis. Yaatin, kawuwaa a keettaa zaari ehaanau intte aibissi haratuppe guyye atteetii?

Mazamure Maxaafaa 37:35

Taani issi wode issi daganttiya iita bitaniyaa, woladan daayidaagaa be7aas.

Mazamure Maxaafaa 45:5

Ne zubbeti qara; eti ne morkketu wozana aifiyaa caddona. Kawotettati ne gediyan kunddona.

Maatiyoosa 12:40

Yoonaasi gita moliyaa uluwan heezzu gallassaanne heezzu qammaa de7idoogaadan, taani, Asa Na7aikka, biitta giddon heezzu gallassaanne heezzu qammaa de7ana.

Koiro Tasalonqqe 5:3

Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.

Daannatu Maxaafaa 4:21

Sisaari keehi daafurido gishshau, xiskkuwaa kairiis. Kairin Hebeera machchiyaa Yaa7eela madooshaanne dunkkaaniyaa xishiyaa ekkada, loddaara akko shiiqaasu; shiiqada xishiyaa haitta kariyan essada, madooshan xishada, biittaara sikkin, Sisaari haiqqiis.

Daannatu Maxaafaa 5:26

Issi kushiyaa yeddada dunkkaaniyaa xishiyaa, ushachcha kushiyan oosanchchatu madooshaa oiqqaasu. Oiqqada Sisaara huuphiyan xishaasu; xishada haitta kariyaara kantta kessaasu.

Daannatu Maxaafaa 5:31

“Abeet GODAU, ne morkketi ubbai hegaadan haiqqona! SHin ne siiqoti maallado mokkiya awaadan phoolona” yaagidosona. Hegaappe guyyiyan, biittai oitamu laittaa woppaa demmiis.