Hanidabaa Odiya Naa77antto Maxaafaa 6:12 - Wolaytta Bible

^12-13 Solomoni zananai ichchashu wara, gomppai ichchashu waranne qassi geesai heezzu wara gidido madirakiyaa nahaasiyaa birataappe giigissidi, dabaabaa giddon essi wottiis. Hegaappe guyyiyan, Solomoni GODAAYYO yarshshiyoosaa sinttan, Israa7eela yaa7ai kumettai de7iyoosan eqqidi, ba kushiyaa saluwaa zaaridi micciis; miccidi Israa7eela yaa7aa kumettaa sinttan gulbbatiis.

Hanidabaa Odiya Naa77antto Maxaafaa 6:12 ပူးပေါင်းရင်းမြစ်များ

Kawotu Maxaafaa Naa77anttuwaa 11:14

Baada kawoi kase kawoti haniyoogaadan tuussaa matan eqqidaagaa be7aasu. Halaqatinne xurumbbaa punniyaageeti kawuwaa matan de7oosona; he biittaa asai ubbai ufaittidi, xurumbbaa punnees. Punnin Ataala ba maayuwaa pooshshada, “Hagee makkala! Hagee makkala!” yaagada waassaasu.

Kawotu Maxaafaa Naa77anttuwaa 23:3

Hegaappe guyyiyan, kawoi tuussaa matan eqqidi, eti GODAA ogiyan hemettanaunne, a higgiyaa, a wogaanne a azazuwaa ba kumetta wozanaaninne ba kumetta shemppuwan naaganau, qassi ha maxaafan xaafettida maachchaadan oottanau GODAA sinttan geppiis. Yaatin asai ubbaikka maachchaa naaganau geppiis.

Hanidabaa Odiya Naa77antto Maxaafaa 6:11

GODAI Israa7eela asaara maacettido maachchai xaafettido masettida shuchchati de7iyo Taabootaakka a giddon wottaas” yaagiis.

Iyyooba Maxaafaa 11:13

“Iyyoobaa, neeni ne wozanaa suure oottikko, ne kushiyaakka akko miccada woossikko,

Mazamure Maxaafaa 141:2

Ta woosai ixaanaa cuwaadan ne sintti shiiqo; taani ta kushiyaa micciyoogee neeyyo omarssa yarshsho mala gido.

Mazamure Maxaafaa 143:6

Taani ta kushiyaa neekko miccaas; mela biittai haattaa koyiyoogaadan, taani nena saamettais.

Mazamure Maxaafaa 28:2

“Maaddo” gaada taani nena xeesiyo wodenne ne geeshsha Beeta Maqidasiyaakko zaarada ta kushiyaa micciyo wode, neeni ta watiwatuwaa siya.

Mazamure Maxaafaa 63:4

Ta de7uwaa laittan taani nena galatana; ta kushiyaa miccada, taani nena woossana.

Mazamure Maxaafaa 68:31

Kiitettida halaqati Gibxxeppe yaana; Toophphiyaa bari kushiyaa eesuwan Xoossaakko miccana.

Kessaabaa 9:33

Hegaappe guyyiyan Muusee kawuwaa achchappe denddidi, katamaappe gaxaa kiyiis. Kiyidi ba kushiyaa GODAAKKO micciis; yaatin dadainne shachchai caggiis; iraikka biittaa bollan duge tigettiyoogee eqqiis.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Koiro Ximootiyoosa 2:8

Hegaa gishshau, ubbasan de7iya attumaasai hanqqoinne palami bainnan, ba geeshsha kushiyaa pude denttidi, Xoossaa woossanaadan, taani koyais.