Sameela Maxaafaa Naa77anttuwaa 14:7 - Wolaytta Bible

⁷ Ha77i ta dabboti ubbai ta bolli denddidi, 'Ba ishaa i worido gishshau, nuuni a woranaadan ba ishaa woridaagaa nuuyyo hamma; yaatidi nuuni laattiyaabaa xaissana' yaagidosona. Yaatikko, eti taayyo laatau attida issi xiifaa toissoosona; ta keettaawaa sunttaakka a zerettaa biittaappe xaissoosona” yaagaasu.

Sameela Maxaafaa Naa77anttuwaa 14:7 ပူးပေါင်းရင်းမြစ်များ

Doomettaabaa 27:45

Ne ishai neeyyo hanqqettiyoogaa aggiyo wodenne, neeni a bolli oottidobaa i baliyo wode, taani kiittada nena yaappe ehiissana. Taani issi gallassi intte naa77aappe mela kiyana koyikke” yaagaasu.

Doomettaabaa 4:14

Hekko neeni tana hachchi ha biittaappe yedettaasa; taani ne sinttappe qosettana; betedan taani sa7aa bollan toilattana; tana demmai ooninne worana” yaagiis.

Sameela Maxaafaa Naa77anttuwaa 12:17

A so cimati a biittaappe denttanau a matan eqqidosona; shin biittaappe denddennan ixxiis; i etaara qumaa mibeenna.

Sameela Maxaafaa Naa77anttuwaa 14:6

Taayyo ne ashkkareeyyo naa77u attuma naati de7oosona. Eti issoi issuwaara dembban warettidosona; eta shaakkanau issi asinne xayin, issoi hinkkuwaa shocidi woriis.

Sameela Maxaafaa Naa77anttuwaa 14:8

Kawoi he mishiriyo, “Ne soo ba; taani neeyyo azazana” yaagiis.

Qoodaabaa 35:19

Suuttaa achchiyaagee he shemppuwaa woridaagaa demmikko woro.

Maatiyoosa 21:38

“SHin kottaawati na7aa be7idi, bantta giddon, ‘Gadiyaa laattanaagee hagaa; hinddite a woridi, gadiyaa nuuni laattoos’ yaagidosona.

Zaarettido Wogaa 25:6

Yaatobare ha haiqqidaagaa sunttai Israa7eelappe qucetti xayennaadan, a koiro yeliyo attuma na7ai ha haiqqidaagaa sunttan xeegetto.