Hanidabaa Odiya Naa77antto Maxaafaa 28:22 - Wolaytta Bible

²² Kawoi Akaazi ba huuphen ba tuggaa wode GODAASSI ammanettenna hanotaa kaseegaappe gujji gujjidi biis.

Hanidabaa Odiya Naa77antto Maxaafaa 28:22 ပူးပေါင်းရင်းမြစ်များ

Kawotu Maxaafaa Koiruwaa 13:33

Hegaappe guyyiyankka Iyorbbaami ba iita ogiyaappe simmibeenna; shin goinniyo xoqqa sohotuyyo ubba qommo asaappe qeeseta gujjidi sunttiis; qeese gidanau koyiya oonanne goinniyo xoqqa sohuwan wottiis.

Hanidabaa Odiya Naa77antto Maxaafaa 33:12

Minaasee tuggatido wode, GODAA ba Xoossaa maaduwaa woossiis; ba aawatu Xoossaa sinttan banatettaa keehippe kaushshiis.

Asttiri Maxaafaa 7:6

Oichchin Asttira, “Nu morkkee, nuna yedettiyaagee hagaa ha iitaa Hamaana” yaagaasu. He wode Hamaani kawuwaa sinttaaninne kawee sinttan daro dagammiis.

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 52:7

“Xoossaa baayyo qato oottibeenna, ba duretettaa daruwan ammanettida, iita oosuwan minnida bitaniyaa hagaa be7ite!” yaagana.

Isiyaasa 1:5

Intte aissi makkalaa bolli makkalaa gujji gujji beetii? Aissi qassikka shocettuuteetii? Intte kumetta huuphee sakettiis; intte kumetta wozanaikka daafuriis.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Hizqqeela 21:13

Taani ta asaa paaccana; eti nagaraa paaxennan ixxikko, ha metoi ubbai eta bolli gakkana. Taani Ubbaa Haariya GODAI hagaa odais” yaagees' yaaga.

Hoose7a 5:15

Eti bantta mooruwaa akeekana gakkanaashiininne tana koyana gakkanaashin, taani guyye ta sohuwaa simmashshana. Eti bantta tuggau tana minttidi koyana” yaagees.