Hanidabaa Odiya Naa77antto Maxaafaa 33:13 - Wolaytta Bible

¹³ Minaasee Xoossaa woossido wode, Xoossai ayyo woosettiis; a watwatuwaakka siyiis. Siyidi Yerusalaamen a kawotettan zaaretti wottiis. GODAI Xoossaa gididoogaa Minaasee hegan eriis.

Hanidabaa Odiya Naa77antto Maxaafaa 33:13 ပူးပေါင်းရင်းမြစ်များ

Doomettaabaa 25:21

Yisaaqi ba keettaayyiyaa maine gidido gishshau, iyyo GODAA woossiis; woossin GODAI a woosaa siyiis. Yaatin a keettaayyiyaa Ribiqa shahaaraasu.

Kawotu Maxaafaa Koiruwaa 18:39

Asai ubbai hegaa be7ido wode, bantta som77uwan gufannidi, “GODAI Xoossaa! GODAA xalaalai Xoossaa!” yaagidosona.

Kawotu Maxaafaa Koiruwaa 8:50

Ne asai ne bolli oottido nagaraanne moorido mooruwaa atto yaaga; eta omooddidi efiida asati etayyo qarettanaadan ootta.

Kawotu Maxaafaa Naa77anttuwaa 13:4

Hegaappe guyyiyan, Yo7akaazi GODAA woossiis. Woossin GODAI ayyo siyiis; aissi giikko, Sooriyaa kawoi Israa7eela ai mala iita huqqunnaa huqqunnidaakko GODAI be7iis.

Hanidabaa Odiya Koiro Maxaafaa 5:20

Eti he asatuura olettiiddi, Xoossaakko waassido gishshau, maaduwaa demmidosona. Eti Xoossan ammanettido gishshau, i etau woosettiis. Hegaa gishshau, Aggaari yaratinne etaara de7iya harati eta kushiyan gelidosona.

Hanidabaa Odiya Naa77antto Maxaafaa 12:7

Eti banttana kaushshidoogaa GODAI be7ido wode, SHamaa7iyaa GODAI hagaadan yaagiis; “Eti banttana kaushshido gishshau, taani eta wurssa xaissikke; taani eta ashshana. Ta hanqqoi SHiishaaqa baggaara Yerusalaame bolli tigettenna.

Hanidabaa Odiya Naa77antto Maxaafaa 33:18

Minaasee hanido harabai, i ba Xoossaa woossido woosainne GODAA Israa7eela Xoossaa sunttan hananabaa yootiyaageeti ayyo yootidobai Israa7eela Kawotu Taarikiyaa Maxaafan xaafetti uttiis.

Hanidabaa Odiya Naa77antto Maxaafaa 33:19

Qassi a woosainne Xoossai ayyo woosettidobai, i oottido nagarainne naaqoi ubbai, Minaasee bana kaushshanaappe kase oottido goinniyo xoqqa sohotinne Asheeri misiletanne ba goinniyo eeqata i essido sohoti ubbai Hananabaa Yootiyaageetu Taarikiyaa Maxaafan xaafetti uttidosona.

Hanidabaa Odiya Naa77antto Maxaafaa 34:27

“Ha sohuwaa bollinne ha sohuwan de7iya asaa bolli Xoossai haasayidobaa neeni siyido wode, ne wozanai shuggin, ta sinttan ne huuphiyaa kaushshido gishshaunne ne maayuwaa pooshshada, ta sinttan yeekkido gishshau, taani ne woosaa siyaas.

Izira Maxaafaa 7:27

Yerusalaamen de7iya GODAA Beeta Maqidasiyaa hagaadan loittana mala, kawuwaa wozanan ha qofaa wottida GODAASSI, nu aawatu Xoossaassi galatai gido!

Izira Maxaafaa 8:23

Hegaa gishshau, nuuni xoomidi, Xoossaa woossida; woossin, i nu woosaa siyiis.

Iyyooba Maxaafaa 22:22

A doonaappe timirttiyaa ekka; a qaalatakka ne wozanan wotta.

Iyyooba Maxaafaa 22:23

Nenatettaa ziqqissada, Ubbaa Danddayiya Xoossaakko, neeni simma; iita ooso ubbaa ne sooppe digga.

Iyyooba Maxaafaa 22:27

Neeni Xoossaa woossana; woossin i siyana; qassi neeni ne shiiquwaa ayyo gattana.

Iyyooba Maxaafaa 36:11

Eti siyidi, ayyo oottikko, bantta laittaa saruwaaninne ufaissan wurssana.

Iyyooba Maxaafaa 36:9

i eta oosuwaanne otoruwan eti oottido nagaraa qonccissees.

Mazamure Maxaafaa 107:13

Eti metootido wode, GODAAYYO waassidosona; waassin i eta eta waayiyaappe ashshiis.

Mazamure Maxaafaa 46:10

Co77u giite; taani Xoossaa gidiyoogaa erite. Taani kawotettatu giddon xoqqais. Qassi biittaa bollankka xoqqais.

Mazamure Maxaafaa 46:11

Ubbaappe Wolqqaama GODAI nunaara de7ees; Yaaqooba Xoossai nuuni qosetti attiyo soho.

Mazamure Maxaafaa 86:5

Abeet Godau, neeni kehanne atto giyaagaa; nena xeegiya ubbaayyo aggenna ne siiqoi dariyoogaa.

Mazamure Maxaafaa 9:16

GODAI ba xillo pirddan baayyo erettiis; iita asi ba kushiyan oottido oosuwaa piriyan ohettiis.

Leemiso Maxaafaa 16:7

Asa hemeti GODAA ufaissiyaabaa gidikko, he aawu ba morkketu addiniitaarakka saro de7anaadan, GODAI oottees.

Leemiso Maxaafaa 21:1

Kawuwaa wozanai GODAA kushiyaana; i a wozanaa goggiya haattaa zaariyoogaadan, ba koyidosaa zaarees.

Ermmaasa 24:7

Taani GODAA gidiyoogaa eti eranaadan, taani etau wozanaa immana. Eti bantta kumetta wozanaappe taakko simmanau de7iyo gishshau, eti ta asa gidana; taanikka eta Xoossaa gidana' yaagees.

Ermmaasa 36:7

Ha asaa bolli GODAI awaajjido hanqqoinne yiilloi hanttaara gidiyo gishshau, ooni erii, eti bantta iita oosuwaappe simmidi, GODAA woossanaakkonne” yaagiis.

Ermmaasa Zilaassaa 3:56

Ta waasuwaa siyanaadan taani nena woossiyo wode, neeni taayyo siyadasa.

Daaneela 4:25

Neeni asa giddoppe goodettada, bazzo do7atuura issippe de7ana. Neeni booradan maataa maananne saluwaappe wodhdhiya akkan ka77ana. Qassi Ubbaappe Xoqqiya Xoossai asaa naatu kawotetta ubbaa haariyoogaanne kawotettaa ba koyido urau immiyoogaa neeni erana gakkanaashin, laappun laittai ne bollan aadhdhana.

Daaneela 4:32

Neeni asaa giddoppe goodettada, bazzo do7aara daana; neeni booradan maataa maana. Ubbaappe Xoqqiya Xoossai asaa naatu kawotetta ubbaa haariyoogaanne kawotettaa i ba koyido uraassi immiyoogaa neeni erana gakkanaashin, laappun laittai ne bolli aadhdhana' yaagiis.

Daaneela 4:36

“Ta wozanai simmaanne, ta kawotettaa bonchchuwaa gishshau, ta anggainne ta puulai taayyo simmi aggiis. Kase tana zoriyaageetinne ta oosanchchati tana koyidosona. Taani ta kawotettan minnaas; kaseegaappekka aadhdhiya gitatettai taayyo gujettiis.

Maatiyoosa 6:33

SHin kasetidi, Xoossaa kawotettaanne a xillotettaa koyite; i intteyyo he ubbabaa immana.

Yohaannisa 17:3

Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.

Yohaannisa 4:10

Yesuusi zaaridi o, “Neeni Xoossai immiyoobaanne qassi nena haattaa ushsha giyaagee oonakko eriyaabaa gidiyaakko, a woossana shin; i neeyyo de7o haattaa immana” yaagiis.

Zaarettido Wogaa 29:6

Intte miyo oittai, uyiyo woiniyaa eessai, woikko hara mattoyiya ushshai baawa; xayikkonne GODAI intteyyo Xoossaa gidiyoogaa erissidi tamaarissanaayyo, inttessi koshshiyaabaappe ainne pacissibeenna.

Ibraawe 8:11

Etappe ooninne ba shooruwaa woi ba ishaa, ‘Godaa era’ yaagidi tamaarissenna. Aissi giikko, eti guuttaappe gitaa gakkanaassi ubbai tana eroosona.