Hanidabaa Odiya Naa77antto Maxaafaa 30:8 - Wolaytta Bible

⁸ Intte GODAAYYO azazettiteppe attin, kase intte aawatudan intte morggiyaa zozzissoppite! GODAI merinau geeshshido Beeta Maqidasiyaa haa yiite. GODAA hanqqoi eexxiyaagee intte bollappe kichchanaadan, GODAAYYO, intte Xoossaayyo, goinnite.

Hanidabaa Odiya Naa77antto Maxaafaa 30:8 ပူးပေါင်းရင်းမြစ်များ

Kawotu Maxaafaa Naa77anttuwaa 23:26

Gidikkonne Minaasee GODAA hanqqetissanau oottido iita ooso ubbaa gishshau, GODAI Yihudaa bolli hanqqettido ba hanqquwaa teegaappe simmibeenna.

Hanidabaa Odiya Koiro Maxaafaa 29:24

Halaqati ubbai, mino asatinne Kawuwaa Daawita naati Kawuwaa Solomonau azazettanau qaalaa gelidosona.

Hanidabaa Odiya Naa77antto Maxaafaa 28:11

Hegaa gishshau, ha77i intte taani giyoogaa siyite. GODAA hanqqoi intte bolli wodhdhido gishshau, intte omooddidi qachchido intte dabbota yeddiigite” yaagiis.

Hanidabaa Odiya Naa77antto Maxaafaa 28:13

Denddidi, “He omoodettida asata intte hagau ehooppite! Ehiikko, kase nuuni GODAA bolli oottido nagaraanne naaquwaa bolli hara naaquwaa gujjeeta. Nu naaqoi kasekka dari uttido gishshau, Israa7eela bolli GODAA hanqqoi wodhdhiis” yaagidosona.

Hanidabaa Odiya Naa77antto Maxaafaa 29:10

“GODAA hanqqoi eexxiyaagee nu bollappe kichchana mala, taani GODAARA, Israa7eela Xoossaara maachchaa maacettanau ta wozanan qoppais.

Hanidabaa Odiya Naa77antto Maxaafaa 36:13

Sedeqiyaasi ammanettanaadan bana Xoossaa sunttan caaqettida Naabukadanaxoora bolli makkaliis. GODAAKKO Israa7eela Xoossaakko simmiyoogaa aggidi, ba morggiyaa zozzissiis; ba wozanaakka muumissiis.

Hanidabaa Odiya Naa77antto Maxaafaa 6:5

'Taani ta asaa Israa7eela Gibxxeppe kessada ehiido gallassaappe doommin, ta sunttai an xeesettana mala, Beeta Maqidase keexxanau Israa7eela zaretu giddon ai katamanne doorabeikke; woikko i ta asaa Israa7eela kaalettana mala, oonanne doorabeikke.

Hanidabaa Odiya Naa77antto Maxaafaa 6:6

SHin ha77i ta sunttai Yerusalaamen xeesettana mala, taani Yerusalaame dooraas; qassi ta asaa Israa7eela kaalettana mala, Daawita dooraas' yaagiis.

Hanidabaa Odiya Naa77antto Maxaafaa 7:16

Ha77ikka ha Beeta Maqidasee merinau ta sunttai an de7ana mala oottada taani dooraas; dooradakka geeshshaas. Ta aifeenne ta wozanai ubba wode ha Beeta Maqidasiyan de7ana.

Izira Maxaafaa 10:14

Hegaa gishshau, ha shiiqida asaa sunttan nu halaqati Yerusalaamen takkidi, koshshiyaabaa oottona. Ha yohuwaappe denddidaagan Xoossaa wolqqaama hanqqoi nuuppe simmana gakkanaashin, nu katamatun de7iya Aihuda gidenna maccaasata machchida ubbai keerido wodiyan Yerusalaame yona; qassi he katamatu cimatinne pirddiyaageetikka etaara yona” yaagidosona.

Izira Maxaafaa 10:19

Hageeti bantta Aihuda gidenna machchota yeddanau caaqqidosona; qassi bantta naaquwaa gishshau, wudiyaappe issi dorssa orggiyaa naaquwaa yarshsho oottidi yarshshidosona.

Mazamure Maxaafaa 63:2

Taani nena geeshsha sohuwan be7arkkinaa; ne wolqqaakka ne bonchchuwaakka tana bessa.

Mazamure Maxaafaa 68:24

Abeet Xoossau, ne salppee, ta Xoossaa ta kawuwaa salppee, Beeta Maqidasiyaa geliyo wode ubbau beettees.

Mazamure Maxaafaa 68:31

Kiitettida halaqati Gibxxeppe yaana; Toophphiyaa bari kushiyaa eesuwan Xoossaakko miccana.

Mazamure Maxaafaa 73:17

SHin taani Xoossaa geeshsha sohuwaa gelido wode, iitatu wurssetta qaadaa akeekaas.

Mazamure Maxaafaa 78:49

Eta bolli ba suulliya hanqquwaa, yiilluwaa, lancciyaanne ixuwaa, bashshiya kiitanchchatu citan yeddiis.

Kessaabaa 32:9

GODAI Muusa, “Taani ha asaa be7aas; eti morgge zozzida asa.

Ermmaasa 50:15

Ubba baggaarakka Baabiloone bollan olaa waasuwaa waassite! Baabiloonee kushiyaa immiis; a adussa gimbbeti kunddidosona; a gimbbiyaa dirssaikka kolettiis. GODAI a bollan haluwaa kiyiiddi de7iyo gishshau, inttekka a bollan haluwaa kiyite! I haratu bollan oottidobaa inttekka a bollan oottite!

Maatiyoosa 4:10

Hegaappe guyyiyan, Yesuusi zaaridi a, “Laa ha Seexaanau haakka; aissi giikko, Xoossaa maxaafai, ‘Godaayyo, ne Xoossaayyo goinna; a xalaalau ootta’ gees” yaagiis.

Yohaannisa 12:26

Ooninne tau oottikko, tana kaallanau bessees; qassi taani de7iyoosan ta ashkkaraikka de7ana. Tau oottiya oonanne, ta Aawaikka a bonchchana.

Roome 10:21

SHin Israa7eelatubaa i haasayiiddi, “Gallassaa ubbaa azazettennaageetuyyoonne tabaa ixxiyaageetuyyo ta kushiyaa miccaas” yaagees.

Roome 6:22

shin nagaraa ailletettaappe intte kiyidi, Xoossau haarettideta; qassi intte oottiyo ubbaban inttena muleera au aattidi immideta hegee intteyyo wore; hegaa wurssettai merinaa de7uwaa.

Zaarettido Wogaa 10:16

Hegaa gishshau, intte wozanaa shoohuwaa qaxxarite; qassi hagaappe sinttanau morgge zozza gidoppite.

Zaarettido Wogaa 6:13

GODAAYYO, intte Xoossaayyo, yayyite; a xallaayyo goinnite; a sunttankka caaqqite.

Zaarettido Wogaa 6:17

GODAI intte Xoossai inttena azazido a azazota, a wogatanne a awaajota minttidi naagite.

Yaasu Maxaafaa 24:15

GODAASSI goinniyoogee inttena iitikko, intte aawati shaafaappe hefinttan de7iiddi goinnido xoossata gidin, woikko ha77i intte de7iyo Amoore biittaa asatu xoossata gidin, intte goinnanaagaa hachchi doorite. SHin tananne ta keettaa asaa gidikko, nuuni GODAAYYO goinnana” yaagiis.

Ajjuutaa 7:15

Hegaa gishshau, eti Xoossaa kawotaa araataa sinttan eqqidi, qamminne gallassi a Beeta Maqidasiyan ayyo oottoosona. Qassi i ba kawotaa araatan uttidaagee eta gidduwan de7ana.