Hanidabaa Odiya Naa77antto Maxaafaa 18:34 - Wolaytta Bible

³⁴ He gallassi olai suulliyo wode, Israa7eela Kawoi Akaabi ba paraa gaariyaa giddon zemppidi, omarssi gakkanaashin, Sooretu sinttan takkiis. Takkidi awai wullido wode, i haiqqi bayiis.

Hanidabaa Odiya Naa77antto Maxaafaa 18:34 ပူးပေါင်းရင်းမြစ်များ

Hanidabaa Odiya Naa77antto Maxaafaa 18:16

Yaagin i, “Israa7eela olanchchati ubbai henttanchchi bainna dorssaadan deriyan laalettidaageeta taani be7aas. GODAI eta, 'Hageetuyyo godi baawa. Eti ubbaikka bantta soo bantta soo saro boona' yaagees” yaagiis.

Hanidabaa Odiya Naa77antto Maxaafaa 18:19

GODAI, 'Israa7eela Kawoi Akaabi Gala7aaden de7iya Raamoota katamaa biidi, yan haiqqanaadan a balettanai oonee?' yaagiis. Yaagin issoi hagaadan giyo wode, harai qassi hegaadan giis.

Hanidabaa Odiya Naa77antto Maxaafaa 18:27

Yaagin Mikaayi a, “Tumu neeni saro simmiyaabaa gidikko, GODAI tanan haasayibeenna” yaagiis. Qassikka Mikaayi, “Asau ubbau, taani yootidobaa akeekite” yaagiis.

Hanidabaa Odiya Naa77antto Maxaafaa 18:33

Issi bitanee coo ba wonddafiyaa olanchchatu bolli dukkidi, Israa7eela kawuwaa olaa maayoi gaittiyo kayyiyaara caddiis. Caddin kawoi ba gaariyaa laaggiya bitaniyaa, “Gaariyaa guyye zaarada, tana olaa giddoppe kessa. Aissi giikko, taani iita cachchaa cadettaichchaas” yaagiis.

Hanidabaa Odiya Naa77antto Maxaafaa 19:1

Hegaappe guyyiyan, Kawoi Yoosaafixi ba soo Yerusalaame saro simmiis.

Leemiso Maxaafaa 13:21

Nagaranchchata iita qaadai kaallees; shin xilloti lo77o oosuwaa woituwaa ekkana.

Leemiso Maxaafaa 28:17

Asa worida asi haiqqana gakkanaashin baqatiiddi de7ees; a ooninne shiishshi ekkenna.

Qoodaabaa 32:23

“SHin intte hegaadan oottennan ixxikko, GODAA bolli nagaraa ootteeta; simmi inttena intte nagarai gakkiyoogaa tumu erite.