Hanidabaa Odiya Naa77antto Maxaafaa 25:8 - Wolaytta Bible

⁸ Neeni, eti tana minttana gaada qoppikko, Xoossai nena ne morkketu sinttan kaushshana. Aissi giikko, maaddanau woikko kaushshanau Xoossau wolqqai de7ees” yaagiis.

Hanidabaa Odiya Naa77antto Maxaafaa 25:8 ပူးပေါင်းရင်းမြစ်များ

Hanidabaa Odiya Naa77antto Maxaafaa 1:12

taani neeyyo aadhdhida eratettaanne akeekaa immana. Qassi neeppe kase de7ida kawotuyyo woikko neeppe guyyiyan yaana kawotuyyookka bainna duretaa, aquwaanne bonchchuwaa taani neeyyo immana” yaagiis.

Hanidabaa Odiya Naa77antto Maxaafaa 14:11

Hegaappe guyyiyan, Asi GODAA ba Xoossaa woossidi, “Abeet GODAU, wolqqi bainna olanchchati wolqqaama olanchchata xoonanaadan maaddiyai neeppe attin, harai baawa! Abeet GODAU, nu Xoossau, nuuni nenan ammanettidi, ha cora olanchchatuura ne sunttan olettanau yiido gishshau, neeni nuna maadda. Abeet GODAU, neeni nu Xoossaa; nena asi xoonenna” yaagiis.

Hanidabaa Odiya Naa77antto Maxaafaa 18:14

Mikaayi kawuwaakko yiido wode, kawoi a, “Mikaayaa, nuuni Gala7aaden de7iya Raamoota olanau boniiyye boopponii?” yaagidi oichchiis. Oichchin Mikaayi kawuwaa, “Ba; baada ola; oladakka xoona. Aissi giikko, eti ne kushiyan aadhdhi imettana” yaagiis.

Hanidabaa Odiya Naa77antto Maxaafaa 20:6

Eqqidi hagaadan yaagiis, “Abeet GODAU, nu aawatu Xoossau, saluwan de7iya Xoossai nena! Sa7an de7iya kawotettata ubbaa haariyaagee nena! Gitatettainne wolqqai ne kushiyan de7iyo gishshau, nenaara eqettanau danddayidabi baawa.

Hanidabaa Odiya Naa77antto Maxaafaa 26:7

Ooziyaani Pilisxxeemata, Gurbba7aalan de7iya Arabatanne Ma7uunata xoonanaadan Xoossai a maaddiis.

Iyyooba Maxaafaa 5:18

I masunxxissees, shin masunttaa qachchees. I dechchees, shin a kushee xallees.

Iyyooba Maxaafaa 9:13

Xoossai ba hanqquwaa teqqenna; Ra7aaba giyo miimminttiyaa maaddiya ba morkketa ba tohuwaappe garssau aattidi yedhdhees.

Mazamure Maxaafaa 20:7

Issooti issooti bantta ola parai goochchiyo gaariyan, harati bantta paran ceeqettoosona; shin nuuni GODAA nu Xoossaa wolqqan ceeqettoos.

Mazamure Maxaafaa 24:1

Sa7ainne sa7an kumidabai ubbai GODAABAA; biittainne biittan de7iyaabai ubbai abaa.

Mazamure Maxaafaa 33:10

GODAA erenna kawotettatu zoretaa GODAI laalees; eta halchchuwaakka halissees.

Mazamure Maxaafaa 33:16

Kawoi ba wotaaddaraa coratettan attenna; olanchchai ba wolqqaa minotettan kessi ekkenna.

Mazamure Maxaafaa 62:11

Xoossai hagaadan giyoogaa taani zaara zaarada siyaas; “Wolqqai Xoossaassa.

Mazamure Maxaafaa 89:43

Neeni a bisuwaa xeeraa qalam77adasa; neeni olan a maaddabaakka.

Leemiso Maxaafaa 10:22

GODAA anjjoi dure kessees; i he duretettan meto walakkenna.

Eranchchaa Maxaafaa 11:9

Nenoo yelagau, yelagatettai keehi lo77obaa gidiyo gishshau, ne yelagatettaa laittan ufaitta; ne wozanaikka ufaitto. Ne aifee xeellidobaanne ne wozanai amottidobaa ubbaa pola. SHin, he neeni oottidobaa ubbaa gishshau, nena Xoossai pirddanau de7iyoogaa dogoppa.

Eranchchaa Maxaafaa 9:11

Taani saloppe garssaara harabaakka be7aas; hegeekka, eesotiya wottanchchati ubba wode xoonokkona; woikko mino olanchchatikka ubba wode olan xoonokkona; woikko aadhdhida eranchchati ubba wode qumaa demmokkona; woikko cinccati ubba wode duretokkona; woikko tamaarida asati ubba wode sabettokkona. SHin ubbaikka qaadainne wodee oottoogaadan hanees.

Hagge 2:8

Birai tabaa; worqqaikka tabaa.

Maatiyoosa 26:45

Hegaappe guyyiyan, erissiyo ashkkaratukko yiidi, “Ha77i gakkanaashinkka xiskkeetiinne shemppeetii? Be7ite, tana, Asa Na7aa, nagaranchcha asatuyyo aattidi immiyo wodee gakkiis.

Zaarettido Wogaa 8:18

SHin neeni GODAA ne Xoossaa hassaya; aissi giikko, hachchi neeni be7iyoogaadan, ne maizza aawatuura maacettido maachchaa minttanau, neeni duretaa demmanaadan neeyyo wolqqaa immidaagee attennee.

Piliphphisiyuusa 4:19

Qassi ta Xoossai ba bonchcho duretettaa daruwan Kiristtoos Yesuusa baggaara inttena koshshiyaabaa ubbaa intteyyo immana.

Daannatu Maxaafaa 7:7

GODAI Geedoona, “Bantta kushiyan haattaa equwan kophphetidi labaci oottida heezzu xeetu asatan taani inttena ashshana; Midiyaama asata intteyyo aattada immana. SHin attida asai ubbai ba soo ba soo simmo” yaagiis.

Sameela Maxaafaa Koiruwaa 14:6

Yonaataani ba ola miishshaa tookkiya wodallaa hagaadan yaagiis; “Haaya; ha qaxxarettibeennaageeti galchchidosaa ane hefintti boos. Ooni erii, GODAI nu gishshaa oottanaakkonne; GODAI daro asan gidin, guutta asan gidin, ashshanaagaa a diggiyaabi aibinne baawa” yaagiis.