Kawotu Maxaafaa Naa77anttuwaa 4:39 - Wolaytta Bible

³⁹ Etappe issoi santta milatiya bonccota maxidi ehaanau gade biis. Biidi mokkida gosiyaa turaa demmiis; demmidi tookkanau danddayiyoogaa keena daro gosiyaa ekkidi yiis. I aibakko erennan anccidi, keriyan yeggiis.

Kawotu Maxaafaa Naa77anttuwaa 4:39 ပူးပေါင်းရင်းမြစ်များ

Doomettaabaa 25:29

Issitoo Yaaqoobi woxiyaa kattishin, Eesawi namisai woridoogee, bazzoppe yiis.

Kawotu Maxaafaa Koiruwaa 6:18

Beeta Maqidasiyaayyo so baggai massido gosiyaanne ciyyida ciishshaa misiliyaa medhdhido zigaa xaulan licetti kamettiis; ubbabaikka ziga; aiba shuchchinne beettenna.

Kawotu Maxaafaa Naa77anttuwaa 4:38

Elssaa7i Gelggala simmidi yiido wode, biittai namisetti uttiis. Hananabaa yootiyaageetu citai a sinttan uttidaashin, i ba ashkkaraa, “Wogga keriyaa taman wottada, ha asatuyyo woxiyaa katta” yaagiis.

Kawotu Maxaafaa Naa77anttuwaa 4:40

Asati maana mala, woxiyaa tigidosona. Eti woxiyaa tushkki a mi be7ido wode, “Xoossaa asoo, ha keriyan woriyaabai de7ees!” yaagidi waassidosona. Asati maanau danddayibookkona.

Leemiso Maxaafaa 19:2

Eri bainna minotai lo77o gidenna; hemettiiddi eesotiya uraikka wora bees.

Isiyaasa 5:4

Taani ta woiniyaa turaa sohuwaassi oottidoogaappe haraa ai oottanaagee attidee? Lo77o aifiyaa aifees yaagada naagishin, aissi caaliya aifiyaa aifidee?

Ermmaasa 2:21

Taani nena muruta zerettaappe ekkada, lo77o woine turadan tokkaas. Yaatin, waana guyye simmada, woran mokkida, moorettida woine tura gidadii?” yaagees.

Maatiyoosa 15:13

SHin Yesuusi zaaridi, “Saluwan de7iya ta Aawai tokkibeenna mitta ubbai shodettana.

Ibraawe 12:15

Xoossaa aaro kehatettaa ooninne ekkennan attenna mala naagettite; qassi mokkidi, ba marzziyan asa waissiya camo mittadan hanidi, ooninne daro asaa tunissenna mala naagettite.