Hanidabaa Odiya Naa77antto Maxaafaa 8:8 - Wolaytta Bible

⁸ eti Israa7eela asati biittaappe wurssi xaissennan aggin, he biittan attida asatu zerettata. Solomoni eta gabbaaratettaa ootissiis; eti hachchi gakkanaashinkka gabbaaratettan oottoosona.

Hanidabaa Odiya Naa77antto Maxaafaa 8:8 ပူးပေါင်းရင်းမြစ်များ

Kawotu Maxaafaa Koiruwaa 4:6

Ahishaari kawo keettaa halaqaa; Abdda na7ai Adooniraami gabbaaratu halaqaa.

Kawotu Maxaafaa Koiruwaa 9:10

Solomoni ha naa77u keettata, Beeta Maqidasiyaanne kawo keettaa keexxido laatamantta laittaa wurssettan,

Kawotu Maxaafaa Koiruwaa 9:21

eti Israa7eela asati biittaappe wurssi xaissanau danddayennan aggin, he biittan attida asatu zerettata. Solomoni eta gabbaaratettaa ootissiis; eti hachchi gakkanaashinkka gabbaaratettan oottoosona.

Hanidabaa Odiya Naa77antto Maxaafaa 2:16

Neeni Liibaanoosappe koyido mittaa keenaa nuuni qanxxana; qanxxidi qashissidi, abbaa bollaara toohettidi, neekko Yoophphe baanaadan oottana. Yaatobare neeni yaappe Yerusalaame gakkanau efiissana” yaagiis.

Hanidabaa Odiya Naa77antto Maxaafaa 8:9

SHin Solomoni ba oosuwaayyo Israa7eela asaappe oonanne ailleyibeenna; eti ayyo olanchchata, ola gadaawata, para gaareta laaggiyaageetu halaqatanne paraasata gididi oottidosona.

Mazamure Maxaafaa 106:34

GODAI xaissite gin, eti Kanaane asata xaissibookkona.

Yaasu Maxaafaa 16:10

SHin Efireema zareti Gezeera kataman de7iya Kanaane asata kessibookkona. Yaatin, Kanaane asati hachchi gakkanaassi Efireema zaretu giddon de7oosona. SHin Efireema zareti eta ailleyidi ootissoosona.

Yaasu Maxaafaa 17:13

Israa7eela asai minnido wode, Kanaane asata wolqqan haggaazissidoogaappe attin, eta biittaappe muleera kessibookkona.