Hanidabaa Odiya Naa77antto Maxaafaa 9:1 - Wolaytta Bible

¹ Saaba kawiyaa Solomona woriyaa siyada, deexo oishata ekkada, a paaccanau denddaasu. Denddada sawuwaa, keehi daro worqqaanne al77o shuchchaa caanettida daro gaameelatu cugiyaara keehi daro ajaban Yerusalaame gakkada, Solomona sintti aadhdhaasu. Aadhdhada ba wozanan de7iyaabaa ubbaa Solomonayyo yootaasu.

Hanidabaa Odiya Naa77antto Maxaafaa 9:1 ပူးပေါင်းရင်းမြစ်များ

Doomettaabaa 10:28

Oobaala, Abimaa7eela, Saaba,

Doomettaabaa 10:7

Kuusha attuma naati: Saaba, Hawiila, Saabita, Raa7imanne Sabttaka. Raa7ima attuma naati: Saabanne Dadaana.

Doomettaabaa 25:3

Yoqishaani Saabanne Dadaana yeliis. Dadaani Ashooreta, Lexuushetanne Le7aamata yeliis.

Kawotu Maxaafaa Koiruwaa 4:31

I asa ubbaappe aadhdhida eranchcha; qassi i Ezirahiyaa Etaanappekka, Maahola naatu Hemaanappe, Kalkkoolappenne Darddaa7appekka aadhdhida eranchchaa. A woree yuushuwan de7iya kawotettata ubbaa gakkiis.

Hanidabaa Odiya Naa77antto Maxaafaa 1:1

Daawita na7ai Kawoi Solomoni ba kawotettaa minttiis. GODAI a Xoossai aara gididi, a keehippe gitayiis.

Hanidabaa Odiya Naa77antto Maxaafaa 1:12

taani neeyyo aadhdhida eratettaanne akeekaa immana. Qassi neeppe kase de7ida kawotuyyo woikko neeppe guyyiyan yaana kawotuyyookka bainna duretaa, aquwaanne bonchchuwaa taani neeyyo immana” yaagiis.

Hanidabaa Odiya Naa77antto Maxaafaa 9:2

Solomoni a oichchidobaa ubbaa odiis; i iyyo birshshennan appe geemmi attidabi aibinne baawa.

Hanidabaa Odiya Naa77antto Maxaafaa 9:9

Yaagada kawiyaa 4,000 kilo giraame deexxiya worqqaa, keehi daro sawuwaanne al77o shuchchaa kawuwaayyo immaasu; Saaba kawiyaa Kawuwaa Solomonayyo immido sawuwaa milatiya sawoi mulekka baawa.

Mazamure Maxaafaa 142:2

Ta qohuwaa ubbaa ayyo magannais; ta metuwaa ubbaa ayyo yootais.

Mazamure Maxaafaa 49:4

Ta haittaa leemisuwaakko yeggana; diittaa diixxaidda, taani a birshshettaa qonccissana.

Mazamure Maxaafaa 72:10

Tarsseesanne haruurotu kawoti ayyo giiraa giirona. Arabanne Saaba kawoti ayyo imuwaa ehoona.

Mazamure Maxaafaa 72:15

Kawoi shemppo gam77o; Araba biittaa worqqai ayyo imetto. Paccennan ayyo woosai woosetto; gallassa ubban i anjjetto.

Mazamure Maxaafaa 78:2

Taani etayyo haasayiyo wode, leemisuwan haasayais; beniisappe geemmida yohota, nuuni siyidonne erido yohota, qassi nu aawati nuuyyo yootido yohota haasayana.

Leemiso Maxaafaa 1:6

Hegaadan leemisotanne eta birshshettaa, aadhdhida eranchchatu haasayaanne eta qan77isheta akeekanau danddayettees.

Isiyaasa 60:6

Midiyaama biittaappenne Eefa biittaappe yiida yelaga gaameelatu wudee ne biittaa kammana. Qassi worqqaanne ixaanaa caanettida gaameelati GODAA galataa awaajjiiddi, Saabappe yaana.

Maatiyoosa 12:34

SHooshshatoo, intte iita gidiiddi, waatidi lo77obaa haasayanau danddayeetii? Aissi giikko, doonai wozana giddon kumidabaa haasayees.

Maatiyoosa 12:42

Tohossa bagga biittaa kawiyaa Solomona aadhdhida eratettaa siyanau sa7aa gaxaappe yiido gishshau, pirddaa gallassi denddada, inttena mootana; be7ite, Solomonappekka aadhdhiyaagee hagan de7ees.

Maatiyoosa 13:11

Yesuusi zaaridi, etassi hagaadan yaagiis; “Inttessi saluwaa kawotettaa xuuraa erai imettiis; shin etassi imettibeenna.

Maatiyoosa 2:11

Soo gelidi, na7ai ba aayee Mairaamiira de7iyaagaa be7idosona; gulbbatidi ayyo goinnidosona; hegaappe guyyiyan, bantta saaxiniyaa dooyidi, worqqaa, ixaanaanne karbbiyaa ayyo immidosona.

Luqaasa 11:31

Tohossa bagga biittaa kawiyaa Solomona aadhdhida eratettaa siyanau sa7aa gaxaappe yiido gishshau, pirddaa gallassi denddada, ha wodiyaa asaa mootana; be7ite; Solomonappekka aadhdhiyaagee hagan de7ees.

Sameela Maxaafaa Koiruwaa 1:15

Yaagin Haanna hagaadan yaagada ayyo zaaraasu; “CHii, ta godau, taani keehi metootanchcha maccaasa; taani ta shemppuwaappe GODAA woossaisippe attin, woine eessaa woikko mattoyiya ushshaa uyabeikke.