Hanidabaa Odiya Naa77antto Maxaafaa 6:14 - Wolaytta Bible

¹⁴ Gulbbatidi hagaadan yaagidi woossiis; “Abeet GODAU, Israa7eela Xoossau, saluwan woikko sa7an ne mala xoossi baawa. Neeni ne maachchaa naagaasa; bantta kumetta wozanaappe ne sinttan hemettida ne ashkkarata aggenna siiquwan siiqaasa.

Hanidabaa Odiya Naa77antto Maxaafaa 6:14 ပူးပေါင်းရင်းမြစ်များ

Doomettaabaa 17:1

Abraama laittai uddufun tammanne uddufunaa gidiyo wode, GODAI ayyo qonccidi a, “Taani Ubbaa Danddayiya Xoossaa; neeni ta sinttan hemetta; suure gida.

Doomettaabaa 33:20

Yan yarshshiyoosaa keexxidi a, “Xoossaa, Israa7eela Xoossaa” giidi sunttiis.

Doomettaabaa 35:10

Xoossai a, “Ne sunttai Yaaqooba; shin hagaappe sinttanau neeni mulekka Yaaqooba geetettakka; ne sunttai Israa7eela gidana” yaagidi i a Israa7eela sunttiis.

Doomettaabaa 5:24

i Xoossaara hemettiiddi xayi bayiis; aissi giikko, Xoossai a ekki efiis.

Sameela Maxaafaa Naa77anttuwaa 7:22

“Abeet Ubbaa Haariya GODAU, neeni ai keena giteeshsha! Ne mali issoinne baawa; nuuni nu haittan siyidoogaadankka, neeppe attin hara xoossi baawa.

Kawotu Maxaafaa Koiruwaa 18:36

Omarssa yarshshuwaa shiishshiyo wodee gakkin, hananabaa yootiya Eelaasi yarshshiyoosaa shiiqidi hagaadan yaagidi woossiis; “Abeet GODAU, Abrahaama Xoossau, Yisaaqa Xoossau, Israa7eela Xoossau, neeni Israa7eela biittan Xoossa gidiyoogeenne, taanikka ne ashkkara gidiyoogeenne, qassi taani hagaa ubbaa ne qaalan oottiyoogee hachchi eretto.

Kawotu Maxaafaa Koiruwaa 3:6

Yaagin Solomoni, “Ne ashkkarai ta aawai Daawiti neeyyo ammanettiya xillonne suure asa gidiyo gishshau, neeni aggenna siiquwan a siiqadasa. Neeni ha gita siiquwaa aggennan siiqaidda, hachchi ha gallassi a kawotaa araatan uttiya attuma na7aa ayyo immadasa.

Kawotu Maxaafaa Koiruwaa 6:12

“Ha neeni keexxiyo Beeta Maqidasiyaa gidikko, neeni ta awaajuwaa kaallikko, ta wogaa oottikko, ta azazota ubbaa naagikkonne azazettikko, yaatikko, taani ne aawaa Daawitassi immido ufaissaa ne baggaara polana.

Kawotu Maxaafaa Koiruwaa 8:23

Miccidi hagaadan yaagidi woossiis; “Abeet GODAU, Israa7eela Xoossau, bolla saluwan woikko garssa sa7an ne mala xoossi baawa. Neeni ne maachchaa naagaasa; ba kumetta wozanaappe ne sinttan hemettida ne ashkkarata aggenna siiquwan siiqaasa.

Hanidabaa Odiya Koiro Maxaafaa 29:10

Hegaa gishshau, Daawiti yaa7aa ubbaa sinttan hagaadan yaagidi, GODAA galatiis; “Abeet GODAU, nu aawaa Israa7eela Xoossau, neeni merinaappe merinau galatetta.

Hanidabaa Odiya Koiro Maxaafaa 29:20

Hegaappe guyyiyan, Daawiti yaa7au ubbau, “GODAA intte Xoossaa galatite” yaagiis. Yaagin yaa7ai ubbai GODAA bantta aawatu Xoossaa galatidosona. Galatidi GODAAYYO gufannidi goinnidosonanne kawuwaayyookka lichchi giidi gufannidosona.

Hanidabaa Odiya Naa77antto Maxaafaa 20:6

Eqqidi hagaadan yaagiis, “Abeet GODAU, nu aawatu Xoossau, saluwan de7iya Xoossai nena! Sa7an de7iya kawotettata ubbaa haariyaagee nena! Gitatettainne wolqqai ne kushiyan de7iyo gishshau, nenaara eqettanau danddayidabi baawa.

Hanidabaa Odiya Naa77antto Maxaafaa 6:17

Abeet GODAU, Israa7eela Xoossau, neeni ne ashkkaraa Daawitayyo haasayido ne qaalai ha77ikka poletto.

Nahimiyaa Maxaafaa 1:5

“Abeet GODAU, saluwaa Xoossau, gitaunne bonchchettidaagoo, nena dosiyaageetussinne ne azazuwaa naagiyaageetussi ne aggenna siiquwaa maachchaa naagiya Xoossau,

Mazamure Maxaafaa 86:8

Abeet Godau, xoossatu giddon ne mali baawa; ne oosuwaa mala oosoikka baawa.

Mazamure Maxaafaa 89:28

Taani aggenna ta siiquwaa ayyo merinau naagana. Taani aara maacettido maachchaa minttana.

Mazamure Maxaafaa 89:6

Saluwan GODAARA likkettanau danddayiyai oonee? Saluwaa meretettatu giddon qassi GODAA mali oonee?

Mazamure Maxaafaa 89:8

Abeet Ubbaappe Wolqqaama GODAU Xoossau, nenadan wolqqaami oonee? Abeet GODAU, neeni ubbabankka ammanettiyaagaa.

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Kessaabaa 3:15

Xoossai Muusa qassi, “Neeni Israa7eelata, 'GODAI intte aawatu Xoossai, Abrahaama Xoossai, Yisaaqa Xoossai, Yaaqooba Xoossai, i tana inttekko kiittiis' yaaga; hagee yeletaappe yeletaa gakkanau taani hassayettanau merinau ta suntta.

Kessaabaa 8:6

Yaagin Aarooni Gibxxe haattatu bolli ba kushiyaa micciis; miccin shodhdheti kiyidi, Gibxxe biittaa maayidosona.

Ermmaasa 10:16

SHin Yaaqooba Saamaa gidiyaagee hegeeta mala gidenna. Aissi giikko, i ubbabaa medhdhidaagaa; Israa7eeli i baassi doorido zare. A sunttaikka Ubbaappe Wolqqaama GODAA.

Ermmaasa 10:6

Abeet GODAU, ne mali ooninne baawa. Neeni gita; ne sunttaikka gitanne wolqqaama.

Daaneela 9:4

Taani nagaraa paaxaidda, GODAA ta Xoossaa hagaadan yaagada woossaas; “Abeet Godau, wolqqaamanne yashshiya Xoossau, nena siiqiyaageetuyyoonne ne azazuwaayyo eeniyaageetuyyo ne aggenna siiquwaanne maachchaa naagiyaagoo,

Luqaasa 1:50

I baassi yayyiya ubbaassi yeletaappe yeletaa gakkanaashin, maarotettaa immees.

Luqaasa 1:6

Eti naa77aikka Xoossaassi xillo gididi, Godaa higgiyaanne azazuwaa ubbaa moorennan, naagidi polidosona.

Luqaasa 1:72

Hagaadan nu aawatussi maarotettaa immiis. Nu aawaa Abrahaamassi caaqqido caaquwaa geeshsha maachchaa qoppiis.

Zaarettido Wogaa 3:24

'Ubbaa Haariya GODAU, ne gitatettaanne ne mino kushiyaa tana, ne ashkkaraa bessanau doommadasa; aissi giikko, neegaadan hagaa mala oosotanne wolqqaamabata oottanau danddayiyai salon gidin sa7an ai xoossi de7ii?

Zaarettido Wogaa 4:39

“Simmi yaakko, bolla saluwan gidin, garssa sa7an gidin, GODAI Xoossaa gidiyoogaa erite; intte wozanankka wottite; hara xoossi baawa.

Zaarettido Wogaa 7:9

Hegaa gishshau, GODAI intte Xoossai Xoossaa gidiyoogaa erite. I bana siiqiyaageetuyyoonne ba azazuwaa naagiyaageetuyyo sha7u yeletaa gakkanaashin, ba aggenna siiquwaa maachchaa naagiya, ammanettiya Xoossaa.

Koiro Tasalonqqe 2:12

Nuuni inttena zorida; minttettida. Qassi a kawotettaanne a bonchchuwaa shaakkanau inttena xeesiya Xoossaa ufaissiya de7uwaa intte de7ana mala, intteyyo minttidi yootida.