Hanidabaa Odiya Naa77antto Maxaafaa 36:21 - Wolaytta Bible

²¹ Hegan GODAI hananabaa yootiya Ermmaasa baggaara odido qaalai polettiis. Wurssettan biittai laappun tammu laitta kumettaa asi bainna soho gididi shemppiis; hegeenne, laappuntta laappuntta laittaa Sambbata oottidi, biittaa shemppissiyoogaa asai aggido gishshaassa.

Hanidabaa Odiya Naa77antto Maxaafaa 36:21 ပူးပေါင်းရင်းမြစ်များ

Ermmaasa 1:1

Biniyaama biittan Anatoota kataman de7iya qeesetuppe issuwaa gidiya Hilqqiyaa na7aa Ermmaasa qaalai hagaa.

Ermmaasa 25:9

taani huuphessa bagga asaa ubbaanne ta ashkkaraa, Baabiloone Kawuwaa Naabukadanaxoora xeegana. Xeegada eta ha biittaa bolli, ha biittan de7iya asaa bollinne hagaa heeran de7iya kawotettatu ubbaa bolli ehaana. Taani ha biittata muleera xaissana; qassi be7idai dagammiyoobaa, “Poora!” giyoobaanne merinau baisa oottana. Taani GODAI hagaa odaas.

Ermmaasa 29:10

“GODAI hagaadan yaagees; 'Baabiloone laittai laappun tammai polettiyo wode, taani intte gishshau yaana; yaada, “Taani inttena intte biitti zaarada ehaana” giido lo77o qaalaa polana.

Daaneela 9:2

I kawotido koiro laitti, taani Daaneeli, Geeshsha Maxaafata nabbabaas; nabbabaidda hananabaa yootiya Ermmaasassi GODAI yootidoogaadan Yerusalaamee laappun tammu laittaa kolettidi gam77anau de7iyoogaa akeekaas.

Wogaabaa 26:43

Eti xayiichchin, eta biittai baisa attana; he eti xayin baisa gididi coo de7iyo wodiyan biittai ba Sambbatata bonchchiiddi ufaittana. Eti ta azazuwaa karido gishshaunne eta shemppoikka ta wogaa shenetido gishshau, eti bantta nagaraa qixaatiyaa ekkana.

Zakkaariyaasa 1:12

“Hegaappe guyyiyan, GODAA kiitanchchai hagaadan yaagiis; 'Abeet Ubbaappe Wolqqaama GODAU, neeni hanqqettoosappe laappun tammu laittaa gidido ha Yerusalaamenne Yihudaa katamata maarennan aude gakkanaashin gam77uutee?' yaagiis.

Zakkaariyaasa 7:14

Taani gotiyaa ehaada, eta eti eribeenna kawotettatu giddon laalaas; laalin biittai asi yaanne haanne simerettenna ona biitta gidiis; hegaadan hanidi, ha lo77o biittai baisa gidiis” yaagees.