Hanidabaa Odiya Naa77antto Maxaafaa 18:1 - Wolaytta Bible

¹ Yoosaafixi keehippe duretiisinne bonchchettiis; qassi Akaabaarakka bollotiis.

Hanidabaa Odiya Naa77antto Maxaafaa 18:1 ပူးပေါင်းရင်းမြစ်များ

Kawotu Maxaafaa Koiruwaa 21:25

Ba maccaasiyaa Elzzaabeela denttettin, GODAA sinttan iitabaa oottanau ba huuphiyaa nagaraassi baizzida, Akaaba mala asi mulekka baawa.

Kawotu Maxaafaa Koiruwaa 22:1

Sooreenne Israa7eeli olettennan heezzu laittaa saro de7idosona.

Kawotu Maxaafaa Koiruwaa 22:45

Yoosaafixi hanido harabai, a minotettainne i olettido olai Yihudaa Kawotu Taarikiyaa Maxaafan xaafetti uttiis.

Kawotu Maxaafaa Naa77anttuwaa 11:1

Akaaziyaasa aayyiyaa Ataala ba na7ai haiqqidoogaa be7ido wode, denddada kawuwaa zariyaa ubbaa xaissaasu.

Kawotu Maxaafaa Naa77anttuwaa 8:18

Yoraami Akaaba na7iyo machcho ekkido gishshau, Akaaba so asai hemettidoogaadankka kase Israa7eela kawotu ogiyan i hemettiis; GODAA sinttankka iitabaa oottiis.

Hanidabaa Odiya Naa77antto Maxaafaa 17:12

Hegaa gishshau, Yoosaafixi keehippe minni minni biis. I Yihudan qatotanne minjjiyoobaa wottiyo katamata keexxiis.

Hanidabaa Odiya Naa77antto Maxaafaa 17:5

Hegaa gishshau, GODAI a Yihudaa kawotettan mintti essiis. Yihudaa asai ubbai Yoosaafixayyo imuwaa ehiidosona; yaatin, i keehippe duretiisinne bonchchettiis.

Hanidabaa Odiya Naa77antto Maxaafaa 18:31

Paraa gaareta azaziyaageeti Yoosaafixa be7ido wode, “Hagee Israa7eela kawuwaa” yaagidosona. Yaagidi aara olettanau simmidosona. Simmin Yoosaafixi waassiis; waassin GODAI Xoossai a maaddidi, eta guyye zaariis.

Hanidabaa Odiya Naa77antto Maxaafaa 19:2

Simmin hananabaa yootiya Hanaana na7ai Yeehu aara gaittanau kiyidi, Kawuwaa Yoosaafixa, “Neeni iitata maaddanau woikko GODAA ixxiyaageeta siiqanau bessii? Hegaa gishshau, GODAA hanqqoi ne bolli yiis.

Hanidabaa Odiya Naa77antto Maxaafaa 20:35

Issi wode, Yihudaa Kawoi Yoosaafixi iitabaa oottida Israa7eela Kawuwaa Akaaziyaasaara issippetettaa oottiis.

Hanidabaa Odiya Naa77antto Maxaafaa 21:6

Yoraami Akaaba na7iyo ekkido gishshau, Akaaba so asai hemettidoogaadankka kase Israa7eela kawotu ogiyan hemettiis; GODAA sinttankka iitabaa oottiis.

Maatiyoosa 6:33

SHin kasetidi, Xoossaa kawotettaanne a xillotettaa koyite; i intteyyo he ubbabaa immana.

Naa77antto Qoronttoosa 6:14

Ammanenna asatuura zuppetidi, giigenna oosuwaa oottoppite. Aissi giikko, xillotettaayyoonne nagaraayyo aiba gaitetti de7ii? Poo7uwaayyoonne xumaayyo aiba issippetetti de7ii?