Hanidabaa Odiya Naa77antto Maxaafaa 6:16 - Wolaytta Bible

¹⁶ “Ha77ikka abeet GODAU, Israa7eela Xoossau, neeni ne ashkkaraassi, ta aawaa Daawitassi, 'Neeni ta sinttan hemettidoogaadan ne naatikka ta higgiyan hemettanau bantta ogiyaa naagikko, Israa7eela kawotaa araatan uttiya asa neeni mulekka xayakka' yaagido qaalaa pola.

Hanidabaa Odiya Naa77antto Maxaafaa 6:16 ပူးပေါင်းရင်းမြစ်များ

Kawotu Maxaafaa Koiruwaa 2:4

Qassi GODAI tana, 'Ne zerettati bantta de7uwan naagettidi de7ikko, eti ta sinttan bantta kumetta wozanaappenne bantta kumetta shemppuwaappe ammanettidi hemettikko, Israa7eela kawotaa araatan uttiya asi neeyyo mulekka xayenna' yaagido ufaissaa qaalaa taayyo polana.

Kawotu Maxaafaa Koiruwaa 6:12

“Ha neeni keexxiyo Beeta Maqidasiyaa gidikko, neeni ta awaajuwaa kaallikko, ta wogaa oottikko, ta azazota ubbaa naagikkonne azazettikko, yaatikko, taani ne aawaa Daawitassi immido ufaissaa ne baggaara polana.

Hanidabaa Odiya Naa77antto Maxaafaa 13:5

GODAI Israa7eela Xoossai Daawitinne a zerettai Israa7eela bolli merinau kawotanaadan, Daawitaara i laamettenna maachchaa maacettidoogaa intte erekketiiyye?

Hanidabaa Odiya Naa77antto Maxaafaa 21:7

Gidikkonne, GODAI kase Daawitaara maacettido maachchaa gishshau, Daawita zerettaa xaissanau koyibeenna. Daawita zerettai merinau kawotanau GODAI ufaissaa immi wottiis.

Hanidabaa Odiya Naa77antto Maxaafaa 23:3

Hegaappe guyyiyan, he shiiqida asai ubbai Xoossaa Beeta Maqidasiyan kawuwaara maachchaa maacidosona. Yoodaahee he asaa, “Kawuwaa na7aa hagaa be7ite! GODAI kase Daawita zerettaabaa haasayidoogaadan i kawoto.

Hanidabaa Odiya Naa77antto Maxaafaa 6:17

Abeet GODAU, Israa7eela Xoossau, neeni ne ashkkaraa Daawitayyo haasayido ne qaalai ha77ikka poletto.

Hanidabaa Odiya Naa77antto Maxaafaa 7:17

“Nena gidikko, neeni ne aawai Daawiti hemettidoogaadan ta sinttan hemettikko, taani azazidobaa ubbaa oottikkonne ta wogaanne ta higgiyaa naagikko,

Hanidabaa Odiya Naa77antto Maxaafaa 7:18

taani ne aawaa Daawitaara, 'Israa7eela haariya asa neeni mulekka xayakka' yaagada maacettidoogaadan, ne kawotaa araataa mintta essana.

Mazamure Maxaafaa 119:1

Bantta ogiyan boree bainnaageetinne GODAA higgiyaadan hemettiyaageeti anjjettidaageeta.

Mazamure Maxaafaa 119:9

Yelagai ba ogiyaa geeshsha oottidi waati naaganau danddayii? Ne qaalai giyoogaadan de7ikko danddayees.

Mazamure Maxaafaa 132:11

GODAI Daawitassi mulekka kaddenna caaquwaa hagaadan yaagidi caaqqiis; “Ne gulbbataappe yelettida ne naatuppe issuwaa taani kawoyana.

Mazamure Maxaafaa 132:12

Ne naati ta maachchaanne taani tamaarissiyo timirttiyaa naagikko, eta naatikka ne kawotaa araatan merinau uttana” yaagiis.

Mazamure Maxaafaa 26:3

Aissi giikko, aggenna ne siiqoi ta sinttan de7ees; taani ne tumatettaa ogiyan hemettais.

Hizqqeela 36:37

“'Ubbaa Haariya GODAI hagaadan yaagees; “Israa7eela asai qassikka issiton tana maaduwaa oichchanaadan oottana; yaatada eta qoodaa dorssaa wudiyaadan corissana.