Hanidabaa Odiya Naa77antto Maxaafaa 28:24 - Wolaytta Bible

²⁴ Akaazi Xoossaa Beeta Maqidasiyaa miishshaa ubbaa issisaa shiishshidi kinchcherettiis. Kinchcherettidi GODAA Beeta Maqidasiyaa penggeta gorddiis. Yaatidi Yerusalaamen ubbasan baayyo yarshshiyo sohota essiis.

Hanidabaa Odiya Naa77antto Maxaafaa 28:24 ပူးပေါင်းရင်းမြစ်များ

Hanidabaa Odiya Naa77antto Maxaafaa 28:25

Akaazi hara xoossatuyyo ixaanaa cuwayanau Yihudan de7iya katamatu ubban goinniyo xoqqa sohota medhdhiis. Yaatidi GODAA ba aawatu Xoossaa hanqqetissiis.

Hanidabaa Odiya Naa77antto Maxaafaa 29:19

Qassi Kawoi Akaazi kawotidi de7iyo wode, Xoossaayyo ammanettennan aggidi, efiido miishsha ubbaa nuuni zaaridi geeshshida. Be7a, nuuni geeshshido miishshai ubbai GODAASSI yarshshuwaa yarshshiyoosaa sinttan de7ees” yaagidosona.

Hanidabaa Odiya Naa77antto Maxaafaa 29:3

Hizqqiyaasi ba kawotido koiro laittan, koiro aginan, GODAA Beeta Maqidasiyaa penggeta dooyidi bottokoniis.

Hanidabaa Odiya Naa77antto Maxaafaa 29:7

Eti qassi Beeta Maqidasiyaa penggeta gorddidosona; xomppiyaakka toissidosona. Beeta Maqidasiyan Israa7eela Xoossaayyo ixaanaa cuwayibookkona, woikko xuuggiyo yarshshuwaa yarshshibookkona.

Hanidabaa Odiya Naa77antto Maxaafaa 30:14

Eti denddidi, Yerusalaamen de7iya yarshshiyo sohota qolidi, ixaanaa cuwayiyo miishsha ubbaa diggidi, Qediroona Zanggaaran olidosona.

Ermmaasa 2:28

SHin anee, intte intteyyo medhdhido xoossati awan de7iyoonaa? Intte metootiyo wode inttena ashshanau danddayikko, ane denddona! Inttenoo, Yihudaa asatoo, intte xoossati intte katamatu keena cora” yaagees.

Hoose7a 12:11

Gala7aaden nagarai de7ees; Gala7aade asati tumuppe pattennaageeta. Eti Gelggalan korimata yarshshoosona. Hegaa gishshau, eti yarshshiyoosati goshsha giddon keelido shuchcha mala gidana.

Yesuusi Kiittidoogeetu Oosuwaa 17:16

PHauloosi Ateenan Sillaasanne Ximootiyoosa naagiiddi, kataman eeqai kumidaagaa be7idi yiillotiis.

Yesuusi Kiittidoogeetu Oosuwaa 17:23

Aissi giikko, taani intte goinniyoogaa xeellaidda aadhdhishin, ‘Erettenna Xoossaassi’ geetettidi xaafettida yarshshuwaa sohuwaa qassi demmaas; hegaa gishshau, ha intte erennan goinniyoogaa taani inttessi yootais.