Sameela Maxaafaa Naa77anttuwaa 11:2 - Wolaytta Bible

² Issi gallassa omarssi Daawiti ba hiixaappe denddidi, kawo keettaa bollan dembbayidi oottidosan hemettiis; hemettiiddi bollaa meecettiya issi mishiriyo be7iis; he mishiriyaa daro puulanchcha.

Sameela Maxaafaa Naa77anttuwaa 11:2 ပူးပေါင်းရင်းမြစ်များ

Doomettaabaa 12:11

Gibxxe gelana hanishin, Abraami ba keettaayyiyo Saarayo hagaadan yaagiis; “Siya; neeni keehippe meraa lo77o maccaasa gidiyoogaa taani erais.

Doomettaabaa 3:6

Maccaasiyaa he mittaa teerai maanau mal77iyaagaa, xeellanau lo77iyaagaa, qassi asi aadhdhida eratettaa demmanau amoyiyaagaa gidiyoogaa be7aasu; be7ada he mittaa teeraappe ekkada maasu; qassi banaara de7iya ba azinaayyookka hegaappe immin, ikka miis.

Doomettaabaa 34:2

He biittaa haariya Hiiwiyaa Hamoora na7aa SHekeemi o be7idi, o dafi efiidi mooriis.

Doomettaabaa 39:6

Hegaa gishshau baayyo de7iya ubbabaa Yooseefau sheedhdhiis; i ba miyo qumaappe attin, ainne qoppenna. Yooseefi yallisanne puulanchcha asa.

Doomettaabaa 6:2

“Xoossaa naata” geetettiya meretati ha asaa macca naati puulanchcha gidiyoogaa be7idosona; be7idi etappe bantta dooridoogeeta machchidosona.

Sameela Maxaafaa Naa77anttuwaa 13:1

Issi wode hagaadan haniis. Daawita na7aa Abeseloomayyo Taamaaro giyo issi puulanchcha michchiyaa de7ausu; Daawita na7ai Aminooni Taamaaro siiqiis.

Sameela Maxaafaa Naa77anttuwaa 14:27

Abeseloomayyo heezzu attuma naatinne issi macca na7iyaa yelettidosona; macca na7ee sunttai Taamaaro; he na7iyaa puulanchcha maccaasa gidaasu.

Sameela Maxaafaa Naa77anttuwaa 4:5

Ba7erootiyaa Rimmoona naati Rekaabinne Ba7aani Yaabustte so baanau kiyidosona; eti biidi seeta gallassi gakkidosona; gakkiyo wode, i awaappe shemppees.

Sameela Maxaafaa Naa77anttuwaa 4:7

Eti soo geliyo wode, Yaabusttee qol77on arssan zin77idaagaa demmidi, a uluwaa caddidi woridosona; woridi a qooriyaappe muucidosona; muucido huuphiyaa ekkidi, Aaraba garaara efiya ogiyaa oiqqidi, qammaa ubbaa hemettidosona.

Iyyooba Maxaafaa 31:1

“Maccaasa xeellada amottennaadan, taani ta aifiyaara maachchaa maacettaas.

Mazamure Maxaafaa 119:37

Pattennabaa xeellenna mala, ta aifeta teqqa; ne ogiyan ta de7uwaa ooraxissa.

Leemiso Maxaafaa 19:15

Coo zolppattiya uraayyo xiskkoi yees; ooso oottenna asi namisettees.

Leemiso Maxaafaa 31:30

Mera lo77otetti allaalle kessenna; puulikka xayana; shin GODAASSI yayyiya maccaasiyaa, a galatettanau bessausu.

Leemiso Maxaafaa 6:25

I puulaa ne wozanan qaaqqatoppa; i qim77otankka omoodettoppa.

Leemiso Maxaafaa 7:8

He wodallai ogiyaara biidi, issi shaaramuxa maccaasee keettaa mataara kanttiis; i soo efiya ogiyaakko pinnidi, i keettaa heeran hemettees.

Ermmaasa 19:13

Yerusalaame asaa keettatinne Yihudaa kawotu keettati, keettaa bollan dembbayidi oottidosan saluwaa xoolinttetussi ixaanaa cuwayidonne hara xoossatussi ushshaa yarshshuwaa gussido keettati ubbai Toofeeta giyo sohuwaadan tunidaageeta gidana” yaagees' yaaga” yaagees.

Maatiyoosa 10:27

Taani intteyyo xuman odiyoobaa poo7uwan haasayite; intteyyo haittan saasukkidi odidobaa, keettaa huuphiyan awaajjite.

Maatiyoosa 24:17

Keettaa huuphiyan de7iya uraikka ba son de7iyaabaa ekkanau wodhdhoppo.

Maatiyoosa 5:28

SHin taani intteyyo odais; maccaaro xeellidi amottiya ubbai, ba wozana giddon he wode iira shaaramuxiis.

Yesuusi Kiittidoogeetu Oosuwaa 10:9

Wonttetta gallassi eti biidi, Yoophphe katamaakko matishin, PHeexiroosi usuppun saate heeran keettaa bollan dembbayidi oottidosaa Xoossaa woossanau kiyiis.

Zaarettido Wogaa 22:8

“Ooratta keettaa keexxiyo wode, xoqqa kaaraappe asi kunddi haiqqin ne oishettennaadan, zemppidi attiyoogaa giigissa.

Zaarettido Wogaa 5:21

“'Ne shooruwaa machchiyo amottoppa; a keettaa, a shooqaa, a attuma ashkkaraa, woikko a macca ashkkariyo, woikko a booraa, woikko a hariyaa, woikko ayyo de7iyaabaa aibanne amottoppa' yaagiis.

Koiro PHeexiroosa 4:7

Ubbabaukka wurssettai matattiis. Hegaa gishshau, Xoossaa woossanau wozanaa qofai de7iyoogeetudan, inttena naagitenne minnite.

Koiro Yohaannisa 2:16

Aissi giikko, ha sa7an de7iya ubbabai, hegeekka: asatettaa amoi, aifen xeellidi qaaqqatiyoogeenne miishshan ceeqettiyoogee ha sa7aappe yiidoogaappe attin, Xoossaappe yibeenna.

Sameela Maxaafaa Koiruwaa 9:25

Eti goinniyo xoqqa sohuwaappe duge katamaa wodhdhin, Sameeli Saa7oolayyo keettaa bollan dembbayidi oottidosan hiixaa hiixxin zin77iis.